شفتا المنظر والدموع خلاص وصلت تحت ونزلت .. جريت على الغرفه وبكيييت شديييد وتميت بكيتي كويييس وشلتا الشنطه وبديت الم باقي هدومي ... وراشد مافتح خشمو ولا بكلمه ... جيت طالعه لقيتهم واقفين في الصاله وهو بعاين لي وماقادر يتكلم معاي .. طلعتا من البيت واجرت ركشه ومشيت وانا ببكي ولا فكر حتى يقول لي اقعدي! ولا يشرح ولا يبرر .. مشيت البيت وانا زعلااانه دخلتا جوووه وقعدتا .. راشد هناك قال لي قمر امشي عشان الوقت كان متمالك اعصابو معاها شدييييد شدييييد 💔 ..
....
مر اسبوع تاني علي وانا قاااعدة ... ابوي ناداني ..وقال لي .. سندس راشد ليهو فترة ما جا البيت ولا سلم على ولدو الحاصل شنو..
انا: ما بعرف والله ممكن تسالو براك ..
ابوي: خلاص طيب امشي ..
" دخلتا غرفتي وانا بفكر فيهو وماقادرة انساهو واشيلو من تفكيري .. رغم الزعل والحاصل كلو انا مشتاقه ليهو لسه .. وكل ما اتذكر حركات قمر ومكاواتها لي بموووت الف مووته من جوووة ... قمتا شغلتا شيرين .. يااليالي روحي لي حبييبي واساليهو ... وقعدتا اغني معاها بصووت وااطي .. وانا ماسكه بطني وبتكلم مع تؤامي ..
" وقوليلو طفايه ويخلي لبعده نهايه💔 مش عايزة انا غيرو معايا والباقي مايلزمنيش💔" ..
...
قمر مشت لي اماني عشان تسالها ..
قمر: اماني اماني .. دايرة اسالك راشد مالو
اماني: مالو ياقمر
قمر: مابرد على تلفونو ... وماعارفه اي شي عنو !!
اماني: بررري .. انا لي اسبوع ماشفتو جا الشغل
قمر: انا خايفه يكون حصل ليهو شي 💔😞
اماني: يابت قولي بسم الله .. ما تقولي الشينه
قمر: ولا يكون رجع لي مرتو يا اماني؟!
اماني: لالا ما اظن .. الوصلنا انو سندس دايرة الطلاق وهي عنيييدة ومفتريه كده .. ماحتقبل يعرس فيها .. اطمني
قمر: قولتي كده ... طيب امشي ليهو بعدين في البيت
اماني؛: لالا اوووووعك براااك شفتي الحصل المرة الفاتت .. ما تقعدي تكاوي سندس والا حتخسريهو هو بالطريقه دي...
قمر: يعني اقعد كده ..
اماني: كدي اديهو يومين .. لو ما اتصل براي بشوف الحاصل شنو من امجد ..
قمر: احبك انا يا منقذتي😘😘😘
اماني: هههه يا بت بطلي عوااارة ...
......
دينا اختي كانت جايه علي ولقتني فااتحه الغنيه وزعلااانه وبسمع فيها .. عرفت اني مشتاقه لي راشد واني ماقادرة اتكلم زعلت شديييد على وضعنا وهي كانت مستغربه كمان راشد اختفى وين .. مشت ضربت لي امجد عشان تسالو...
دينا: امجد ازيييك
امجد: بخييير والله انتو كيفكم
دينا: الحمد لله تماام ..
امجد: مقللقه مااالك كده ..
دينا: مامقلقه ولا حاجه
امجد: يااااه مابعرفك انا من صووتك بعدين انتي في خشمك في كلام قولي قولي يا ام لسان😂😂😂
دينا: امجد راشد كيف؟
امجد: حاقول ليك بس ما تكلمي سندس تمام ..
دينا: اها قول خوفتني ..
امجد: عندو ملاريا وحمى شديييدة ماقادر يتحرك هسي طلعتا منو عملتا ليهو شوربة وعصير لانو تعبااان شديييد ما بقيف ..
