دخلت للمطبخ و تفاجأت بهدى....
هاي شعده هنا....... اهوو رح نضوج اليوم.....
سلمت عليهم... هدى حتى ما تقدمت... فغلست ما سلمت عليه... شفت رنا جايبيه.... رحت عليه سلمت حسيته ضايجة
ريم...... شبيچ رنا... ما حسچ على بعضچ.... وليش طولتي هالكد
رنا....... لا ماكو...
هدى...... ام احمد اشو الشمس متاخرة اليوم
نادية...... والله يا خيتي علمي علمچ.... شمس مخنخنة
هدى........ الله يجيرنة خية
ريم عرفت يقصدني... بس رنا لزمت ايدي حتى ما ارد على كلامهن
ردت عليهم جنان.......... لا تفكرن زايد المهم طلعت و نورت الدنية...
لاحظت وجه هدى تغير ما توقعت من جنان تحچي... ما تكدر ترد عليه لان چبيرة و غصبا عليه تحترمها....
اني ابتسمت بوجه هدى حتى احرها.....
وقت الغدة و مثل يومية من رجعنة البغداد لهسة ما اكعد يمة.... اگعد يم الحجية..... التمو الكل على السفرة... كل واحد اخذ مكانة....
بس هدى اجت متاخرة چانت متقصدة حتى تگعد يم نورس
.......... و صدگ راحت بكل صلافة و گعدت يمة لا وهو ابتسمله...... باوعتلي وابتسمت.... على الاساس همتني
بس طول الغدة تاخذ و تحط گدامة نرفزتني..... وهو كلش مرتاح... ياكل كل شي تحطلة.....
خلصت صحني على السريع و كمت اول وحدة..... على الاساس هو ما يطيقها.... اني شدخلي خليهم على راحتهم...
وگفت بالمطبخ انتظر يجيبون الصحون شوية و بدو يجيبون... ردت اغسل البنات ما خلني... گلت لروحي بعد احسن....رحت للصالة على نفس الگعدة مالت كل جمعة ولا تخلص سوالفهم...مدري يچذبون واحد على الثاني..... هوب هوب اني صايرة سوقية... من يمتى احچي هيچ...... والله و عدوني بكلامهم.... ما لگيتلي مكان طلعت للحديقة.....
گعدت بالمرجوحة احبة هذا المكان بس الجو حار.... ادخل احسن الي..... جفلت على صوت مرتضى
مرتضى وهو جاي وراها...... هلا بمرت عمي... هلا بالگاطعة... ما تگولين هالولد رح يزوج... اسئل عنة... اباركلة نحلت عقدتة... بس شحچي
وصلي و وگف يمي بس ما فهمت من كلامة شي......
ريم...... شنو قصدك رح تتزوج
مرتضى....... عمي لا تباركين... بس لا تمثلين ما تدرين... ما گاطع رگبتچ انة
ريم...... صدوگ اني ما عرف عن شنو داتحچي
مرتضى گعد يمه وهو متعجب....... لا بربچ ما تعرفين...
وهو ضاحك....
YOU ARE READING
حبي فصليتي
Randomهو .... احبها...... هي.... لم تكن ترى وجوده القدر.... قرر جمعهما بلا سابق انذار وهنا القصة تبدا لتنصف طرف وتظلم الكثير من الاطراف فهل ستبقين لي للابد (باللهجة العراقية )
