مرتضى چنت گاعد بالصالة و متفق وية نورس هسة يجي... احسب الوقت و انتظرة......
ابوي يسولف وياي وانة بس اگول.... اي صحيح
شوية و سمعت اندگ الباب.... فرحت
گام اخوي يفتح الباب..... رجع گال عمي نورس بالديوانية
طلع ابوي وانة توترت... صعدت لغرفتي.... بقيت الوب بالغرفة....
طولو رح انزل و بهاي اللحظة اجة اخوي يصيحلي....
نزلت وانة متردد ....دخلت للديوانية وانة.. مقرر ما اخاف وما اتردد لازم اجازف...
مرتضى..... السلام عليكم.. شلونك عمي..
و گعد يمهم نورس.... و عليكم السلام... تفضل
فارس....... اگعد وليدي اريد احاچيك بموضوع
مرتضى باوع على نورس وهو خايف من الي رح يحچي ابو..... نعم بوية
فارس...... قررت ازوجك.. و البنت انة مختارها
مرتضى باوع على نورس بعتب ....... شنو بوية... شنو قصدك... انتة مو چنت رافض زواجي قبل التخرج
فارس...... هسة قررت..... وما لك اعتراض
مرتضى گام وهو معصب ...... تعذرني بوية.... مو كل شي تگولة لازم اوافق علي
فارس بعصبية و صوت عالي......... اگعد و لا تخليني احاسبك على هاي طريقتك
نورس يباوع عليهم و ينتظر الفرصة المناسبة حتى يحچي
مرتضى........ انة من زمان و احاچيك بهالموضوع... ترفض هسة شنو اجاك
و باوع على نورس بعتاب.... نورس دار وجه عنه
فارس......... اسمعني.... البنية ما تلگا مثلها
نورس....... عوفة اذا ما يقبل... هذا الموضوع مابي جبر
فارس....... مو طفل اليخليني اكسر كلمة الشيخ....
مرتضى بگلبة انة شمسويلة حتى تسوي بية هيچ... عود عمي و عتمدت عليك....
مرتضى وهو معصب و گام....... گلة ما قابل والي يريد يصير.. خلي يصير
نورس..... انتظر... ما تريد تعرف مني البنية...
مرتضى طلع بدون ما يرد على نورس بشي..... طلع معصب
نورس..... انة استأذن ...... بس دير بالك علي... بعدة ما مستوعب
فارس..... هو صارلة فترة يحاچيني بس ارفض..... يحبلة طالبة وياه... هواية لح علي
نورس...... ينساها... بس هسة لازم تكون حذر بالتعامل وياه لان مراهق
فارس..... يا مراهق وهو بطولي..... انة بكدة تحملت مسؤلية
نورس.... انة استأذن
وطلع و وياه اخو وصلة للباب....
مرتضى وهو يسوق بالسيارة الى اللاوجه..... وهو يفكر.... اكيد الشيخ يريد يزوجني وحدة علمود مصالح عشائرية... وانة لازم انفذ....
و نورس ما توقعتة هيج شلون گدر يسوي بية هيچ..... ليش ما حاچاهم.... بس انة ما اسكت ولا اقبل....
بس ليش احارب و علمود منو.... اذا هي بنفسه رافضتني... عمتي هم حطتلي شرط تعجيزي.... توضحلي هي ما قابلة...
نورس الوثقت بي هم خاني و گعد بكل برود و تاجر بمشاعري.....
على شنو اكابر واخسر اهلي على لا شئ ....... هذا ايمن عايش ما مات..... و بعد چم يوم يتزوج... مت وگفت حياتة على بنية
صف سيارتة و طلع تلفونة..... كتب رسالة لسارة
مرتضى...... اسف لان حطيتچ .... بهيچ موقف... كل بنية ما تتمنة تنحط بي.... بعد ما افتح الموضوع لاخر يوم بحياتي...... انسي اليصار و مسحي من حياتچ ولا تحسبيني حچيت بهالموضوع بحياتي..... اسف مرة ثانية
رسل الرسالة لسارة.... و اتصل على عمتة....
فاطمة چانت گاعدة بالصالة يم زوجه و حتى سارة.... من شافت اتصال من مرتضى.....
طلعت من يمهم لان ستغربت متصل ليش.....
مرتضى..... الو..... السلام عليكم
فاطمة...... و عليكم السلام.... ليش متصل محتاج شي
مرتضى...... اسف عمة.... چنت خطآن.... ما چان لازم احاچيچ علمود اخطب سارة
فاطمة مستغربة...... شبيك مرتضى... شنو صاير وليدي
مرتضى بعصبية وهو يبچي..... اششش مو ابنچ.... سمعيني
مبروك عليچ سارة بعد ما رح اخطبها مثل ما ردتي.... و هم ردت اعزمج على خطوبتي.... دعوة خاصة من العريس
و سد التلفون
فاطمة من حست فصلة بوجه... هذا شبي.. بس لا صايرلة شي
اتصلت على فارس.....
فارس... الو.... انة چنت ناوي اتصل عليچ
فاطمة...... خوية.. مرتضى وين
تحچي بتلبك....
فارس..... قبل شوية چان يمي... طلع ليش تسئلين عنة....
ضحك و گله
..... خوية اصلا انة اريد احاچيج بخصوصة
فاطمة..... شنو قصدك خوية... شصاير
فارس.... لا ما صاير الا الخير..... چنت جايلكم باچر علمود اخطب سارة لمرتضى.... و هاي رادت الشيخ
فاطمة داخت ...... النة الشرف ما نلگة احسن من مرتضى... تربايتك و تربايت الشيخ
فارس..... باچر جايلكم و نتفاهم على كل شي
فاطمة...... و سنوية زياد
فارس...... خيتي ما دام الشيخ حچة نعقدلهم هسة و الحفلة بعد السنوية.... و الحي ابقى من الميت
فاطمة..... باچر منتظرتك
فاطمة بعد ما نهت المكالمة.... لعد ليش مرتضى حاچاني بهالطريقة اذا قانع الشيخ مو بس ابو...... اسئل منو!؟
باچر كل شي افهم الله كريم الباچر....
.............
أنت تقرأ
حبي فصليتي
Randomهو .... احبها...... هي.... لم تكن ترى وجوده القدر.... قرر جمعهما بلا سابق انذار وهنا القصة تبدا لتنصف طرف وتظلم الكثير من الاطراف فهل ستبقين لي للابد (باللهجة العراقية )
