قلتا ليهو انت شايل شنو وداسيهو مني،قال لي قربي اول وبعداك بتعرفي . قربتا ليهو وقال لي لسا وتاني قربتا وقلتا ليهو خلاص كفايه لحدي هنا طلع لي خاتم بتاع فضه 😍 اتبسطتا شديييد مسك يدي ولبسني ليهو .. كنتا مبسوطه بيهو ياخ قلتا ليهو طيب ارح نتمشى شويه قال لي لا انتي ترجعي هسي وبعدين انا حاجي اسوقك نتعشا سوا في المطعم الفتحوهو جديد .. قلتا ليهو نتعشا كيف يعني بالليل😳ضحك وقال لي سندس انتي مرتي يابت😂💔 مالك بتتخلعي كده فيني كل ما اقول ليك حاجه قلتا ليهو تمام طيب خلاص لبعدين بكون جاهزه .. رجعتا اخدتا لي نومه كده لقيت رندا مشت وطلعت دولابي كلو بعزل وبقيس في اللبسات عشان اقشر لراجلي جات نوره وانا بقيس سلمت علي ودخلت قعدت في السرير .. ما اشتغلتا بيها كتير وقعدتا انسق في الوان ملابسي لما شافتني سفهتا قالت لي سندس انا عارفه نفسي غلطتا بس كانت لحظات ضعف الوقت داك .. ما عارفه الشيطان اعماني وكيف طمعتا فيكم انتي وابراهيم سندس انا اسفه شدييد والله ياريت تسامحيني .. قعدتا في السرير وقلتا ليها اسامحك على شنو بالضبط ! انتي بتحبي ابراهيم ودي حاجه ما حتتغير بين يوم وليله ياريت نقفل الموضوع لانو بضايقني بس منك .. وانا قلتا ليك حاحترمك واعمالك كويس قدام الناس وماشايله في قلبي حاجه منك لكن انتي خذلتيني ودي حاجه انا ما حنساها ليك طول ما انا حيه ياريت تاني ماتحاولي تبرري لي موقفك لأني حازيد في كرهك بس .. يلا اطلعي عشان انا عايزة اغير ملابسي قالت لي اوك تمام وطلعت بدون نقاش بديت اغير وعملتا ميك اب خفيف ومشيت لي ابوي قلتا ليهو انا طالعه ابراهيم مستنيني بره حنتعشى ونرجع قال لي سندس ما تتأخري ماتنسي انكم عاقدين مافي لزوم لطلوعات الليل دي خليهو ينتظرك تتخرجي وبعدها يعرس ويكاع بمزاج ما دايرين كلام مع الناس يقولو الليله عقدت وبكره حامت .. قلتا ليهو يا ابوي مابتوصي حريص مافي شي بعملوا بخجلك واصلا باقي لينا شهرين ونتخرج حاكلم ابراهيم انو مانطلع كتير .. قال لي اي عارف بتي ما بتخجل 💓 سلم علي في راسي وقال لي مع السلامه طلعتا لي ابراهيم بره سلمتا عليهو وكان مبسووط بي شوفتي😍 قال لي انتي الليله سمحه شديد قلتا ليهو يعني بقيت تشوفني سمحه يادوب ولا عشان بقيت مرتك ! قال لي من يوم عرفتك وانتي مرتي يلا عشان مانتأخر قلتا ليهو حنمشي وين قال لي حنتعشى في مطعم فتحوهو جديد في الخرطوم قلتا ليهو ابراهيم 💓 حبييبي الله يرضى عليك مافي لزوم نبذر قروشنا واحنا محتاجين لي اي فلس والتخريج قرب يا ابراهيم .. خلينا نشتري من عمو حامد سندوتشات طعميه بالشطه وبيبسي ونمشي شارع النيل الجنبنا .. قال لي سندس انا عارف قدرتي واكيد ما حاخجلك قلتا ليهو ابراهيم ماتتحسس انا ماقصدي شي ياعمري .. بعدين طلع قروشك دي سرييع قال لي ليه؟ قلتا ليهو طلعها بس .. شلتها عديتها وختيتها في شنطتي وقلتا ليهو انا من الليله حاشيل منك اي قرش تجيبو من السوق عشان نلملم لي عرسنا وما دايره تبذير في امور فارغه ياراجل وبعدين ما تخاف اول ما ابقى معاكم في بيتكم بقلع منك القروش من جوه جيوبك دي ..