الحلقة25:
و هوما ياكلو
مراد : بنتي كبارت و ولات تقرا في المدرسة ...متحمسة ؟؟
تالا: بزاف حابة نخدم بأدواتي جدد و نرسم بالألوان
مراد : صحيتي بنتي الشطورة نتاعي .... نحبك تقراي و تكوني حاجة كبيرة في المستقبل و أي حاجة تخصك راني هنا
تالا: بابا نقدر نطلب منك طلب
مراد : ويي بنتي راني هنا
تالا : حابة الآنيسة لجين تكون مربية نتاعي
مراد : وشنو ؟؟
تالا : بابا توحشتها غير هي لي تفهمني و نقدر نكون مرتاحة معاها
مراد : أطلبي حاجة خرى هاذي لالا
تالا : محاا هذا وش راني حابة ..مانيش حابة حاجة اخرى
مراد : تالا ماتعانديش بزاف قلتلك لالا يعني لالا
خبطت الكرسي و طلعت لبيتها تبكي و قبل ماتروح قاتلو جملة قاستوو بيها " كون غير جات عندي ماما "
بقا يخمم بلي مهما حاول مايقدرش يكون في بلاصة يماها ..... في نفس الوقت مايقدرش يتخايل أم لتالا بلا فاتن
في خاطر بنتو حب يروح يحكي مع لجين بلاك تقبل ...... وكيما كان الحال وصل تالا تقرا في الصباح و قبل مايروح يخدم جاز للروضة سقسا على لجين عيطوهالو خرجتلو برا
لجين : أهلي نسي مراد
مراد: أهلين أستاذة لجين .... ممكن نطلب منك طلب ؟
لجين :وي تفضل
مراد : حابك تكوني مربية خاصة لبنتي و نخلصك كيما تحبي
لجين : سمحلي موسيو بصح انا راني ديبلومي و هاذي ماشي خدمتي ....كاين شركة خاصة تصيب فيها أحسن المربيات تحب نعطيك العنوان ؟
مراد : نقدر نحوس وحدي (لجين في قلبها :غلييظ) ...بصح بنتي حاباتك نتي
لجين : حتى بنتك عزيزة عليا بصح هاذي ماشي خدمتي
مراد : كيما تحبي ...بصح خمي فيها مليح راح نخلصك الدوبل على واش تخلصي هنا في الروضة
هو راح و هي خمت و لقاتها فرصة مليحة و زيد توحشت تالا باسكو هاذ العام بقات تخمم زعما وش راهي .....
خممت و الغدوة هاذيك رجعتلو بالخبر في التيليفون بلي موافقة (كانت خذات من قبل البطاقة نتاعو فيها نوميرو نتاعو) ..... عطاها العنوان وراحت للدار ....تالا غير شافتها سوطات عندا تعنق و تبوس و مراد يشوف حايير ... ماحبتش تروح باه تبقى مع لجين ..بصح لجين قنعتها بلي لازم تروح تقرا ... و بقات هي و مراد تفاهمو على الخدمة هو راح يخدم و هي بقات في الدار باسكو هي لي لازم دجيبها من المسيد كي تخلص العشية (مدرسة داخلية تقرا من الصباح حتى العشيا)
أنت تقرأ
بعدما خسرتها (كرونيك باللهجة الزائرية)
General Fictionحكاية الكرونيك دور حول شابة عانت من الظلم و الحقرة من طرف أبوها و حتى في المجتمع و تضطدم بشاب معقد من النساء و يكرهم ...و هكا حياتها تتبدل وتولي جحيم (علاه و كيفاه و ....تعرف كلش اذا تابعتو معانا الحكاية )
