راشد من فرحتو بالتؤام سجد في ارض المستشفى وبقى بقول الحمد لله والشكر لله يا الله ياكريم وهو ببكي من الفرح .. انا يادوووب صحيت والدكتور كان كلمني وقال لي عندك تؤام ..
بقيت بعاين للدكتور عشره عشره ومافاهمه شي .. قلتا ليهو مغليش ماقادرة استوعب .. ضحك فيني شويه وقال لي الله قادر على كل شي .. قلت ليهو والنعم بالله ☺ ولسه ما مصدقه .. الدكتور تاني ضحك وقال لي عندك تؤام ودي نعمه كبيييرة مابتجي لي اي زول الا اصحاب القلوب الطيبه ... وفتح الموجات عشان يوريني .. وقال لي .. اخر بريود جاتك بتيين؟! .. قلنا ليهو قبل خمسه شهور .. قال لي وكيف ما اهتميتي بيها ... قلتا ليهو لانها اصلا بتقطع كده وما منتظمه .. قال لي ..حتى بعد العرس .. قلتا ليهو ايووة .. قام اباسم كده وفتح لي الموجات وبقى بوري فيني .. قال لي انتي حامل ليك اربعه شهور☺ .. سبحان الله ما اتعرضتي لي اي اعراض من الحمل رغم انهم تؤام ..انا زاتي استغربتا .. بقى باشر لي بي يدو في الشاشه وبقول لي الصغاار ديل هم .. لسه ماحيظهرو ليك واضح الا بعد سته شهور كده .. لانو اكلك ضعيف شكلو ☺ .. لازم تنتبهي لي روحك وتتغذي كويس وتبعدي من التوتر والزعل ..
انا لما شفتهم في الموجات جسمي كلو اقشعر وجاني احساس غريييب شديييد .. فرح مابتوصف .. بقيت بحمد في الله وببكي والدكتور بقول لي اهدي اهدي .. البكا ده ما حباابو هسي ...
طلع بره ونادا رلشد وقال ليهو حمد لله على سلامت مرتك وممكن تدخل تشوفها هسي .. بس قبل كده اسموعني كلكم ..
طبعا اترصو سريع سريع بي عمة راشد 😂😂 دايرين يسمعو..
الدكتور: سندس ما لازم تتعرض لي اي ضغط هسي .. واي زول ممكن يزعجها ابعدوها منو .. لازم الجو يكون هااديء ومسترخيه وبس تاكل وترتاح لحدي ما الوضع يستقر شويه .. رجاء عشان نحاقظ على التؤام ديل الاتنين .. اهتمو بي نفسيتها وما تزعلوها ...
راشد بعد كان ماسك الباب عشان يدخل .. اتراجع .. وقال لي ابوي ادخلو انتو ...
ام راشد استغربت وقالت ليهو.. ياولدي الدكتور قال البزعلها ما قال البفرحها ما يدخل ..
امي ردت ليها.. معليش ام راشد بعدين بنتكلم هسي خلونا ندخل كلنا نسلم عليها .. دخلو كلهم ماعدا راشد رجع ....
امي: ام ليث 😍😍😍
ام راشد: حبييبتنا 😘😘
واي واحد جا حضني وباسني في راسي وباركو لي وقعدو .. طبعا استغربتا انو راشد مافي .. اللحظه المنتظرنها السنوات دي .. ماقدرنا نعيشها فرحتها سوا بسبب قمر💔 ماسالتهم طبعا ليه مادخل وابوي قرا من عيوني انو راشد ويين جيبو لي💔💔
عمة راشد: سندس😘😘 تؤام عديييل .. شكلو عيد زواجكم ده كان عجيييب 😉
انا: عمتي ياخ بخجل انا،☺☺
وبقو بضحكو فيني كلهم .. تضحكي بعد العمله دي يازوله 😂😂😂
ابوي قال لي.. دقيقه دقيقه اضرب لي عمار ورنا افرحهم
انا: ابوي خليهم يرجعو هسي هم في عسلهم ❤
ابوي: لالا بزعلو بعدين .. دقيقه اضرب
وضرب ليهم وكلمهم .. ورنا زغرتت لي في التلفون من الفرح... الكل كانو مبسوطين وانا بضحك معاهم ومبسوطه فعلا لاني حامل .. بس من جووة فاقدة احن زول علي 💔
.....
راشد طلع من المستشفى زعلااان وما طايق نفسو .. ضرب لي امجد يجيهو في بيتنا .. وجاهو بعد وصل البيت ..
امجد: يا ابو ليث مبرووووك 😍😍
راشد: الله يبارك فيك عرفتا من وين !
امجد: ياخ دينا اخت سندس بتخلي حاجه مدسيه .. طوالي ضربت كلمتني 😂😂😂💔
راشد: ههه اي دينا بعرفها ..
