ريم / دخلت للغرفة تقريب تلث دقايق و سمعت صوت رمي برى .... تشنجت اجة بالي نورس صارلة شي...ما عرفت شنو اسوي.... شوية و دخل نورس تكحلت عيني بشوفتة.... بس دخل معصب اخذ مسدسة و ركض.... ركضت وراه و اصيح نسيت كل زعلي منة اهم شي هو .......
ريم..... نورس... شنو ديصير... نورس لا تطلع بالسلاح.... نووووورسسس
هو يركض لا يسمع ولا يشوف گدامة...... احنة النسوان بقينة انلوب....... ما فهمنة شنو الموضوع..... الحجية صارت تشكي من راسها... انطوها علاجها.....
تقريب النص ساعة و چانت مروة تتصل على طالب....و تلح بالاتصال وهو ميرد.... بعد عشر دقايق... اتصل.... بس ليتة ما تصل.....
مروة بخوف و لهفة....... طالب شنو صاير؟
طالب بعصبية ........ هسة مو وكتچ حرگتي التلفون
مروة بصياح........... عليك الله احچي شنو صاير...
طالب......... اگلچ بس لا تدري الحجية
مروة بحرگة گلب........ احچي بس خواني بيهم شي
طالب........ جبار تصوب... بس لا تحس الحجية لا يصير بيها شي
مروة شهگت بجي......... شلونة... عليك الله تعال اخذني اشوفة
طالب....... لا تخافين... الاصابة سطحية مجرد جرح.... و لا تبچين لا تحس عليچ الحجية... مع السلامة لازم اروح
ريم / چنت واگفة يم مروة وهي تتصل.... بس كل تعبير تنطي اني گلبي يوگف.... بس من سمعت... عليك الله اخذني اشوفة نزلت دموعي مطر و گلبي شتعل نار.... بس عافت التلفون وهي فاقدة تبچي.... هالشي اكدلي اكو شي صاير
تهستر و لزمته من چتوفها...... احچي شنو صاير
مروة وهي تبچي و مختنكة بجيها....... اخوي ريم اخوي
تخبلت من سمعتها هيچ گالت.. خفت على نورس... هزيتها بقوة ... و اريدها تحچي.....
ريم بصريخ....... ولچ شنو... منو....
مروة........ اخوي اجتلة طلگة
و ذابت روحها و طاحت..... صرخت و اني لازمتها وهي على الارض
ريم....... نورس شبي... احچي
على صوتي اجت فرح و رنا و هدى و نادية.... لان اجن من صارت هالهوسة......
اخذنها لغرفتي بعيد عن الحجية الجانت بغرفتها...... اني بقيت بالگاع اون و ابچي على نورس
حبيبي هسة متأذي و اني مو يمة.... ربيي تساعدة و تخفف عنة
تهسترت من البچي... بس ارجع والله بعد ما ضايقك...و لا زعلك.... ارجوك لا تعاقبني بوجودك يمي... نوررررس
فرطت من البچي بقيت مددة بارضية المطبخ و اشهق.... اجتني فرح تحاول تهديني... شبكتني و تمسح على راسي
YOU ARE READING
حبي فصليتي
Randomهو .... احبها...... هي.... لم تكن ترى وجوده القدر.... قرر جمعهما بلا سابق انذار وهنا القصة تبدا لتنصف طرف وتظلم الكثير من الاطراف فهل ستبقين لي للابد (باللهجة العراقية )
