جريته من ياخته بعصبيه و اني اركز بعيونه العسليه ما تحركت شعرايه منه و هو بعده يدحگ عليه بنظرات ساخطه
كزيت على سنوني و اني اقرب وجهه من وجهي و بغضب گلت و اني اركز على كلمه اگولها- عثمان ابلع لسانك لو والله احط قهري كلو بيك
- اطلع قهرك لأن چنت جبان بوكتها و ما گدرت تحچيلها عن حبك
- انلصم و كافي حيل تماديت
فلت نفسه من جوه ايدي، و ضحك بسخريه
ادحگ عليه و احس كل خليه بجسمي تنتفض و تريد تهجم على اي شي حتى اطلع القهر المكبوت بگلبي- ليش عصبت ؟ لأنو تعرف حچيي صحيح
ما جابتو و اني اسحب بالنفس بالگوه و هو ما سكت انما زاد بكلامو و هو يضربني على چتفي بيده
- شوف سكتت لمن عرفت انو كل كلامي صح
انت اكبر جبان شفته بحياتي، تركتها لـ صديقك حتى ما تكسرو
و انت شصار بيك ؟ انهضمت و زعلت و محد گالك شبيك ؟- عثمان كافي
حچيتها بهدوء و اني ارجع اگعد بمكاني، فجاة كلشي هدأ و صار سكوت فضيع
ليش اكذبو و اكذب كلامو ؟ مو صحيح الي حچاه ؟ اني اكبر جبان بالعالم
جبان لدرجه تخليت عن الي احبها علمود ما اكسر بخاطر صديقي
شلون اكسرو و اگولو اني احبها، اني احبها قبلك بس اني جبان ما حچيتلها عكسك
شلون احچيلو و اني اشوف لمعة عيونه و فرحته و هو يحچيلي عنها- سلام
رفعت راسي لـ عثمان الي رجع گال و هو ياخذ ايدي و يخليها بين ايديه
- سلام لا تضيعها مرة ثانيه
- ليش هي چانت الي حتى اضيعها ؟
حچيتها و ضحكت بسخرية، ثواني مرت و اني احس بغصه اريد احچي بس ما اگدر و خصوصاً و اني اشوف نظرات عثمان ناحيتي
بلعت ريگي و اني احاول اجمع كم كلمه مفيده احچيها لاخويه- اعرف نفسي جبان، بس لو انت بمكاني چان سويت هيچ
- اني مو انت حتى اتخلى عن الي احبها
حچاها و سند ايده على الميز و هو ينحني باتجاهي
- لو اني بمكانك چان گتلو اني احبها، ما اظل ساكت و القهر ياكلني، حتى ما يجي يوم و اتندم لأن ظليت ساكت و ما حچيت
هزيت راسي باعتراض، و اني ما اوافق على كلام عثمان
شلون احچي و اني اعرف انو يحبها، ما ينطيني گلبي و لا ضميري- عثمان شي راح و مضى، ما تفيد الملامه هسا و لا الحچي
- هذا انت ما تغير قناعاتك لو على گص رگبتك، و بعدين كلامك صحيح ليش احچي على شي راح
وگف من مكانه و رفعت راسي اله
ضحك بهدوء و تقدمت ناحيتي ، طبطب على چتفي و انحنى شويه و گال بعتب
BẠN ĐANG ĐỌC
| أمانة حيدر | ' باللهجة العراقية '
Lãng mạn" مرات الصدفه و القدر يلعبن ادوارهن، و يقلبن الطاوله، و يحولن اليأس الى أمل، و الحقد الى حب " تصميم الغلاف من الحلوه شهرزات التميمي ♥♥ تنويه/ القصه باللهجة العراقيه و لا تمت للواقع بصلة بدأت ١٥/٨/٢٠١٩ انتهت٢٨/١١/٢٠١٩
الفصل الثاني
Bắt đầu từ đầu