الحلقة 21:
تالا ذرك في عمرها ربع سنين و نص كبارت في العز و الدلال باباها ماستخصر عليها والو .... كامل العايلة تحبها و مام هي
تالا طفلة حيوية وفضولية كي كبارت ولا الشبه واضح بينها و بين يماها هزت ضحكة يماها كي تضحك و عينين يماها لكن عندها نظرة باباها خاصة كي تزعف
حاليا راهي تقعد في روضة بين ما يكمل مراد خدمتو ... في لاكراش دارت بزاف أصدقاء باسكو هي تنساجم بالخف عكس فاتن ... وثاني كامل يصادقوها باسكو ينجاذبو لزينها ( ايي وي صغار و فيهم الحيلة ... الله غالب هذا هو جيلنا)
مع الوقت تالا ولات تلاحظ بلي أقرانها (نتاجها) كامل عنهم أم ...هذا يقول ماما عملت ...و الثاني يقولي انا ماما ماتخلينيش ... و واحدوخر يحضن يماه قبل مايدخل .... و هاذي تبوسها يماها و تقلها أبقاي عاقلة
بقات تخمم علاه هي ماعندهاش أم و في صحة الرسم رسمة مرا و حطت علامة إستفهام و كي لمتهم مساعدة نتاع الأستاذة كان وقت يجيو الأهالي يديو ولادهم ... و بالضرورة مام مراد جا يدي تالا
في الطريق
تالا : بابا ؟
مراد :هابابا
تالا : نقدرو نشريو كوكيز في طريقنا ؟
مراد :ههه اييه مايكون إلا خاطريك يا أميرتي
تالا : وشيبس
مراد : أهييه وشيبس
تالا : و شيكولا
مراد شاف فيها شوفة تاع كثرتي فيها
تالا: صاي كوكيز و شيبس برك ( ضحك عليها و مبعد سقساها )
مراد: وش درتو اليوم
تالا : لعبنا بالألعاب...اييي باب خدمنا خروف
مراد : ههه خروف ؟؟ كيفاه خدمتوه
تالا: جبنا قلم رسمنا دوائر و لصقنا القطن بالغراء على شكر خروف
مراد : و كيفاه درتو العينين
تالا : عطاتنا آنييسة أزرار سوداء صغيرة ...لصقناهم بالغراء
مراد : برافوو ..علابالي بيك شطورة
ВЫ ЧИТАЕТЕ
بعدما خسرتها (كرونيك باللهجة الزائرية)
Художественная прозаحكاية الكرونيك دور حول شابة عانت من الظلم و الحقرة من طرف أبوها و حتى في المجتمع و تضطدم بشاب معقد من النساء و يكرهم ...و هكا حياتها تتبدل وتولي جحيم (علاه و كيفاه و ....تعرف كلش اذا تابعتو معانا الحكاية )
