- انطينيا اذا ما يسكت
دحگت بوجهه و هو يمد بوزه ليگدام و على شكله هذا يخليني اگرطو گرط
- لا سكت روحي انتي
طلعت و گعدت على القنفه، اخذت تلفوني و الفلاش مشتغل و انطينتو ل حيدر الي گبل خلاه بحلگو
سحبتو منو و گام يبچي و طرش اذني تنازلت عن تلفوني و رجعتو بيدو و هو ما صدگ خلاه بحلگو
گعدتو على القنفه و كتفت ايديه ادحگله و هو يرفع راسو و يضحكلي
اجت الكهرباء و اخذت التلفون و طفيت الفلاش
ورجع اخذ التلفون من ايديگرصتو من خدو بلطف، گمت من مكاني و تمددت على القنفه الي بصفو بس قبلها حاوطته بكوشات حتى ما يوگع
تمددت و خليت جوه راسي كوشه و النوم بعيني، ادحگ للصوبه الكهربائيه الي بدت شمعاتها يقوى ضواهن، تنهدت و غمضت عيونيچان راسي يوجعني لدرجة حتى عيوني وصل الهن الالم
نمت او بالاحرى غفيت كم دقيقه، فتحت عيوني و شفتها واگفه گدامي و هي تناديني بأسمي
- خليت العشا
هزيت راسي و هي مشت بس قبلها اخذت حيدر و تركت تلفوني على القنفه
گمت و اخذت التلفون لو ما عيب چان گعدت ابچي، چان طافي اشغل بي ما يفيد زفرت و اني ادحگله و صاير عبارة عن مي
ذبيتو على القنفه و طلعت للمطبخ
غسلت على السنگ و وگعدت على الكرسي
دحگت على الاكل چانت مسويه حميسه و زلاطه رفعت راسي عليها و اخذت الصمون منهاتعشينا و محد بينا نطق حرف، كُل ش ارفع راسي عليها و هي چانت ملتهيه بأبنها
كملت قبلها و گمت غسلت، اتجهت عليها و مديت ايدي حتى اخذو ل حيدر
بس هي گالت- هسا يضوجك اتركه عندي
- انطينيا و اكلي على راحتچ
لأن حتى عشا ما خلاچ تتعشينسكتت و ما حچت شي، اخذتو منها
و طلعت للصاله گعدتو على القنفه و هو يدحگلي و هو يمد بوزه يريد يبچي
ضحكلته و شو هذا فجاة صرخ و گام يبچي
گمت اخذت تلفوني و خليتو بيدو و سكت و گام يضحكابتسمتلو و نزلتو بالگاع و تمددت بمكانو
بقيت ادحگلو و هو شلون فرحان بالتلفون الي شكلي أيست منو و بعد ما يشتغلغفيت و اني مخلي ايدي على خدي ، مادري شگد نمت بس حسيت بطگطگه فتحت عيوني و احس رگبتي تشنگت لأن ما نمت عدل
شفتها تخلي الدوشگ على الگاع و عليه لحاف و مخده ما حچت شي و اني افتهمت قصدها دحگت للساعة چانت بال١٠ الا عشره
اخذت ابنها و خلت التلفون على مسند القنفه و شالت الميز الي حولتو عند الباب
طلعت و سدت الباب وراها، نزلت و تمددت على الدوشگ و اخذت التلفون الي رجعت احاول اشغلوا و ما يفيد يمكن تبللت البطاريه طلعتها و خليتها على صفحة و مثل ما توقعت لگيتها عبارة عن مي
YOU ARE READING
| أمانة حيدر | ' باللهجة العراقية '
Romance" مرات الصدفه و القدر يلعبن ادوارهن، و يقلبن الطاوله، و يحولن اليأس الى أمل، و الحقد الى حب " تصميم الغلاف من الحلوه شهرزات التميمي ♥♥ تنويه/ القصه باللهجة العراقيه و لا تمت للواقع بصلة بدأت ١٥/٨/٢٠١٩ انتهت٢٨/١١/٢٠١٩
الفصل السابع
Start from the beginning