انتظرتا بفارق الصبر رنا تنتهي من امورها 💔 وقلتا ليهم ماشه ... ام راشد حنستني عشان ابيت بس قلتا ليها مابقدر .. قالت لي خلاص ليث نايم ماتصحيهو تعالي سوقيهو الصباح . ماحبيت احرجها تاني وخليتو معاها ومشيت للبيت سريييع .. نزلتا شنطتي ولميت هدومي ولما جا راشد داخل لقاني مستفه الشنطه وخاتها جنب الباب ..
راشد: حبييبتي دي شنطه رنا ولا شنو؟؟
انا ساااكته ومافتحتا خشمي بي كلمه .. هو كرر السؤال تاني ومارديت عليهو .. استغرب طبعا وجاني جوه الغرفه وانا كنتا بلملم في حاجاتي .
راشد: سندس بسم الله😳 في شنو مالك مابتردي علي..
من قبيل بسال فيك . وبتلمي في هدومك مالك!؟ .. سندس؟!
سندس؟! ... " لما مارديت عليهو .. مسكني من زراعي وقال لي .. سندس اتكلمي معاي .. في شنو الحصل شنو .. الزعلك منو؟
انا: فكني👋 وفلتا يدي منو وعيوني مليااانه دموع .😭
راشد: مالك ياسندس .. بتبكي لي ؟
انا: انت وااحد حيواان وكعب وانا بكرهك شديييد شديييد ..
وقعدتا في السرير ابكي .. ياخ بقيت بقرف من روحي ومنك بالذات ..
راشد: سندس؟
انا: قصرتا معاك في شنو انا .. ياخ قبل يومين عيد زواجنا وكنتا بتقول لي في كلام طلعني السماء .. وقضيت ليله خلتني احبك زيادة.. وبعدها تجي تخوني وعايز تعرس ..
انت واحد ماعندك ضمير.. وبقيت بضرب فيهو.. وعو مافهم حاجه وبمسك فيني وهو بسال لسه .. سندس فهميني في شنو...
انا: كان تقول لي انك عايز تعرس ... كنتا اتطلقتا منك وبينا في احترام.. لكن هسي مافي ذرة احترام مني ليك .. ياخ انا بكرهك
وانهرتا وبقيت ببكي 💔😭😭 وبضرب فيهو في كتفو ورجلينو بدون ما اشعر بشلت فيهو حتى .. وهو مستحمل وماقادر يفهم كلامي من الخنيق والبكا .. وقعد في الارض ومسك يديني عشان ما اضربو بس بسه كنتا ببكي ومنهااااره شدييييد ..
راشد: عليك الله ماتبكي .. وفهميني ..
" وهو بتكلم معاي وصلتو مسج .. وكانت من قمر حبييبي وصلتا؟"
سمعتا صوت المسج .. وقلتا ليهو..
رد لي حبيبتك ومرتك الجدييدة 😭😭😭 .. رد لي قمر حبييبتك 💔
راشد خلاص فهم الحاصل .. وعرفني عرفتا بي علاقتو معاها ..
وحاول يفهمني انو انا فاهمه الموضوع غلط .. بس انا لسه كنتا منهاره وببكي وفتحتا ليهو تلفوني ووريتو الصورة.. بعديها سكت شويه وكان عايز يمسكني ويشرح لي براحه .. قمتا اتنفضتا على حيلي وقلتا ليهو..
مادايره اسمع منك حاااجه .. راشد بس حاستنى العرس ينتهي .. وبعدها تطلقني ..
راشد: سندس😳 واعيه لي روحك انتي .. ؟!
اهدي شوية وخلينا نتكلم اول وافهمك .. انتي هسي زعلانه وماعارفه روحك بتقولي في شنو..
انا: لا عارفه روحي .. انا بقيت بكرهك وبشمئز منك
قرب عشان يمسكني وهو بقول لي اهدي .. كوركتا فيهو.. اوووعك تلمسني .. انت لو لمستني انا حاقرف من روحي بعد ده ..
راشد: سندس .. خليني اتكلم ..
انا: ما دايره اسمع منك شي.. اصلا انا غلطتا لما عرستا واحد ماراجل وماعندو كلمه ..
" وطاااخ جاني كف في وشي منو .. وكانت اول مرة يمد يدو علي👋 .. ماحصل ضربني ولا بالهظار .. وانا الكلمه طلعتا مني لحظة غضب وما كنتا واعيه بي روحي بقول في شنو الوقت داك .. بس بعد الكف سكتنا الاتنين .. مشيت الغرفه بتاعت الضيوف قفلتها وبكيت ببكي براااي ..
وهو قعد في غرفه النوم وزعل شديييد من كلامي الحار القلتو ليهو .. وزعل برضو لانو مدا يدو علي ..💔💔💔
نمنا الاتنين واي واحد زعلان .. صحى الصباح لقاني مافي .. شلتا شنطتي ومشيت لي ناس امي .. طبعا هم قايليين انا وليث جينا للعرس وعشان كده مافي زول ختا في راسو اني دايره اتطلق 💔 ..
وراشد عرف اني مشيت وين .. ما قدر يجي ولا يعمل شي .. قعدتا يوم قبل العرس ونمتا عندهم .. انا وليث .. ويوم العرس اتلخمنا بالجوطه والعزومه .. وانا بالي هناك ومهموومه وقلبي واجعني وكاتمه الزعل جواااي 💔💔 ...