ابراهيم ضحك وقال لي سندس😂😂 والله انتي اصلو مابقدر عليك قلتا ليهو يلا عشان ما نتأخر انت ناسي مواعيدنا ابوي مابرضى ادخل بعد الساعه ١٢ بعدين انت لسا ما سوقتني بيتكم عشان تسرح وتمرح زي ماداير .. قال لي سندس ماممكن معاك انتي مرتي ياخ😂😂 هسي لو داير اغلط ما بقدر مع ابوك البحسب لينا الساعات ده 😂💔 قلتا ليهو والله ترجعني متأخره يقوم يشاكلك ويقول ليك ماعندنا بنات للعرس يلا 😂😂 .. مشينا شارع النيل وقعدنا في الكراسي بعد اكلنا وشربنا طلبنا قهوه وقعدنا نتونس قلتا ليهو يا ابراهيم
انا لما اجي حاسكن وين ! قال لي حنفصل حيطه هسي الايام الجايه دي قبل التخريج وحيكون عندنا حمام وغرفه وصاله صغيره المكبخ مشترك مع ناس امي .. قلتا ليهو طيب حتخليني اشتغل بعد العرس ! قال لي ياسندس لو انا حوجتك حتشتغلي لكن باذن الله ما حاحوجك لحاجه وماعايزك تتعبي .. قلتا ليهو الله يخلي لي زولي البخاف علي 💓 قال لي بمناسبة الكلام السمح ده من مرتي ما ممكن اعمل حاجه؟ قلتا ليهو قصدك شنو يعني ! قرب مني شويه واتكل على كتفي وقال لي حاجه يعني حاجه بسييطه 💓 لزيتو من كتفي وقلتا ليهو ابراهيم😡👋مادايره اي قلة ادب معاك اووعك تحاول تلمسني بقتلك وانت عاارفني كويس .. قعد يضحك قال لي سندس😂💔 انتي مرتي يابت .. قلتا ليهو ويعني مرتك قال لي يعني من حقي اي شي قلتا ليهو ابراهيم اقسم بالله اقوم امشي وازعل .. قال بي يابت اصبري😂😂خلاص ماحاقول ليك حاجه كده لحدي مانعرس كده ارتحتي قلتا ليهو احسن كده اي 😏 قال لي انا خايف حتى بعد العرس تمنعيني اقرب منك بسبب قوانينك دي💔 قلتا ليهو اي حاعمل كده اصلو ياحبيبي قال لي الوقت داك ولا على كيفك زاتو .. قلتا ليهو ابراهيم انت ماحتعمل حاجه الا انا اوافق عليها صح ! قال لي وانا بقدر اعصيك في حاجه؟ قلتا ليهو واثقه منك .. قمنا على حيلنا ؟ طيب قومي قلتا ليهو قوم اول وارفعني ماقادره وحات الله😂💔 قال لي يابت من هسي عجزتي يامره خلاص خليك عند اهلك ما لازماني قلتا ليهو ياريت لو عجزتا بس عندي وجع ركب واسنان واضاني تقلت وشعري اتساقط قال لي سندس 😂😂💔 قومي قومي يامره بقيتي خرده قمتا على حيلي بعد اتسندتا على يدو واتحركنا للبيت لما وصلنا قلتا ليهو يلا حبيبي تصبح على خير يا روحي قال لي وانتي بخير .. بس دقيقه قلتا ليهو مالك ! قال لي الشارع مضلم عايز اشوف حاجه بدون ماتزعلي .. اندهشتا وقلتا ليهو ابراهيم انا لسا ما متعوده انك راجلي ماتحرجني اكتر قال لي انتي عويره يابت يعني حاعمل شنو في الشارع مثلا .. قربي علي دقيقه بس قربتا منو ورفع لي طرحتي شويه عشان يشوف السلسل الجابو لي في رقبتي قلبي كان بدق بسرعه وهو بقرب ونزل شويه لمس السلسل وهو في رقبتي وقال لي زيدتيهو حلا .. الوقت داك انا في عالم تاني حاسه بي احساس غريب شديد لكن حلو خجلتا شديد لماعمل كده قال لي بالمناسبه عندك شامه في رقبتك وعضمتين الرقبه سمحين شديد😍قلتا ليهو ابراهيم كفايه ماتخجلني اكتر عليك الله خلاص قال لي انتي مبسوطه قلتا ليهو شديييد والله قرب لسه وباسني في خدي وقال لي انتي حلالي بعد كده ما تخجلي مني في حاجه يلا ادخلي نومي ولو في حاجه عايزاها اضربي لي تلفون قلتا ليهو طيب تصبح على خير ودخلتا جوه الفرحه ماشايلاني
