HOTMEN SERIES:1 SINGLE DAD 'Completed'

Chapter Fourteen

A/n echus lang po tong sinusulat ko.. wag seryosohin..

****

FAMILY DAY kaya maaga kami pupunta sa school ni Louie. Ang sarap sa pakiramdam na meron kang tinuturing na pamilya. Hindi ko nalang inisip ang kahihinatnan nito,na baka dumating ang araw na bumalik ang totoong ina ng bata.

Napapamahal na ako sa dalawang lalaking ito.

Nakikita ko ang saya sa mukha na bata.Dahil ito daw ang pinakamasayang family day na may kasama itong ina which is ako yon.

Ang gwapo gwapo ng bata kasing gwapo ng ama. Nakikita sa kanya ang minimi Ezekiel. Marami din itong mapapaiyak na babae balang araw. Ang tayo,lakad at porma ginagaya nito ang ama pati ang ayos ng buhok.Minsan ayaw nitong magpagupit dahil papangit daw siya pag nagpagupit.Kaya nagtatalo ang mag ama pag gugupitan na ito.Tulad nalang nung isang araw nagpabarber ang ama at isinama siya.Ilang minutong pilitan bago napapayag.Kaya ngayon pareho sila ng gupit.

Marami nang tao sa school at kasama ang iba't ibang pamilya. Nakikita sa mata ng mga tao ang saya. Siguro ganito kasaya at kasarap na mayroon pamilya. Ang nakikita mong ngiti sa mukha ng mga magulang. Ganito kaya kasaya ako noon kong may magulang ako? Hindi ko man sila nakasama o nakita ang mga mukha nila alam kong nasa mabuti na silang kalagayan at kung saan man sila.

Mga tawa ng mga bata na kaysarap pakinggan.Pamilya na kailanman hindi ko naranasan.Pag nagkapamilya ako balang araw  bubusugin ko sila ng pagmamahal kahit anoman ang kalagayan namin sa buhay.Hindi ko sila pababayaan mamahalin ko sila hanggang sa huli ng aking buhay.

Umupo kami sa bandang unahan.Ang pagkakaalam ko may shares si Zeke dito sa eskwelahan na ito. Kaya special mention siya.

"Hi Louie.. mommy mo?."bati ng isang bata na dumaan sa gilid namin kasama nito ang magulang.Tinuro ako nito tiningnan ko ang bata nakangiting nilingon ako bago sumagot sa nagtanong.

"Yeah,she's my mom..and this my daddy." nakangiti pa ito.Hinaplos naman ng ama ang buhok nito bago binaling ang tingin sa magulang ng bata.

"Hey! Manzano, I didn't know na may anak ka na pala?" nagulat din ang lalaki sa sinabi ni Zeke.Magkakilala sila? tumingin muna ang lalaki sa babaeng kasama bago binalingan ang binata.May binulong ito.At medyo lumayo ang dalawa ang pwesto namin.Hinayaan ko nalang.Inayos ko ang suot ng anak ko yeah anak ko dahil ako ang kinikilalang ina niya. Ang sarap sa pakiramdam na may matawag na anak .

Umupo ang mag ina sa likuran namin.Napatingin ako sa gawi ni Zeke seryoso ang dalawa sa pag uusap.

Nagsimula ang program.May palaro din para sa mga magulang.Meron para sa mga anak.Ang sayang panoorin ang mga ito na ang sasaya at ang sasarap pakinggan ang mga halakhak ng bawat isa. Hindi ko namalayan na napaluha ako. Na sana naranasan ko din ito nung bata ako pero mailap ang kapalaran ko dahil hindi ako binigyan ng ganitong kasayang pamilya.

Masaya din naman ako noong bata ko dahil nandiyan sila sister Cecile na gumagabay sa akin.Pero siguro iba pa rin ang pakiramdam na meron kang totoong pamilya. Pasimple kong pinunasan ang tumulong luha ko at ngumiti sa anak ko na nagtatalon dahil nanalo ito sa laro.Father and son ang palaro.

Ang saya ng mukha ng bata at winagayway pa ang napanalunan prizes. Nagulat ako ng kabigin ako ng binata at hinagkan ako sa buhok.Kaya bumilis ang tibok ng puso ko. Ganito na talaga ang puso ko kilalang kilala nito kung sino ang amo.

Ang sweet na nito lalo na nung sinagot ko siya.Na halos ipagsigawan nito sa loob ng bahay.Ang saya ng ama ay mas domoble ang saya ng anak.Dahil magkakaroon na daw ng totoong mommy.

Pagkatapos ng party sa school umuwe kami na dala ang napanalunan ng mag ama. Nakatulog na ang anak namin sa sobrang pagod. Binuhat ito ng ama paakyat,ako naman kinuha ang mga dala namin at inayos sa kusina. Pag akyat ko  naabutan kong binibihisan nito ang anak.Mahal na mahal talaga niya ang anak.