الحلقة 19:
خرجو الفرمليات مامش عارفين كيفاه راح يقولولو هاذ الخبر
مراد : طمنيني وش راهي مرتي و ولدي
الفرمليه : مبروك عليك رزقك ربي بطفلة الله يبارك عليها
مراد (هاز يديه ) : الحمد الله ياربي العزيز ...نقدر نشوفهم ؟
الفرمليه : اسمحلي ماتقدرش
مراد : وقتاش نقدر نشوفهم ؟
الفرملية : ماشي ذرك
راحت الفرمليه عند صحبتها
ف1: روحي قوليلو تعيشي
ف2: ماقولتيلوش ؟
ف1: والله ماقدرت ماطاوعنيش قلبي
ف2: بصح لازم يعرف
ف1: ايي عليها راني نقلك قوليلو .... هيا ختي ديري الكوراج و روحي قوليلو
تكلت على ربي و راحت تقولو
ف2: موسيو ؟؟
مراد :أنعم ؟؟
ف2: نتا هو زوج المادام لي راهي نداخل ؟
مراد : اييه أنا غير الخير ؟
ف2 : ديزولي .... البقاء في حياتك
مراد : ههه وش معنتها هاذ الهدرة ..... اسمعي راكي ماعلابالكش شكون انا هاذ الخدايم تخلصك حياتك ديري منيح في بالك
ف2: علابالي الصدمة قاوية بصح الله غالب هاذي مكاتيب الله
مراد حكمها من لابلوز نتاعها : وشمن مكاتيييب مرتي ماماتتش ...مكانش منها ( طلقها و راح يدخل للبيت) ماتتش فاتن مزالها حية ....( كي عيا يحل الباب خبط يدو في الزجاج و كسر الدنيا ولات يدو مسلوخة ) فااااااتن ارجعيي ماتروحييش ....ماتخلينيش تعيشيي (جاو لي جون يحكمو فيه حتان تكالما )
كملت إجرائات نتاع السبيطار و خرج بنتو و جثة مرتو عيط غير لختو و خوه .... مام هوما تأثرو و بكاو عليها و غاضهم حال خوهم .... هزت رميساء الطفلة و مراد و أكرم خوه خرجو فاتن وصلو للدار راح مراد لبيتها يحوس على تيليفونها جبد نيميرو نتاع باباها و عيطلو بنيميروه
مراد: ألو
باباها : ألو ...شكون معايا
مراد : انا راجل فاتن بنتك ماتت أرواح تحضر الدفينة
باباها : راك غالط ...ماعنديش طفلة انا
مراد زاد تقلق و ماخلالوش سبو و طيحلو قدرو و قلو ماكش راجل و ماتستاهلش تكون ..فرغ دمارو كامل فيه
عكس يماها كي سمعت تشوات كبدتها و ندمت لي ماسقساتش عليها هاذ المدة كامل .... بصح فاتن ماكانتش تلومها باسكو علابلها بلي يماها مغبونة كثر منها
VOUS LISEZ
بعدما خسرتها (كرونيك باللهجة الزائرية)
Fiction généraleحكاية الكرونيك دور حول شابة عانت من الظلم و الحقرة من طرف أبوها و حتى في المجتمع و تضطدم بشاب معقد من النساء و يكرهم ...و هكا حياتها تتبدل وتولي جحيم (علاه و كيفاه و ....تعرف كلش اذا تابعتو معانا الحكاية )