نمتا وصحيت تاني يوم مشيت الجامعه والفرحه واااضحه في ملامحي لاقيت
بنات دفعتنا وباركوا لي العقد وحتى زملائنا انا وابراهيم كانوا بباركو لي لقيت رنا واقفه من بعيد مع رندا استغربتا ديل منفردين مالهم مشيت عليهم لقيت رندا واقفه مبسوطه ورنا مكشره كده سلمتا على رندا وقلتا لي رنا السلام عليكم اصلا ما بسلم عليها زي البنات ودايما بحاول اتجاهلها .. قلتا لي رندا يلا انا جعانه وجريتها قلتا ليها الموقفك معاها شنو قالت لي عشان تقيف عند حدها قلتا ليها خير مالها قالت لي كانت عايزة تعمل حركات بعد عرفتكم عقدتو قلتا ليها قالت شنو يعني قالت لي سندس خليك منها عليك الله هسي انتي راايقه ومبسوطه كده من الصباح احكي لي في شنو يامزة .. ابتسمتا بخجل كده وقلتا ليها لما نقعد جبنا فطورنا وقعدنا وبدينا نحكي عن يوم العقد ونعلق ونضحك طبعا في المواقف الحصلت .. قالت لي بالمناسبه شلتا رقم ماجد
_ رندا ما ممكن يابت غايتو انتي اها وناصر حتعملي شنو ؟!
رندا: ناصر ده منو كمان ؟
_ رندا😏 احسن ليك تركزي وتعرفي روحك دايره منو بدل الشنططه دي يابتي اهدي
رندا: ياخ سممح شدييد وعربيتو😍 سمحه شديد زيوو يا ناس
_ عارفاك جنك جكس وقروش
رندا: ياخ معاملتو لطيفه وبهتم بادق التفاصيل عرفتي نوع اكلتي وصليتي وشربتي وكده يعني عجبني غايتو
_ انتي من الما بعجبك ياصحبتي .اسلمه سيد الدكان بتاعنا ماعجبك!
رندا: انتي حيوانه صح😒😒
_ هههه لكن اعمل ليك شنو .. احسن تشوفي ليك عريس سرييع قربنا نتخرج تاني الموضوع ببقى صعب يا بتي والعرسان بقلوا
رندا: ايواا عشان عقدوا عليك خلاص بدينا نتغير والكلامات دي صاح
_ اححي انا من عوارتك خلاص مسكتي لي القصه دي لبانه
رندا: هي صحي😍 فلان كيف بالله
_ كووويس والله وبسلم عليك
رندا: يسلم علي دي ما اظن لانو الايام دي عقلوا عندكم في البيت
_ اي والله وانا عقلي عندو هناك
رندا: انا بديت اخاف منكم لازم نلمكم سرييع قبل ما. تتهورو وتعملوا غلط
_ 😂😂 يابت نحنا ناس واعيين
رندا: برضو الاحتياط واجب وكده
_ رندا ☺ امبارح اليوم حلوو
رندا: هيي صحي حصل شنو قلتي لي حتطلعو تتعشو سوا وكده
_ ااي طلعنا واستمتعنا شديد
رندا: طيب وانتي بتتخجلي لي كده ليه يا بتي😂😂💔انا ما ابراهيم
_ حيوانه خلاص 😂😂💔
رندا: بس ما يكون الأخو عمل حاجه
_ ااي عمل عشان كده بتخجل ☺
رندا: كذاااابه😍😍 واااي سندس اها 😍 اححي انا الموضوع حلو صح
_ مايروح فكرك لبعيد نحنا ما اتمادينا
رندا: انا عايزة اعرس ياخ💔
_ انا قلتا ليك انجزي سريع العرس حلو صغره والله .. كدي خليني اشوف راجلي ده وين عشان طالعه معاهو السوق عندي حاجات عايزة ابدا اشتري الشيله حبه حبه قلتا ليهو مل ما تلم قروش تعال اديني ليها عشان نقدر ندبر ونلم حالنا سريع سريع ..
رندا: اي احسن تبدوا مشواركم سوا بدون مازول يدخل فيكم ..
