راكبه بي ورا معاي ماما وقدام ابوي عمي ابو نوره هو السايقنا .. مبسوطه شدييد كنتا ابراهيم كان برسل لي وبفتح اقرا وارد واتبسم كلامو كان كلو حلو واغلب كلامو ربنا يخليك لي ومايحرمني من عيونك الجميله💓 في اخر رساله قال لي " خبئيني بين جدران المسام فأنا أحتاج أن أولد بين عينيك طفلاً من جديد " ماعرفت ارد اقول ليهو شنو ابتسمتا بخجل كده واتكلتا على شباك العربيه ودخلتا يدي تحت طرحتي ومسكتا السلسل بتاع الدهب الخفيييف الجابوهو لي في العقد 💓 السلسل الإتحسسو ابراهيم بيدو اليوم داك وبقيت بلمس في عضلات رقبتي وبعاين لي خاتم الفضه الهداهو لي اليوم التاني من العقد 😍 كنتا مبسوطه وعمي لاحظ لي بتبسم بالمرايه براي كده قال لي سندس الله يديم البسطه دي عليك قلتا ليهو الله يخليك ياعمي .. ابوي قال ليهو والله البنت دي لو جات تموت بتقول الا ابراهيم يموت معاي 😂😂💔 عمي قال ليهو خليها ياخ راجلها برضو .. ونحنا بنتونس كانت في شاحنه ورانا بتحاول تتخطى من زمن .. عمي قال لينا ياخ الراجل ده مالو سايق كده ابوي قال ليهو سكران احتمال اعمل حسابك منو وفي لحظات الموقف كان اسرع من الثانية الشاحنه ضربت عربيتنا واتقلبت في ثواني ما سمعتا غير امي بتقول لي سندددس وهي بتضم فيني وصوت ابوي وعمي وهو بكوركو برضو سندددس غطي عيونك .. العربيه اتقلبت بصورة سريعه ما كنتا متوقعه الحوادث بتحصل كده بعدها ما شفت شي وصحيت وانا في المستشفى .. كنتا في غرفة العمليات ومخدرة رجلي كانت اتكسرت وبعملوا ليها في عملية ده غير جسمي الإتضرب والجروح الكتيره من الزجاج .. صحيت بعد تلاته ساعات من العمليه واول سؤال قاتو ليهم ابوي ! امي ! عمي ! الدكتور قال لي ارتاحي ماتتكلمي كتير هم كلهم كويسين وؤاجلك واقف بره من قبيل متوتر شديد حاطلع اطمنو واخليهو يدخل يسلم ويطمن عليك .. اشرت ليهو براسي انو اي دخلو لانو جسمي كان تقييل من المخدر ماقادره اتكلم طلع هو والممرضات ودخل ابراهيم .. كان وشو مليان زعل ومخلوع شديد قعد في طرف السرير وبكى اول ما شافني كده .. قلتا ليهو الحمد لله ربنا ستر يا ابراهيم ماتخاف انا كويسه وهو كان ساكت وبعاين لي بعدها مسك يدي وقال لي الحمد لله .. قلتا ليهو ابراهيم عليك الله ماتبكي انا كويسه امي وابوي وعمي كيف؟ قال لي سندس رجلك تاني ما حتقدري تمشي بيها عديل زي اول 😭 قلتا ليهو كيف يعني؟ قال لي يعني العظام اتهششت شديد لأنك وقعتي على امك وااتضغطتي بالكرسي .. قلتا ليهو يعني انا بقيت عرجه ؟ قال لي سندس😭 طوالي بكيت وقلتا ليهو😭 ابراهيم .. سكتني وقال لي ماتعترضي ده حكم الله والحمد لله على كل حال .. قلتا ليهو ابوي وامي كيف؟ قال لي عمك كويس وفي رضوخو بسيطه الحمد لله طلعوهو من العمليات ومعاهو ناس نوره .. حسيت انو ابراهيم بتهرب من سؤالي عشان كده كوركتا فيهو ابراهيم امي وابوي كيف لو ما رديت علي انا حانزل بي رجلي دي واشوفهم براي .. اللحظه ديك انا كنتا خايفه من اجابتو قلبي قبضني شدييد قبل مايرد علي اصلا هو ماردا وقعد يبكي زياده وبصوت براحه قال لي الله يرحمهم وسكت وبقى ببكي .. احساس انو فجأة يموتو كان ما داخل لي في راسي بقبت بعاين لي ابراهيم بدهشه كيف يعني؟ وهو عيونو بقت زي الدم .. قلتا ليهو انت بتكذب انا ما حاصدقك ماعارفه قلتا ليهو كده عشام ماواعيه ولا عشان ما دايره اصدق كلامو😭 نزلتا بي جرحي وهو بقول لي سندس اقيفي كوركتا فيهو وقلتا ليهو زح مني انا ماشه اشوفهم براي .. نزلتا بعد قاومتو ورجلي بتكب دم وبتوجع فيني الوقت داك ما كنتا مهتمه لي اي وجع وطلعتا بره بكورك للدكتور يجيني وبكورك في المستشفى ابوي وامي وين ؟ جا الدكتور جاري ولقاني واقفه ورجلي مليانه دم قال لي انتي كيف تنزلي قلتا ليهو امي وابوي وين .. عاين لي ابراهيم وهو واقف بي وراي ببكي وماقادر يمسكني قال ليهو ازا قلتا ليك ماتوريها هسي ، يادوب بديت اصدق خلاص انهم بقوا مافي 😭 مرت علي صورت امي وابوي واصواتهم الاخيره وهم بنادوا بي اسمي سندس 😭 حسيت انو قلبي عايز يطلع وروحي عايزة تمشي معاهم .. بعاين للدكتور وهو بتكلم حسيت بكلماتو بتدخل قلبي زي السهم وبتطعن فيني😭 صورتهم علقت في راسي هنا يادوب حسيت اني فقدتهم فقد آبدي 😭 انو تاني ما حاشوفهم ولا اسمع كلامهم 😭 انو تاني اسمي ما حيتقال من امي وابوي .. انو تاني ما في. زول حيقول لي بتي😭 انو تاني انا بقيت وحيدة في الدنيا دي براي😭 انو تاني ما حناكل في صينية وحده ولا حنشرب شاي الصباح سوا 😭 انو تاني ما حاحضن امي لما ابكي وانو داك كان اخر حضن وهي بتحمي فيني لآخر نفس 😭 انو تاني ما حاشوف ابوي وهو بصلي 😭 صرختا صرخه من جواا رحمي صرخه حسيت انها بتطلع من جسمي كلو ما من خشمي بس قلتا ليهم لاااااااا😭😭 لاااااا😭😭 ربنا ماشالهم مني .. لا ربنا ماعمل كده 😭😭😭 بقيت ببكي ووقعتا في الارض وبقول لي ابراهيم 😭😭انا دايره امي وابوي يااارب ليه تشيلهم وتخليني يا الله شيلني معاهم 😭😭 ابراهيم جا حضني وبقى بقول لي استغفري الله انا لله وانا اليه راجعون
وانا بس ببكي وبكورك لاااا لااا😭 مستحيل يخلوني براي .. يخلوني لمنو تاني 😭 ابراهيم خليهم يرجعوا وانا ما حاعصيهم تاني 😭 وانا حاسمع كلامهم خلاص في اي حاجه 😭 ابراهيم قول ليهم انا بريييدهم والله برييييدهم من جووه قلبي 😭😭 قول ليهم انا مابقدر اعيش وهم ما معاي 😭 كيف حامشي البيت وهم مافي 😭 كيف حانوم وعارفه انهم مافي الصباح 😭كيف ابوي يخليني ويفووت😭 منو الحايقول لي يابت اكلي تاني ومنو الحيغطيني بالليل تاني😭😭 منو الحيجي يفقدني تاني .. ابراهيم ليه الله شالهم مني يا ابراهيم لييه .. بكيت وصرختا لما دختا في حضن ابراهبم وهو كان ببكي معاي.. الدكتور ماقدر يشوف الموقف بتاعي وخصوصا بعد عرف اني بنت وحيده مشى وخلى الممرضات وهم كانوا ببكوا 😭 من منظري بعدها رفعوني في السرير وصحيت بس الدوخه ما حتقدر تنسيني ياريتني لو صحيت وكان الفات حلم😭😭 لكن خلاص ده القدر كان كده .. ابراهيم كان لسه حاضني من راسي وبقول لي الله يصبرك الله يربط قلبك .. وانا من اسمع كلماتو البكا بزيد 😭😭 ابراهيم يعني انا تاني ما حاشوفهم ؟ يعني تاني هم مشوا للأبد😭 كنتا زي الطفله الصغيره والناس بحاولوا يقنعوها بحاجه هي ماقادره تستوعبها.. اتمنيت لو كان الله شالني معاهم 😭 واتمنيت لو ماصحيت من المستشفى على واقع مر زي ده 😭 .. ابراهيم قال لي ارح شوفي الجنائز قبل ما يودوهم البيت لأنو انتي ماحتطلعي الا بعد تلاته يوم .. كلمة الجنائز كانت زي صاعقن بتزل على قلبي😭 عاينت لي ابراهيم وحيلي كلو ميت وانا ببكي نزلني وسندني على كتفو ومشينا غرفتهم في المستشفى لقيناهم محضرين خلاص ومكفنين 😭 واول ماشفتا المنظر انهرتا في الارض بقيت بقول لا اله الا الله وابراهيم بقول لي انا لله وانا اليه راجعون 😭 بكيت بحرقه من جووه قلبي وقلتا ليهو يحليلهم الطيبين ياحليلهم الحنينين😭😭 ابراهيم كان ببكي وهو بعاين لي بتكلم معاهم 😭 جو الدكاتره عشان يطلعوا الجنائز من الغرفه وهم بقولو لي البركه فيكم .. اول ماشالوهم حسيت بقلبي بطلع مني وروحي فارقتني وصرختا تاني ماتمشوا تخلوني 😭 ماتفارقوني 😭 انا بريييدكم انا بريييدكم والله 😭😭 ابراهيم ضماني عليهو عشان ما اشوفهم وانا اصريت امشي ورجلي بتنزف دم وقفتا الدكاتره جنب باب الغرفه وقلتا ليهم خلوني اسلم عليهم في راسهم 😭 سلمتا عليهم الاتنين وقلبي بتقطع عليهم .. ابراهيم جا جراني تاني وحضني وغطاني منهم 😭 انهرتا بعديها في الارض وانا بضرب في الارض وبقول ليه ياربي ليه انا ليه😭😭 ابراهيم كان بمسك فيني من وشي وبقول لي استغفري الله استغفري😭😭 ..
احساس الفقد اعظم احساس خصوصا فقد الأبوين مابضاهيهو اي احساس في الدنيا انك تاني ماحتشوف الزول ده بي آي شكل من الآشكال وانك ما حتسمع صوتو او تشوفو او تقعد معاهو انو تاني ماعندك فرصه تلبي ليهو اوامرو او تعتذر منو عن الفات انو الموت اخدوا منك في غمضة عين 😭 انو قلبك اتحرق بغيابو وتاني ما حتشوفو خلاص😭 انو اللحظات الكانت بينكم دي حتبقى ذكريات بس واصحابها غابوا .. الفقد اصعب احساس والفقد عشان الزول ده مات اصعب من الفراق .. واحساس الوحده الكنتا حاساهو الوقت داك ما في اعظم منو😭 كنتا ببكي دايما في حضن واحد من اتنين امي او ابوي .. وهم رحلوا خلاص 😭 رحلوا للآبد وماخلوا لي فرصه اودعهم وما ادوني وقت عشان اشبع منهم .. رحلوا وخلوا لي احساس الندم والألم الكان بقتل فيني براحه براحه .. رحلوا ووجعوا قلبي😭 رحيلهم نقطه سوداء ما قدرتا اتجاوزها اليوم داك ما حيتنسي لي والشعور الكنتا حاسه بيهو كان بكلع من جوااي شديد .. بطلع من رحم الوجع💔 كيف ما آشوفهم تاني يا ابراهيم كيفن 😭😭
انا بكتب في الحلقه دي بكيت وكملتا دموعي 😭💔عن البنت دي😭 ربنا ما يوري زول سوء في اهلوا ويرحم اهل الماتوا ويغفر ليهم ويحفظ اهلكم العايشين ويحفظ ابوي وامي💓
يتبع.....
