" ونرجع نقول ماتستسلمي لوحدة دايرة تخرب بيتك واخدي حقك "
وصلتا الشغل .. ولاقيت صاحب راشد اسمو امجد .. سلمتا عليهو وطبعا استغرب انا جيت ليه .. قلتا ليهو راشد تعبان الليله و وصاني لحاجات في المكتب .. وبعد كده مشى وخلاني لكن كان باين انو مستغرب .. دخلتا المكتب ووصفو لي مكتب السكرتيره .. وطبعا هي قمر .. طلعتا فوق ولقيتها مافي .. وكانت طلعت قبليني بي مسافه صغيره ومشت لي امجد ..وفي المسافه دي امجد كان اتصل على راشد ..
امجد: يا راجل الحاصل شنو !
راشد: امجد من الصباح تلفونات .. خير في شنو
امجد : انت مالك .. سلاماات قالو تعبان ..
راشد: امجد تعبان!!! منو القال كده؟!😳
امجد:،سندس قالت كده
راشد : سندس😳😳 بتين ولقيتها. وين انت
امجد: جات الشغل قبل شويه وصلت وجات قالت عندك حاجات نسيتها في المكتب !
راشد: لا حول ولاقوة الا بالله .. امجد الحقها سرييع شوفها وين ..
سندس عايزة تتاكد من حاجه وجات
" في اللحظه دي قمر جات داخله وامجد بتكلم ما انتبه ليها "
امجد: يا راشد .. سندس مرتك انتا .. كيف امشي اوقفها وارجعها
" طبعا الخبر بالنسبه لي قمر صدمه شديييد كان ورمت الورق من يدها .. وامجد اتلفت ليها قمر !! " .. راشد هنا قفل الخط وماقدر يعمل شي ... وانا انتظرت قمر تجي واتاخرت .. قلتا انزل لي امجد تحت ..
...
امجد: قمر انتي كويسه !!
خير خير مالك .. اقعدي شكلك ما اكلتي حاجه وراسك لفى ...
قمر : 😳😳 مصدومه ومماقدرت تقيف الا امجد قعدها ..
" انا جيت نازله ودقيت الباب لي امجد وقال لي اتفضلي .. دخلتا لقيت قمر لكن ما كنتا بعرفها وقايلاها موظفه عاديه وهي ما بتعرفني .. سلمتا عليها . وماردت السلام .. كانت بتعاين بس ..
قلتا لي امجد .. يلا مع السلامه .. ليث بكون صحى انتا عااارف ابوهو ما بحب البكا من الصباح ..
امجد: سندس☺ مع السلامه .. سلمي على ليث ..
انا: ان شاء الله .. يلا مستعجله ... اشوفك مرة تانيه ..
امجد: اااي سندس .. صحي راشد لو اتحسن خلي يجي
انا: تمااام
" قمر اتلفتت وعاينت لي وعرفت اني مرت راشد .. لاحظت لي ملامحها اتغيرت بس ما ركزت معاها .. اللفتني ليها انها بت حلوة وراقيه شديييد .. "
....
بعد مشيت قمر سالت امجد .. دي مرت راشد!؟
امجد: ايووة .. مرتو شفتيها صغيرة كيف وجميله ..
قمر: اي ما شاء الله حلوة وشعرها حلوووو وصغيره
امجد: اي من زماان اصحابي الاتنين .. من زمن الجامعه
قمر: من الجامعه!؟
امجد: ايووة .. راشد سنيرها لسندس ..☺☺ متزوجين ليهم خمسه سنين وعندهم ولد اسمو ليث عمرو تلاته سنيين
قمر: ايواا .. ولد قلتا لي !!
امجد: ايوة اسمو ليث حلات الدنيا عليهو ❤
قمر: اهااا
" وكانت دايرة تقوم وقعت داخت ... امجد كورك للناس وودوها المستشفى .. وانا يادووب وصلتا البيت "
راشد اول مافتح لي الباب .. كورك بصوت عالي
كنتي وين 😡😡
انا: بسم الله .. مالك 😳 .. استناني ادخل على الاقل
.. رزع باب الشارع وعاد السؤوال وظاهر كان اخلاقو فووق ..
انا: كنتا في السوق وانتا نايم سقتا العربيه بدون ما اصحيك بس
راشد: اوووعك تكذبي كنتي وين 😡😡
انا: راشد مالك .. قول بسم الله
" جا مسكني من زراعي ولواها لي لما صرختا فيهو ...
راشد فكني😡😡 ... وهو لسا بيلوي فيها ..
راشد: مشيتي تفتشي بي وراي قايلاني ماحاعرفك !
انا: راشد سيبني 😡😡😡
" ليث كان واقف ورا الباب وببكي بصوت واطي لانو خاف من كواريكنا ونحنا مع الشكل ما انتبهنا ليهو ... "
راشد: عايزة تفضحيني مع الناس البره ...؛!
انا: راشد ياخ وجعتني .. وبقيت ببكي 😭😭 .. اااي مشيت لاني شاااكه فيييك ... شاااكه فيييييك سمعتني!