اتصلتا على ابراهيم ومشينا سوق ليبيا منو كان بجيبو شيلة العروسات لانو رخيص في الأسعار وكده مشينا نختار التياب ونطقمها وطبعا لازم اخد راي ابراهيم كان بضحك فيني لانو اول مره نمشي السوق سوا وشافني بشاكل في الاسعار وبنقصها شدييد وبختار وبجي ليهو بره اسألو اذا كان حلو ولا لا وظاهر في وش ابراهيم فرحتو لأنو كل ما اجي اتكلم معاهو ببتسم وهو بعاين لي الدبله في يدي .. كان يوم متعب شدييد في الاختيار وبعدو قعدنا في كفتريا السوق وشربنا عصير تبلدي بااارد😍 مافي فرحه كانت بتساوي فرحتنا استمرينا شهرين مع بعض في الجامعه وجري المشروع شغل اي واحد فينا ابراهيم كان جاري ومضغوط شديد من ناحية الجامعه والمحاضرات والشغل بره وبنتلاقى بس في صالون بيتنا قدام ابوي بشرب معانا شاي وبيديني قروش الشيله وبعديها كانت بتمشي معاي رندا نشتري الشيله سوا .. هي الوقت داك كانت بتتكلم مع ماجد وبتظبط في امورها معاهو لحدي مابدو يتفقوا سوا كنتا مبسوطه ليها شديد وهي بتحكي لي عن ماجد وانها بدت تحبو ودايراهو .. انا وابراهيم انضغطنا شديد عشان باقي شهرين بس للتخريج وبعدوا العرس طوالي . لحدي ما انتهوا الشهرين وانتهى مشروعنا وناقشنا بتذكر يوم المناقشه كان احلى يوم في حياتنا .. دخلتا انا ورندا و رؤى وناقشنا طلعنا لقيت امي وابوي وابراهيم واختو والزغاريد وللحلاوه والخبيز وعمي كانت قاعد برضو وبعد مناقشتي كانت مناقشة ابراهيم في نفس اليوم رغم اننا من كليات مختلفه لكن الصدفه جمعتنا وفرحتنا بي يوم مناقشتنا .. بعد المناقشه بديت انجهز للتخريج كنتا مصره اتخرج وابراهيم ماكان بشتغل بالأمور دي لأنو ماسك الأمانه بتاعت الكليه فإنشغالو بأمور السياسه كان بياخد من وقتو ومن لحظات كتيره حلوه في حياتو .. قررت اتخرج واقنعتا امي لأنها كانت ما موافقه وشايفه التخريج موضوع فارغ ماليهو لازم .. لكن انا اصريت لحدي ما ابوي اقنعها وجا يوم التخريج 😍 ياخ قريت خمسه سنين مختبرات وما اتخرج .. لازم منو ياخ لبستا فستان شلتو من بنت جيرانا وكان راقي شدييد وعملتا مكياج بسيط براي وكانت اول مره البس لينسيس في عيوني 😍 باللون الأزرق الغامق مشينا كلنا للمدينة الرياضيه والتخريج كان هناك 💓 طبعا هو بالجد ما فيهو حاجه مميزة غير الاغاني البتختاريها .. اخترت اغنية امي يازينه و شعر حلو كان للأبو واغنية لإبراهيم خبيني لمصطفى قمر💓 كانت انسب اغنية لي ابراهيم تعبر عن حبي ليهو .. جا تسليم شهادتي ولقيتهم التلاته واقفين سلمتا على ابوي وحضنتو وامي والاتنين دمعوا وهم بسلموا علي لما حسيت اني عايزة ابكي ماعارفه ليه بس جاني احساس بالبكا ولما وصلتا لي ابراهيم قال لي دكتورتي انا فخور بيك💓 ربنا يغطيك ويحفظك لي ابوي عاين ليهو وهو بتكلم معاي قال ليهو سندس دي جووه عيونك واشر ليهو بيدو في عيونو ابراهيم قال ليهو فوق راسي .. بعدها نزلتا لعمي ولي صحباتي والناس كلهم باركوا لي .. ماعلرفه ليه حسيت اني فقدتا نوره الليله💔 لكن اتجاهلتا احساسي ده بلمت الناس حوليني .. بعدها ابراهيم ركب مع صحبو ونحنا ركبنا مع عمي .. يوم تخريجي يوم ما حنساهو لأنو بعد يوم التخريج ده بديت حياة جديده او حاقول انو حياتي اتغيرت كليا ، وقصتي ابتدت بعد التخريج ً
يتبع.....
