الحلقة 5:
دخلت حياة للبيرو فاتن ناضت قاتلها
حياة : أقعدي أقعدي
فاتن : مارسيي
حياة : بون نهدرو على الخدمة ...قالي سامي بلي نتي أوتيديونت(طالبة)
فاتن : ايه
حياة : يعني ماتقدريش دجي كل يوم
فاتن : نقدر نراطي كور ولا زوج
حياة : لالا مايشقاش انا أصلا مانسحقكش ديما نحتاج وحدة نرتب و تملي القماش و السلعة لي دجي و سعات تقوم بليكليونت كي مانكونش انا ...
فاتن : أييه ماعلييه و الوقت كيفاه
حياة : أرواحي كلما قدرتي دجي بصح عندك تراطي كاش كور ولا تيدي عنددك
فاتن : خلاص كيما تحبيي وقتاش نبدا
حياة : الوقت لي يساعدك .. و بالنسبة لخلاصك ذرك نشوف كيفاه نحسبلك بالساعة ولا مبعد نتفاهمو
فاتن : تعيشيي ربي يخلييك ربي يعطيك ماتتمناي
حياة : لالا بلا مزية
خرجت فاتن و حاولت تمشي بلاعقل و كان راح الحال عليها شوي حكمت تاكسي خافت مالحقش للسكن و مايخلوهاش تفوت ....بصح سترها ربي و لحقت في الوقت راحت لبيتها بدلت حوايجها ريحت شوي و سنات وقت العشا .... تعشات و رجعت حكمت بلاستها تقرا في كتابها حتان داتها عينها
في الصباح كي العادة وجدت روحها فطرت في الريستو و من ثم ديراكت راحت لكلاصتها دخلت بكري مالقات حتى واحد قعدت تكتب خواطر ..... ماطولتش بزاف دخل البروف (تاع البارح بعد)
فاتن شافت فيه تبسمت ورجعت تكتب .... هو كان حاب يرجعلها البسمة بصح حكم في روحو
البروف : على حساب الشوفة زمايلك ماراهمش جايين ؟؟
فاتن : أأ مانعرف هاذا وين جيت
البروف : امم ماعلييه (وبقا يشوف في الورقة لي كانت تكتب فيها )... ديجا بديتو في لي بروجي ؟
فاتن : أأ لالا نكتب برك
البروف : آآ تكتبيي ؟ ماعليه نشوف ؟
فاتن من الحشمة ما قالت والو خلاتو يهز الكراس و بقا قلبها يخبط من ردة فعلو و هو كان يقرا و متعجب يهز في راسو
البروف : الله يبارك راكي تكتبي ملييح ... ياعطيك الصحة
فاتن دخلت في بعضاها من الحشمة مالحقتش تجاوبو دخلو ليزيلاف سكتت و هو حط الكراس ورجع لبيروه كملت الحصة عادي و في ساعة الفراغ راحت هي و صحبتها تغداو برا مالغري هي راهي تحاول تقتاصد بصح حشمتها صحبتها فاضطرت تخرج معاها ..... فوتت نهار عادي مع القراية و الخدمة
JE LEEST
بعدما خسرتها (كرونيك باللهجة الزائرية)
Algemene fictieحكاية الكرونيك دور حول شابة عانت من الظلم و الحقرة من طرف أبوها و حتى في المجتمع و تضطدم بشاب معقد من النساء و يكرهم ...و هكا حياتها تتبدل وتولي جحيم (علاه و كيفاه و ....تعرف كلش اذا تابعتو معانا الحكاية )
