- مو گاعد اسألك ما تجاوب
اندرايت عليه و ذبيت الخاشوگه على الميز عن الطباخ و حچيت برود و اني اسند ايدي على الميز
- شجاوب ؟
- مو گاعد اسألك عن اهلو
دحگت عليه و شفت نظراتو اليه، يعرف انو ما اگدر اتجاهل موضوعها
زفرت لما رجع يحچي- زين هي هسا شلون وحدها بالبيت و ما عدهم احد ؟
- عثمان اسكت
- شبيك ضجت ؟
حچاها بسخرية استغفرت ربي و انداريت عليه وگتلو بعصبيه
- ليش تلف و ادور ؟ احچي السالفه و فضاها
- ليش فهمتني خطا ؟
بعدين انت شفت وجهك شلون صار من جبت طاريها ؟ضحكت باستهزاء و اني أشر على وجهي
- ايي ما تشوفني حاط كحله و حمره
- ما اگعد استهزء اني
- و لا اني
گعدت بمكاني و سكتنا اثنينه، اشوف نظراته عليه و شكله مو راضي،و اني مالي واهس انو احچي و افتح مواضيع قديمه
زفرت لمن رچع عثمان يحچي ينبرة هادئه- سلام مو قصدي اضوجك والله
- عثمان سد الموضوع
- راح اسده لأن مبين عليك ضجت و تذكرت كُلشي
تنهدت و بسخرية گلت و اني اتذكر الماضي و الي صار بي
- ليش اني نسيت حتى تذكرني
- بعدك تحبها ؟
رفعت راسي اله و ظليت ساكت، بعدني احبها ؟
لحد هاي اللحظه ما اگدر انطي اسم لمشاعري اتجاهها، بس اني متأكد اني شايل الها مشاعر أسمى من الحب
مرات نحب الشخص الخطأ، نحبه و نعرف انو احنا غلطانيين و نعرف انو ماكو قوة بالكون تخلينا ننجمع وي الي نحبهبلعت ريگي لمن گال عثمان و هو يركز نظراته بعيوني
- بعدك تحبها مو ؟
- عثمان كافي سد الموضوع
- بعدك تحبها والله
زفرت و وگفت من مكاني و اني ادحگ عليه بخزره
هو ما اهتم و وگف من مكانه و صار مقابل ليه و باصرار گال- يول لا تتهرب والله بعدك تحبها مثل الاول
ما ادري شلون مسكت اعصابي و ما انفجرت بي، و خليت بالحسبان انو امي و البنات نايمات و ما اريد اسوي هوسه بهاليل
هو اندار من ورا الميز و صار گدامي ، و عگد حواجبه و گال- ما طولك سكتت يعني بعدك تحبها، ما ناوي تنساها ؟ ولك تزوجت و ترملت وهي بعدها ابالك ؟
فار دمي وبسببه و اني اريد بس حجه حتى انفجر و اطلع قهري بأي شخص، حتلو كان اخويه
YOU ARE READING
| أمانة حيدر | ' باللهجة العراقية '
Romance" مرات الصدفه و القدر يلعبن ادوارهن، و يقلبن الطاوله، و يحولن اليأس الى أمل، و الحقد الى حب " تصميم الغلاف من الحلوه شهرزات التميمي ♥♥ تنويه/ القصه باللهجة العراقيه و لا تمت للواقع بصلة بدأت ١٥/٨/٢٠١٩ انتهت٢٨/١١/٢٠١٩
الفصل الثاني
Start from the beginning