ركبنا انا وراشد وليث وماشين لي نسابتي .. بنقيل جمعه عندهم وجمعه عند اهلي .. اول ما وصلنا وسلمنا وقعدنا معاهم ... كانت في عمة راشد .. من زمان كانت دايره راشد لي بتها حنان .. وهو كان عااارف نفسو داير منو .. دايما كانت عمتو بتحاول تحرجني في حاجه قدام الناس او بتحاول تقلل من قيمتي او بتقول اني ما ست بيت وما كانت فاهمه انو وضعي حساااس وما مفروض ارهق نفسي عشان العمليه وكده ... وبتقول انو راشد بستاهل احسن من كده وما دي المرة الدايرنها ليهو .. فكلامها كان بحسسني بس بي طبعي بسكت وبتجاهل لانو ام راشد ما كانت محسساني اني غريبه عنها يووم وحتى اختو بتريدني كمان ... المشكله عمتو بس دايما بتزن لي امو ولي ابوهو انو انا شووية عليهو .. قعدنا واترصينا حولين صينيه الغداء .. واول مابدينا ناكل ... سالتني وهي عاااارفه انو ماحاقدر اجيب اولاد تاني بسبب العمليه ...
سندس اها ماناويه تخاوي ليث ده .. الولد كبر وداير زول يلعب معاهو ..
طبعا انا اللقمه خنقتني وماقدرت ابلعها 💔 ولا قدرت ارد .. وراشد كان في الصينيه الفي الصالون مع الرجال .. وام راشد ردت عليها .. يا سكينه ده ماوقت الامور دي بعد الغداء ...
سكينه:انا بس قلتا عشان انتو طولتو يعني ...
انا: لسه ياعمتي .. ان شاء الله ربنا يسهل
سكينه: راشد ده صغييييير وبجيب لسه برااعم صغااار ويكتر لينا الذريه دي .. هي براها عيلتنا صغيييره .. دايرنها تكتر بالاولاد ..
دايرين نشوف فرحتو بي عيالو حولينو .. ولا ما كده يا ام راشد ..
" انا هنا الدموع وقفت في حلقي وماقدرتا اقعد وقمتا سرييييع وجريت الحوش بره .. "
راشد لمحني من الصالون وانا جاريه وطوالي قام على حيلو ..
ام راشد: سكينه😡😡 مالك على البت .. سوت ليك شنوو كل مرة حارجاها بالسؤال ده وانتي عارفه وضعها ..
سكينه: هييي مااالك .. قلتا الصح انا
ام راشد: الله يهدي النفوووس بس
" وانا بره ببكي وبتخنق جا راشد وقعد جنبي .. في السرير بتاع الحديد بدون مرتبه "
راشد: يا هبله هسي عليك الله في زول ببكي وبتعاااور في سرير قوي زي ده ..
مااالو الجلوس ده عيبي. لي بس .. كان تقعدي جووة في المكيف وتبكي بي مزااااج 😂😂
انا: راشد خليني براي لو سمحتا .. ومخنوقه وببكي
راشد: لو سمحتا كمان 😂😂😂 بتييين بقيتي مهذبه كده
انا: راشد انا جااادة
راشد: هسي بتتعاوري مالك انتي ..
ده كلو عشان اكلتا في صينيه سممحه 😂😂
انا: راااشد خلااااص .. اسكت .. وانفجرتا اكتر ....
راشد: حبيبتي مااالك يا ام ليث ياخ❤ بهظر معاك .. بعدين القمر مابطلع في الشمس ..
انا: راشد كلام عمتك صاااح ..
راشد: عمتي مالها.. قالت ليك شنو؟؟
انا: راشد انت عارف ماتعمل رايح .. مفروض تعرس وتجيب اولاد كتار .. عشان انت عارفني مالي.. وماتظلم روحك معاي ..
" راشد ابتسم كده وسكت"
انا: راشد كلامها صاح وكل مرة انا بزعل لاني السبب
" قلتها والعبره في حلقي ما خلاني اتم الكلام .. وهو كان بعاين لي في عيوووني "
راشد : هسي انتي غسلتي يدك من الاكل ؟؟
انا: اووووف ياااخ اووووف ...
" وقااام جاب مويه في جك وصابونه .. وجا فتح يديني وغسلها ووغسل يدينو وانا بعاين ليهو وهو ساااكت وانتهى وجا قعد جنبي"
انا: راشد انت لازم تعمل...
راشد: سندس خلاااص .. ماتفتحي لي السيرة دي تااني ..
