حبي فصليتي

البارت التاسع والعشرون

ريم رجعت من 🚽 التواليت   دخلت للغرفة شفت  نورس طالع من الحمام  وبس المنشفة على جسمة خجلت من شفتة هيچ 
حتاريت اطلع لو ادخل

دخلت وانة ما باوع علي هو چان ينشف بشعرة ما نتبه دخلت
لمحت جسمة يمكن عندة عضلات... فاخذني الفضول  رجعت باوعت على جسمة.... خصرة طويل و عضلات سداسية و جسمة يوحي انو عابد الجم.... منحوت نحت

نورس چنت لاف راسي بالمنشفة و فاتح باب الكنتور و انشف شعري  خلصت تنشيف شعري فالتفتت  اريد اشمر المنشفة البيدي على القنفة....  لگيت  ريم واگفة وراي و تباوع على جسمي خجلت منه و توترت  الصراحة... فحطيت المنشفة على صدري

نورس.... اسف ما ادري بيچ بالغرفة

ريم ابتسمت على منظرة...... لا عادي  بس اول مرة اشوف عضلاتك.... مبين عليك مخلص وقتك بالجم

نورس..... انتي ما نطيتيني فرصة اراويچ..... و ضحك لاحظ ريم  ضاجت من كلامة

نورس وهو ياخذ 👕 تيشيرت من الكنتور....... اسف ما چان قصدي اضوجچ

ريم اخذن جهاز التحكم للتلفزيون و گعدت على القنفة...... لا عادي ما حچيت شي.... لو شايف روحك و انتة خجلانة.... منظرك  يضحك

نورس اخذ ملابسة و دخل للحمام لان لاحظ اكو نبرة تضايق بصوته

ريم  بنفسه جسمة حلو و شكلة حلو وحتى اسمة حلو...معقولة احبة لو ملتقين بغير هاي الظروف... اهووو رجعت لنفس التفكير

لا بس هو جتى اخلاقة تغيرت... طيب و احسة متفهم..... لا شنو هالتفكير... شنو نسيت شلون ضربني... يا طيب يا متفهم
ما يناسبني..... وانة شنو شاغلة بالي بي.... بس هسة احنة اصدقاء

كسر سلسة افكارها نورس وهو يگعد يمه على القنفة...... وين صافنة صديقتي

و يضحك ويحرك ايدة گدام وجه......ريم جفلت و عدلت گعدته

ريم وهي مبتسمة.... هاا صديقي مستعد للاستجواب

نورس وهو يسبل ايدي على القنفة و يفردهم..... اكيد بس منو يبدي

ريم...... على راحتك انة مستعدة

نورس....... يعني اسئل بدون اي محددات

ريم....... وعن اي شي يعجبك

نورس سكت شوي و بعده باوع على ريم بجدية....... شنو شهادتچ

ريم ابتسمت برحابة صدر............ الصراحة انة ما احب الدراسة باي شكل.... وابد مو شاطرة... فدخلت معهد الكتروني و چنت راضية عن نفسي.....

نورس..... حلوو......  افراد عائلتچ شگد

ريم تنهدت....... احنة بس اربعة عندي اخو واحد  فادي...حبيبي  فدوش... وانة و ماما و بابا .... احنة عائلة جنن  مرتاحين متفاهمين و كل مشاكلنة نواجه سوة