قمر ضربت لي راشد .. وقالت عايزة تشوفو طبعا مابقدر يقول ليها لا في حاجه .. مشى ليها وقعد معاها ... ومشو الشغل سوا .. وبالليل قال ليها انو عرس اختو الليله .. طبعا اهلي واهل راشد عملو العرس في بيت واحد وكنا ملموين ورنا كل شويه تسال منو وبقول ليها مشغول... وحتى زعلت وقالت لي كيف اخوي يمشي الشغل والليله عرسي بالليل ... وعمار وامي وابوي والدنيا كلها كانت بتسال عنو .. بس انا عارفه انو ماداير يجي ليه .. 💔💔💔 لحدي المساء مشينا الصاله واتظبطنا كلنا .. وكنتا لابسه توب انناسي ❤ وطلعتا مزززة شديييد😍😍 اي زول في الحفله علق علي😉 .. وبعد نص ساعه كده .. جا داخل راشد وكان لابس البدله الجبتها ليهو .. يوم زواجنا من قفه فرح❤ طبعا مشى للعرسان طوالي وسلم وبارك ورنا قالت ليهو في اضانو كنتا وين .. وردا ليها بعدين بعدين ..
راشد.. اوووو عمااار يااخ 😍 السكرة دي في رعايتك تاني❤ ..
عمار: في عيوووني يااخ .. 😍😍
راشد: ايواا ايوااا اظهرو وبانو على حقيقتكم .. رنا الاخو ده شكلو مكسر من زمااان 😉
رنا: ههههه .. زي ما انتا اتكسرتا في اختو زمان شدييد كمان
" طبعا راشد سكت .. وبقى بفتش بعيونو علي في الحفله .. جاهو ليث جاري وشالو حضنو وسالو ماما وين حبييبي ... اشر ليهو .. هناااك قاعدة .. اتلفت لقاني بالتوب والقشره اسووي كدي👋💓 ...
عيونو اتملت حب من بعيد وقال ماشاء الله تبارك الله 💓 ياحافظ ياحفيييظ .. وبقى بعاين من بعيد .. وانا بعد مسااافه طويله حتى انتبهتا انو جا واتلفتا لقيتو شايل ليث 😒 .. طوالي مشيت ليهو محل واقف وقلتا ليهو اديني ولدي وقلعتو😡😡 .. وهو لما قربتا منو 😍 كان سمممح شديييد وخصوصا بعد حلق واتظبط .. بس طبعا من الزعل شاماااهو شديييد .. قلعتا ليث وهو مخلوع بعاين لي😳 ومشيت قعدتا في الترييزة ااكل ليث .. لحدي ما الحفله كانت حتخلص ... جا امجد داخل ووراهو دخلت قمر ... واحنا مشغولين بالحفله .. جا امجد سلم علي وسلم على راشد وسالو الامور كيف يا معلم😉 ..
راشد: زي الزفت والزفت احسن ..
وكانو بتهامسو وانا بعاين من بعييد .. والنصيحه راجلي كان سمممح وقااااشر😍❤ ... قمر دخلت الصاله وبتتلفت مابتعرف زول غير راشد ولمحتني وما عرفتني .. لانو شكلي بالتوب اتغير ولاني نحفتا 💔 ..
ولانها لمحتني بس في المكتب اليوم داك وما حددت ملامحي وحفظتها ... لحدي ما لمحت راشد .. مشت طواااالي ليهو وكان واقف مع امجد سلمت عليهم .. والاتنين صبت فيهم مطرة😳 ماعرفو يودو وشهم ويييين 😳😳.. وخصوصا راشد بقى بعاين لي وبعاين ليها .. انا ماكنتا منتبهه لانو ليث نااام .. وماعرفتا اوديهو وين .. وطبعا ماعندي حل غير اطلب من ابوهو يودينا البيت بعد كده لانو الحفله انتهت .. وقربت تخلص خلاص .. اتلفتا لقيتهم في مكانهم وامجد وشو لما بقى اصفر ومخلوع .. عاينت لقيت بت حلووة فاكه شعرها ولونو بني وحلووة شدييد لابسه فستان راقي باللون الاسود .. لما اتلفتت وهي كانت بتتلفتت كتير .. اتذكرتها دي نفسها الشفتها مع امجد .. اتخيلتا انو امجد عزمها لانو زميلتو في الشغل .. وقلتا خلاص امشي عليهم .. اديت امي ليث وقلتا ليها امسكيهو .. لحدي ما انادي راشد يوصلنا ولوما ليث ماكان مشيت ليهو ولو ما الناس حيفهمو غلط كنتا حاطلب من امجد او اي زول تاني💔 .. قمتا مشيت عليهم .. وهنا راشد اتجمد في مكانو وماعرف يعمل شنو .. وامجد ارتبك يمكن اكتر منو ...
لحدي ماوصلتا وقلتا ليهم السلام عليكم .. وردوا كلهم وعليكم السلام ..
مديت يدي ليها وقلتا ليها مرحب بيكي نورتي .. زميله امجد؟!
اتلاقينا قبل كده ماعرفتيني شكلك😊😊
قمر: اتلاقينا!؟ وين !؟
امجد: ياااا سندس الاخبار شنو
" عايز يغير الموضوع بس قمر لما سمعت اسمي .. قالت "
ايواا اتذكرتك .. زوجة راشد !
انا بعد حمرتا لي راشد كده 😒 قلتا ليها ايوة زوجتو
قمر: ☺ ابتسمت لي وعاينت لي راشد وبكل قوة عين وهي بتعاين جوووة عيونو وانا واقفه بعاين ليهم مستغربه .. وقالت لي :
وانا قمر ☺ قمر ☺...