دينا: امجد😳😳😳 لا حولا ولاقوة الا بالله ..
" انا جبت طالعة وسمعتها .. دينا مالك في شنو !! المات منو ..
امجد: ديناااا اوووعك تقولي ليها حاجه المرة حامل ..
انا: دينا بسال فيييك في شنو؟؟؟
دينا: امجد طيب اقفل مع السلامه ..
انا: امجد مالو يا دينا خير!
دينا: مافي حاجه .. اديتو ورق يطلعو لي من الوزارة .. وعارفاهو بنسى.. كنتا جايطه فيهو ...
انا: طييب انا داخله ارقد جيبي لي حليب ..
دينا: طيب ..
دخلتا وجابت لي الحليب شربتو وراقدة ... ودينا ما بتتبلى في خشمها الفولة طبعا ..
انا: دينا بطني ما كبرت
دينا: ماكبرت والله .. لسه بدري موش !ماعندك بطن هسي
انا: طيب لييه بحس بكتمه نفس طوالي
دينا:😳 حاسه بشنو قلتي؟
انا: من الصباح مضااايقه كده ونفسي ماقادرة اشيلو كويس .. رغم انو لسه انا بطني ما ظهرت. ولا حاجه من ديل ..
دينا: ياخ انتو فولة واتقسمت نصين .. االراجل عيان ومرتو حاسه بيهو
انا: دينا قلتي شنو؟؟؟
دينا: هييي ااحححخي انا .. امجد قال لي ماتتكلمي
انا: دينا قولي سريع.. راشد حصل ليهو حاجه ..
دينا: بصراحه ياسندس .. عندو ملاريا وتعبان راقد في البيت .. مره بجيهو امجد ومرة امو .. ماقادر يتحرك زاتو حمى قويه
" طوالي قمتا لبستا توبي ... حالتي كنتا لابسه قميص هزااز فووق للركبه وكط .. بس ما انتبهت من الهلعه والخوف .. "
دينا: سندس اقعدي ماشه وين
انا: امسكي ليث .. بمشي واجي ..
دينا: واقول لي ابوي شنوو طيب😳😳
انا: اي شي ياخ وطلعتا سريييع لي راشد
دينا: البت الكلبه دي وتقول لي كل صباح بكرهو ومابحبو وما بطيقو😂😂😂😂💔💔 حيوااانه خلاص😂💔
.....
وصلتا البيت وفتحتو وناديت راشد راشد بس ما ردا ...
طبعا الخوف قتلني .. طلعتا توبي ومشيت غرفتنا .. لقيتو مجدووع في السرير نايم والاكل جنبو والمراوح والمكيف مقفلات وهو بردان متغطي .. عرفتها حمى قوووية وهو ما حاسي بي لما دخلتا ...
منظرو وهو تعبان كده 💔 خلاني ازعل شدييييد .. وخفتا شديييد .. وقلتا هسي لو حصل ليهو حاجه انا بموت بي وراهو💔 وامشي وين اصلا بعدو انا 💔💔 ... نسيييت الطلاق والمشاكل اللحظه دييك ونسيت قمر زاتها .. كنتا بعاين ليهو وانا زعلااانه شديييد ..
فتحتا النراوح والمكيف وشلتا الغطا .. هو طوالي صحى .. عاين لي وقال لي سندس اقفليهم انا ماقادر استحمل هوا ..
قلتا ليهو ... كده ما كويس مفروض تتهوا وتاخد مويه باااردة عشان جسمك يقوى شويه .. قعدتا جنبو في السرير .. وانا بمسح العرق بي توبي من وشو وجبينو ويدينو وهو حالتو توجع القلب .. وكل ما اصحيهو يرجع يغفى تاني ...
انا: راشد .. قوم ساعدني اوديك الحمام اكب ليك مويه ..