عرس ماااادايرو .. مادااايرو
انا: راشد كده حراااام
راشد: ما حرام والله ماحرمني واداني ولد .. خلينا نربيهو وماتشتغلي با الكلام الفارغ وتزعلي روحك لاني مااابرضى فييك
انا:راشد اسمعني.
راشد: ماداير اسمع منك حاجه .. هسي لو عرستا حتطلقي ولا لا؟؟
انا ... سكتا
راشد: ردي علي .. حتطلقي ولا لا
انا :ااي حتطلق وما حرضى لاني بغير عليك .. بس حاكون مبسوطه لما اشوف عندك اطفال وعند ليث اخوان . والدكتور قال..
راشد: ما تقولي لي الدكتور .. انتي حتجيبي اطفال .. وكتاااار. وحنملى بيتنا لو الله كاتب لينا كده .. بس ماداير اعيش عمري من غيرك ... واقفلي. السيره دي وما تصري وشك كده ..
انا: راشد ...
راشد: خلاص قومي جوووة معاي يلا ... مابخليك في الحر
" وقمتا صلحتا توبي وقشيت وشي ودخلنا سوا ولقينا عمة راشد في وشنا قااعدة تشرب في القهووة .. راشد وقف قدامها وقال ليها:
عمتي .. سندس دي مرتي الاولى والتانيه والتالته والرابعه وغيرها ما داير ... واولاد ما منها ماداااير برضو .. ياريت الموضوع ده تاني مايتفتح ابدا لا منك ولا من اي زوووول ...
سكينه: هيي ياولدي ما قصدته حااجه والله
" طبعا انا اتبسطتا من جواااي .. دموعي ماراحت سااااي"
راشد: يا ليث يلا قووم ارح يابابا ..
انا: راشد لسه ماقعدنا مع الناس .. ما ظريفه امك حتزعل
راشد: لالا بكره عندنا شغل .. ومضغووطين الفتره دي شديييد وده غير السكرتيرة بتاعت المدير غيروها لينا ..
بكره حيجيبو واحدة جديييدة ومفروض اديها تقريير عن شغل المصنع ... ماداير المدير يجووط ..
ام راشد: خلاص ياولدي .. امشو ارتاحو .. انت ومرتك .. الله يوفقك .. وودعناهم وطلعنا ..
وفي الطريق ...
انا: راشد ماقلتا لي بتين غيرو السكرتيره ..
راشد: والله يا سندس .. سافرت .. والفتره دي المصنع انتاجو ضعييف .. وعارفاني ماسك قسم المعمل .. لازم اعمل تقرير ليها عن قسمنا .. عشان تعرف الفروع بتاعت. المصنع ..
انا: يعني انتا ماشفتها
راشد: حشوفها بكرة باذن الله
انا: ايووااااا تماااام
راشد: ههه .. جريتيها لي مالك كده .. في شنو!؟
انا: مافي حااااجه ... بس ساااي ...
.....
وجا الصباح .. وراشد صحى ورقد في كتفي برضو..
انا: راشد قوووم مش مفروض تمشي
راشد:_ نعسااااان ياااخ حبييبي ..
انا: راشد .. بالجد قوووم
راشد: طيب .. عايز اقووول حاجه
انا: لازم تحكي قصه حياتك دي في كتفي كل يوم 😂😂
راشد: ياخ مالك اسمعي بس👊👋
انا: اها قوووول لي
راشد: انا ماحصل شفتا بت احلى منك تصدقي 😍
انا : ههههه انت واحد مستهبل وماعايز تشتغل😂😂 .. وشلت تلفوني وخبطتو في راسو ... لما قام ولبس .. وطلع ..
ووصل المصنع ...
وهناك قابل المدير عبد المجيد ...
راشد: صباح الخير .. ياريس
عبد المجيد: راشد .. صباح النور يا استاذ ..
يلا خف رجلك سرييع .. في المكتب في الاستاذه قمر . الحتعمل معاها المعاينه ..
راشد: تماام يامديرنا خييير
ومشى المكتب وفتح الباب .. واتبهر اول ماشاف قمر ...
بت متوسطه الطول .. قمحيه اللون 💓.. شعرها طويييل اسود سواااد الليل 💓 .. وقوامها منحوت نحت .. وملامحها اقرررب .. للممثله انجلينا ..
راشد اول ماشافها بدووون مايشعر قال سبحااان الله😍
وقمر خجلت كده ☺. ... وهي من جواها اعجبت بي وسامه رااشد وبي لحيتو الفتااانه اصلا ..
