صحيت الصباح ❤ وهو ناااايم اتسحبتا براااحه نزلتا ومشيت قمتا على البيت نضفتو كلو وبخرتو وشلتا قروش من محفظة راشد ومشيت السوق جبتا حاجات وطبختا ليهو اكل نضيييف وعملتا كم عصير .. دخلتهم التلاجه ودورتا الغساله في هدومو .. ونشفتهم بالنشافه وكويتهم وده كلو هو نايم .. وبصحى ومابقدر يقوم .. اتصلتا على امجد عشان يجي وبعدها دخلتا غيرتا ملابسي ورجعتا البيت .. لانو الوقت اتاخر خلاص ..واول ما وصلتا البيت لقيت ابوي منتظرني جنب الباب ودينا بي وراهو .. طبعا قالت ليهو اي شي ام لسان خفييف 😒😒 .. ابوي: سندس تعالي وراي
انا: حاضر يا ابوي .. وحمرتا لي دينا😒 اصبري لي انتي بس،😒
ابوي: سندس البتعملي فيهو ده شنو؟
انا: عملتا شنو غلط طيب ..
ابوي: يعني عايزة تعيشي كده . يوم هنا ويوم تنومي هناك ؟!
انا: ابوي راشد كان عيان
.ابوي: اسمعيني هنا .. يا ترجعي بيت راجلك يا تقعدي هنا اختاري
انا: لالا ماراجعه . دايرة اتطلق
ابوي: تمام . تاني ما اشوفك عتبتي البيت داك بي وراي
...
عدى اسبوع تاني بدون ما اشوف راشد كنتا بطمن عليهو من امجد ودينا .. لكن مصرة على قراري برضو ومستحيييل انسى خيانتو لي .. بعد فترة هو اتعالج وبقى كويس وقمر كانت بتجي تزورو .. ومرات ما بتقدر لانها بدت تتعب وبقت بترعف كتييير مرات ...
الشوق زاااد علي وانا بعيدة منو واتمنيت امشي ليهو هسي واقعد معاهو بس الكبرياء حاميني اعمل حاجات كتيييرة ..
بعد راشد بقى كويس جانا البيت عشان يشوف ليث .. سمعتا ابوي وهو برحب بيهو وبقول ليهو اتفضل يا ولدي .. طوالي جريت الغرفه ودخلتا عشان ما الاقيهو .. قعد في الصالون وسلم على ليث ولعب معاهو شويه وعيونو كانت بتفتش علي .. ❤ وقعد وقعد ودينا تعاين ليهو وتضحك 😂😂💔 فاهماهو بطول في القعدة ليييه 😂😂💔
وانا في الغرفه كان نفسي اطلع .. بس كنتا لابسه رداء قصير وبلوز كط وما جنبي حاجه اغيرها عشان اعمل فيها عايزة اسوق ليث ..
ابوي تعب من القعاد معاهو وقال ليهو استاذن انا عندنا عزاء قرييب ياولدي .. راشد قال ليهو اوصلك بس ابوي حلف لا وقال ليهو اقعد مع ولدك هو زاتو اشتاق لي ابوهو ...
طبعا بعد ابوي طلع وقعد هو ودينا بس ... وليث معاهم .. دينا كل شويه تعاين ليهو وتغمز😉😉
راشد: دينا في شنو😒😏
دينا: مافي شي سالتك انا هسي
راشد: مالك معاي يابت
دينا: انت متاكد جيت تشوف ليث بس ولااا 😉😉
راشد: دينا 😒
دينا: خلاص سكتا😢😷
راشد: طيب حاعترف ... جيت عشان " وقبل مايتم .. اتلفت لقاني بعاين بي قعر الباب .. قام ضحك 😂 وانا طوالي قفلتا الباب ودخلتا .."
دينا: مالك كمل جيت لشنووو😉
راشد: ليث قوم اقعد مع خالتو انا هسي جااي
دينا:😳😳راشد ماشي وين ابوي بضبحني ..
" دخل الغرفة وقفل الباب :
انا:😳 راشد في شنو ..
قرب وهو ساكت وانا قلبي بدا يدق ويدق وهو لسه بقرب لحدي ماوصلنا الباب ..
انا: راشد ابعد شويه ..
ولا كاني بتكلم .. قرررب شديد ووشمى ريحة شعري .. وانا هنا اتجمدتا خلاص .. 😳 وماقدرتا اتنفس زاتو..
بقيت بتمتم برااحه .. رااشد ابعد مني ...
راشد: مشتاااق ليك ولي ريحتك وليك كلك ❤
انا عشان ما اصدق طوالي بقيت بقول ليهو ابعد مني .. وجيت ارجعو لي ورا مسكني ورجعني هو ..
" انا كنتا حاسي بيك لما جيتي وانا تعبان .. "
انا: انتا بتتهيأ بس انا. ما جيتك ولا اي شي ..
راشد: بابتسامه منو .. جيتي وكنتي مشتاااقه وملهووفه علي ..