راشد: وعشان اريحك ... اي بعرف غيرك .. وعندي وحدة تانيه في حياتي ارتحتي !!
.. وما حاسيبك تاني لو طلعتي...
وقبل ما يتم انتبه انو ليث ببكي وخايف 😔.... فكاني من يدي وقلع المفتاح وطلع من البيت ... وانا جريت حضنتا ليث وبقيت بسكت فيهو وبقول ليهو خلاص حبييبي نحنا كنا بنلعب سوا لعبه مصارعه ..
ويدي بقت علامااات حمر كلها 💔 وكنتا حاموت من الالم ...
....
في الطريق راشد ضرب لي امجد .. وطوالي امجد قال ليهو هو في المستشفى وقمر تعبانه ...
طبعا غير مسار العربيه ومشى ليها طوالي .. دخل المستفى ولقى اماني وامها قاعدين معاها .. وهي زعلانه كانت ..
راشد: حمد لله على سلامتها
ام قمر: تسلم ياولدي ☺
قمر: اماني ممكن اتكلم معاك ..
طبعا راشد فهم انو مفروض يطلع بره .. فطلع هو وام قمر
واماني قعدت معاهة جووة .. طوالي قمر اتفجرت من البكا واماني بقت بتسال فيها ..
اماني: قمر بسم الله ماالك ؟!
قمر: راشد حيوان يا اماني .. راشد كلب وكذب علي
اماني: في شنو؟!
قمر: كلع متزوج وعندو ولد وشفتا مرتو الليله
اماني:😳 وهو ما قال ليك قبل كده
قمر: انتي عارفه كمان؟!
اماني: ايوة.. وكم مره حاولتا اوريك .. بس قلتا اكيد عارفه بيها .. خصوصا لما قلتي قال انو دايرك ..
قمر: ما كنتا عارفه 😭😭💔💔
اماني: قمر معليش والله .. انا قايلاهو داير يتزوج خصوصا انها ماولدت تاني
قمر: ماولدت؟!
اماني: عندها مشكله كانت بعد ولدت ليث وعمات راشد اصرو عليهو يتزوج فيها بس هو رفض ..
قمر: اماني ماكنتا عارفه ده كلو😭😭😭😭
....
وراشد وام قمر كانو قاعدين بره .. ام قمر كانت حاسه انو في شي بين قمر وراشد .. فقالت تحكي ليهو عن بتها
ام قمر: عارف ياولدي قمر دي مسكيينه وطيبانه شديد.. زمان كانت متعلقه بي ابوها ومدلعها شديد
راشد: ظاهر ياخاله ☺ من الدلع ده ..
ام قمر: ههههه اي .. مارفض ليها طلب لحدي ما اتوفى ...
كانت صدمة بالنسبه ليها وطلعت منها بعد زمممن ...
راشد: اي والله شكلها كانت متعلقه بيهو شديد ..
ام قمر: انا حاسه بيها الفتره الاخيرة اتعلقت بيك
" طبعا راشد نزل راسو وسكت بس"
ام قمر: انا دايره اشوفها مبسوطه ومتهنيه واطمن عليها قبل اموت
راشد: بعد عمر طويل ياخاله . ربنا يفرحك بيها ..
......
اماني: قمر خلاص اهدي ..
حنادي ليك راشد تفهمي منو الحاصل كلو .. تمام
وطلعت نادتو وخلتهم براهم ..
ام قمر: اماني مالها قمر
اماني: بس حابه تتكلم معاهو قالت.. خليهم ياخدو راحتهم
...
راشد: حمد لله على سلامتك وقعد في الكرسي
قمر: ليه كذبتا علي ..
راشد: ما كذبتا ياقمر بس
قمر: ولااا بس.. انتا عارف انا حبيتك قدر شنو وقعدت تبكي😭😭😭
راشد: والله مافكرتا يوم اذيك ..
ومشاعري معاك ما كانت كذب ولا لعب ..
قمر: طيب ليه ماقلتا انك متزوج ؟؟
راشد: كنتا خايف ما نتصاحب ولا تبعدي مني!!
قمر: راشد😭😭😭😭
راشد: عليك اللع ماتبكي مابحب اشوف دموعك ..
.....
انا في البيت بعد سكتا ليث قعدتا فكرتا ..
منظر ليث وهو شافنا بنتشاكل كده زعلني شدييييد من نفسي
ومادايراهو يكبر في مشاكل بيني وبين ابوهو ... وقلتا الفتره دي نبعد من بعض شويه ... قمتا لميت شويه هدوم وقلنا اقعد عند ناس البيت يومين كده لحدي ما الوضع يهدا والمشاكل تروق ..
شلتا التلفون عشان اضرب لي عمار اخوي واحكي ليهو المشكله ...
بس سبقني هو وفتح معاي موضوع .. خلاني ارجع من قراري ..
انا: الو عمار..
عمار: سندس .. حبييبتنا الغاليه عندي ليك خبر
انا: احكي لي...