امجد: راشد ده شنو الجو ده مفروض هسي القاك بتنطط من الفرح
راشد: فرحان والله ومبسوط والحمد لله . بس يا امجد سندس دايرة تطلق .. الفرحه دي ماقادر اعيشها جنب مرتي وده كلوو بسبب غلطتي من البدايه مع قمر..
امجد: ماتلوم نفسك ياخ الزعل الكتير ما كويس .. الحصل حصل واي شي بيد الله ..
راشد: ااي الحمد لله بس
امجد: بالمناسبه قمر قالت جاياك المساء هنا .. استعد يامعلم
راشد: عليك الله ما طايق نفسي خليني ساي ماناقص هظارك
امجد: جد والله😂😂😂
راشد: الحمد لله 💔
امجد: 😂😂😂😂😂😂😂😂 حالتك صعبه .. يازول احمد الله مزتييين جاريين وراك .. 😂😂😂💪يابطل😉
راشد: يا كلب😒😡👋👊 تاني اسمعك تقول عن سندس مزة ..
امجد: اها الغيرة ظهرت 🐸👊👋
راشد: امجد قوم اطلع من بيتي ..
امجد: طيب طالع .. خلاص خليني استلم وردية المساء،😂😂😂
راشد: امجد😡😡😡😡😒😒
امجد: خلا خلاص مشيت👋
....
قمر كانت بتظبط في روحها في البيت وجاتها اماني ..
اماني: قمر😕 عرس منو الليله!!
قمر: ماشه لي عريسي😉
اماني: عريسك منو بسم الله👋👊
قمر: راشد حيكون منو 😒
اماني: قمر انتي كيف تمشي بيتو وتتونسي معاهو براكم كمان
قمر: يعني حيحصل شنو😂😂
اماني: قمر هووي اقعدي كده ماصاح ..
قمر: يابت امشي جيبي المكوة بتاعت السيراميك ديك السوداء .. وتعالي ظبطي لي شعري الورا ..
اماني: غايتو عنيدة خلاص ...
هسي او خالتو عرفت حتقتلللك ..
قمر: عااارفه وحاتك يا السمحه ..
.....
جا المغرب وجات قمر لي راشد ... طبعا غصب عنو استقبلها وهو مبتسم .. ومشى قعدو في الصالون ..
انا في البيت قلتا لي ابوي عايزة اجيب ملابس لي ولي ليث .. وقال لي مابتطلعي برا وانتي مفروض ترتاحي حاجيبهم ليكي انا ..
بس انا اصريت اجيبهم براي .. وامي لما شافتني مصرررة قالت لي ابوي خلاص خليها براحتها .. بحميرة كده😒 نظام انتا عارف الدكتور قال شنو الصباح .. ما تزعجها .. لفحتا عبايتي وطرحتي وطلعتا اجرتا ركشه وقلتا ليهو وديني البيت .. طبعا مبسووطه بتبسم واحساس حامل حامل😍😍😍 وانا زاتي عملتا الملابس حجه عشان اشوف راشد لاني بصراحه اشتقتا ليهو .. شدييييد كمان💔
قربتا على البيت شديييد وقلتا اشوفو بس وما اتكلم معاهو وفي البيت ..
قمر: راشد يعني ما داير تعمل لي قهوه
راشد: قمر الوقت اتاخر بالجد يلا اوصلك .. انا زاتي حاسي بي ارهاق وعايز انوم
قمر: راشد نفسي في قهوة حبييبي
راشد: قمر اسمعي الكلام
قمر: بزعل كده يا حبييبي💔😞 ..
راشد: طيب حاقوم اعملها لييك
قمر: خلاص حمشي معاك المطبخ ..
" مشو المطبخ سوا يعملوها وهي مبسوطه بقرربو شديييد وحاسه كانو بقى حقها براها خلاص .. في المطبخ وهو بعمل في القهوة هي بتعاين لي بنظرات حب وحسدتني عليهو من جوووه قلبها .. وعلى معاملتو لي .. قربت منو شويه وختت يدها في جبينو .
حبيييبي انت محموووم بججد ...
راشد زحى يدها وقال ليها انا كويس وخاف الوضع يتطور اكتر وحاول يختصرها .. بس هي عنيييدة ..
قربت منو تاني وختت يدها في رقبتو وقالت ليهو بصوت دلع .. راشد بالجد حبيبي محمووم ... ادخل ارتاح وانا بعمل ليك نعناع بي ليمون ..
انا جيت دخاله فتحتا الباب واول محله مشيتها المطبخ .. عشان كنتا عطشاااانه شديييد .. واتفاجأت بمنظر راجلي وحبيبتو الخاته يدها ومقررربه منو شديد😡😡😡😡