راشد: ما قادر امشي .. ماقااادر
ماكنتا بقدر اسوقو براي لو ما اتكل فيني .. قمتا قفلتا المراوح تاني وجبتا مويه تلج من التلاجه وشلتها بالجردل .. وما كان صح اعمل كده وانا حامل بس مابقدر اشوفو بالحاله دي ابدا 💔💔 ...
جبتا المويه وصنقرتو في السرير بالعافيه وبديت اكبها فيهو .. وهو داير يمووت من البرد ... بس حميتو بهدمو بالموية التلج ... وفتحتا المراوح تاني .. لحدي ماقدر شووويه يسند نفسو .. مشيت معاهو لحدي الحمام .. واستحما وغير وطلع قلتا ليهو ارح الغرفه التانيه . سندتو لحدي ماوصلنا هناك ورقد في السرير بعد كده وزنتا المراوح والهوا وغطيتو ❤ ... جبتا الكريم ومسحتو ومسحتا شعرو بحبة زيت عشان مايمسكو صداع وسرحتا ليهو وعطرتو والكويس انو الغرفه كانت نضيفه .. مشيت غرفتنا طلعتا الحاجات الاتبلت بالموية وفتحتا الشبابيك وجيت طالعه .. لقيت الشوربه بردت .. خلاص .. دخلتا عملتا ليهو شوربه بنص فراخ ختيتها في النار .. والتلاجه فاااضيه كانت .. لقيت برتقال عملتا منو كبايه .. انا زاتي كنتا اتبليت وخفتا امرض .. دهلتا استحنيت بي موية دافيه .. ولما طلعتا لقيت الدولاب فاضي 💔 طبعا نقلتا عفشي كلو براي 💔💔💔 .. فتحتا دولاب راشد ولبستا واحد من قمصانو المكويات واتعطرتا بي عطرو وفكيت شعري عشان ما يسخن ومشيت .. لقيت الشوربه انتهت شلتها مع العصير ودخلتا .. لقيتو فتح شويه
انا: حمد لله على سلامتك ..
راشد: سندس❤ تعالي اقعدي هنا ..
" كان بعاين لي مستغرب وعيونو واااقعه من التعب .. وبعاين لي قميصو اللابساهو ده 😂😂 .. مشيت قعدتا في طرف السرير ورفعتا ليهو راسو وبقيت بشرب فيهو حبه حبه بالملعقه .. لحدي ما كملها بالغصب .. لانو ماعندو نفس لي الاكل💔 .. وشربتو العصير والموية واديتو حبه بندول يبلعاها .... بعدها رقد وقبل راسو على الحيطه لانو ماقادر يتقلب زاتو ...
مشيت رقدتا في السرير التاني وانا بعاين ليهو .. زي الطفله لما تنوم بعييد من امها💔 ... قمتا مشيت رقدتا جنبو والسرير كان اصلا فردة .. ما بشيل اتنين 😂😂💔 .. بس انا ماقدرتا اقعد هناك .. جنبو بطمن وبطمنو .. وهو اتبسط كده ابتسم ونام ..
قمتا على حيلي 😂 تاوقت ليهو ورجعتا رقدتا .. راشد تاني ابتسم وعارفني مقلقه وبفرفر كتير💔💔😂 وما مستقرة ..
قال لي جيبي يدك عشان ترتاحي ... طبعا اتحرجتا 😂😂 لانو فرفرت كتير اطلع اتاوق ليهو عامل كيف وارجع ارقد ..
مسك يدي وقبل علي .. وهنا قلبي وقف💔 ... بقى بعاين في عيوني وانا بعمل رايحه .. واعاين للسقف وتاني ارجع القاهو بعاين 😂😂...
قررب يضحك بس ماقادر لانو حيلو ما شايلو ..
لما لقيتو لسه بعاين لي .. قلتا ليهو بصوووت برااحه ..
خلاص تعال 👐 حضنتو❤ عشان ينوم وانا بقرا ليهو في شعرو .. وبشم في عطرو في نفس الوقت ❤