" طبعا الكلام خلاص دخل جووة قلبي .. وما حسيت الا وهو قفل الباب بالمفتاح بي جووة وكده قربنا شدييييد من بعض .. "
انا: رااشد .. لو سمحتا امشي ..
لمس بطني وهو بتكلم قال لي .. اشتقتا لي تؤامنا😢 .. سندس ما تخليني ابعد اكتر ..
محتاج ليكم شديييد .. انتي وليث والجايين .. محتاج لي اسرتي الكوناها سواا ..
وانا قلبي بدق شدييد لانو المسافه قررربت .. والهوا والشووق الحاصل .. نزلتا راسي عشان مايحصل شي بينا لانو كان ماسك يدي وماقادرة زاتي افكها منو ... وبعد خلاص قرررب شديييد وبدا يسكتني من الكلام 😉 ولسا ماتمى السكيته .. ليث ضرب الباب شدييييد ...
بابا. بابا انتا وييين ....
طوالي لقيتها فرصه ولزيتو مني وفتحتا الباب لي ليث ...
" حبييب ماما تعال هنا ❤👐"
ليث: بابا ماثييين معاك موث؟
راشد عاين لي طوالي ..
وانا حاولتا اغير ليهو الموضوع .. لالا حبييبي نايمين هنا ..
ليث: انا داير بابا ..
راشد: تعال حبييبي ..
قرررب عشان يشيلو مني .. وانا قلبي لسه بدق وخايف .. وراشد اصلا بقدر يعمل الدايرو لانو بعرف كيييف يخليني احن عليهو .. لحظه مسكتو لي ليث .. لقيتو باسني علي خدي .. 😡😡 طوالي رجعتا سرييع ورا .. وقلتا ليهو اطلعو بره من هنا ❤❤ ...
طلع وهو متكيييف ومبسوط .. الحاجه الدايرها لقاها 😒...
....
تاني يوم الصباح
قمر لما بقت بترعف كتييير ..
قالت لي امها انا دايره امشي للدكتور المرة دي معاكي ..
امها قالت ليها طيييب .. مشو سوا وعملو الفحوصات .. ومنتظرين النتيجه .. امها قالت ليها انزلي تحت للكفتيريا...
قالت ليها طيب حامشي المكتب .. مشت هناك عشان تلاقي راشد .. انا بالليل قلتا انسى اي شي وامشي اتكلم مع راشد ... بعد امشي اخد الحقن عشان انا حامل ...
ومشيت المكتب.. قبل ماادخل المكتب لقيتهم بي جوة بشربو في قهوة وبتونسو سوا ...
طوالي رجعتا بي دربي .. ومنها قلتا خلاص الطلاق الطلاااق بعد كده انا مالعبه في يدو يتسلى بي وقت عايز ... ويراضيني بحضن ...
انا في الطريق للمستشفى .. بقيت بفكر في ليث ووضعنا حيكون كيييف .. زعلتا شدييد لانو ما اتخيلتا اليوم ده يجي وما اتخيلتا اتفصل من شرييك عمري بعد الوقت العشناهو ده سوا .. راشد حب الجامعه .. الزول الرباني على يدو .. تتقلب حياتنا كده بسبب وحدة .. في الطريق ببكي وبقول حسبي الله ونعم الوكيل .. يارب تصبرني على الفيهو ده ..
وصلتا ابمستشفى ولقيت الدكتور مافي ... انتظرتو وانتظرتو ولسه ما جا قالو لي دخل عمليه ولادة ..
قمر اخدت قعدتها وجات راجعه .. واتفاجات لما لقيتها في المستشفى 😳😳 ... شفتها بس هي ماشافتني ..
تبعتها لانو كنتا فاضيه .. وشفتا الدكتور الدخلت ليهو وشفتا امها من بعيد سلمو على الدكتور وطلعو ..
ولما وصلو الباب امها قالت ليها خلاص ارجعي المكتب وانا برجع بي براي .. انتظرت قمر لحدي ماركبت واتحركت وبعدها جات جتريه راجعه للدكتور ..
طبعا انا استغربتا واتحيرتا فيها .. عملت الحركه دي ورا قمر ليه 😳 والشمار حرقني ... خليتها دخلت المكتب وقفلوهو. .. وبعدها جيت وقفتا جنب الباب .. ماعادتي اتنصت بس الحركات العملوها دي حيرتني شديييد .. وقفت عشان اسمع الكلام ..
ام قمر: اها يادكتور طمني قمر صحتها كييف
الدكتور: ماشه اسوء والله ..
ام قمر: كيف يعني وانا خليتها تتبسط وترتاح وحسنتا نفسيتهت
الدكتور: انا كلمتك
ام قمر: يادكتور هي عايزة تعرس راجل مرة اسمو راششد
" انا 😳😳😳😳"
الدكتور: ام قمر انتي عارفه حالتها ... بس حارجع اعيدها ليك ..
وانا اتلصقت في الباب ...
