#قصة جديدة
#افترقنا-منذ-الصغر
#للكاتبة رقية-ليث
.
.
.
نسيم: لعد كول شنو الموضوع؟؟
هيثم: ماشي اكلج ولا تروحين تخابرين سعيد
نسيم: تفضل احجي..اسمعك
هيثم: ما حجينه بشيء مهم بس كتلة لتتوقع بيوم من الايام نسيم راح تحبك راح تتزوجك بس علمود تنساني..يعني انت مجرد وسيلة تخليها تنساني لا اكثر ولا اقل كتلة فكر قبل متخطبها يعني انت اكيد تريد وحدة تحبك واعتقد نسيم مو الشخص المناسب الك
نسيم بصدمة: يعني كل هذا حجيته و تكلي ما حجينه بشيء مهم صدك انت متستحي عل روحك شلون تكلة هيج..وبعدين منوو كال اني اريد اتزوج سعيد حتى انساك...اني وافقت اتزوج سعيد حتى ارتاح و اعيش حياتي لان تعبت ومليت ومااكدر اظل متعلقة بحب من سابع المستحيلات يصير
هيثم: مستعد اسمع منج أي كلام ظلي احجي علية حتى اذا تريدين تعاي ضربيني بس لتتزوجين سعيد مااكدر اشوفج وية شخص ثاني...
نسيم: راح يجي يوم وتنساني وتحب وحدة ثانية
هيثم: تعرفين شنو احسن حل..خلينه ساكتين احسن ﻻن اذا اظل احجي وياج جوز ابتلي بيج
ظلينه طول الطريق ساكتين..بعدين هو شغل اغاني
رجعنه للبيت تغدينه و رحنه نمنه
كعدتني امي كلتلي يلة كومي حضري روحج راح يجون الناس
كعدت حضرت روحي و ميسم حطتلي مكياج و سوتلي شعري
هيثم ما شفته بعد دخل للغرفة و ما طلع
اجت رانيا و امها و سعيد..استقبلناهم اني و ابوية وامي
سعيد من شافني ظل صافن
هنا زاد خوفي و ارتباكي اكثر
كعدوا يحجون ورة شوية بدو يحجون بموضوع الخطوبة
سعيد بس يباوعلي و يبتسم..
اتفقوا ورة يومين انردلهم خبر
و صدك ورة يومين دزينالهم خبر موافقين
اهلي كعدوا وياية قبل ميخابروهم و سئلوني اذا متأكدة من نفسي موافقة عل سعيد او ﻻ
كتلهم متأكدة موافقة..احسن قرر ممكن اخذة بحياتي
رحت للغرفة و ظليت اباوع عل الاصبع الي جنت لابسة بي الحلقة
تذكرت خطوبتنه اني و هيثم..ايامنه بالشغل
مااعرف اذا راح اظلم سعيد بهذا الزواج او لا
يعني اني گلبي و عقلي ميفكرن بس بهيثم
من اجه سعيد خطبني لحد الان هيثم محاجي وياية حتى من يوديني و يرجعني من الشغل مينطق كلمة وحدة
ما عجبني هذا البرود الي بيناتنه
حاولت احجي وية بس هو دائما يحاول يبتعد عني
الگلادة الي جابلياها دائما ابقى لابستها ماانزعها ابد
نسيم: هيثم..
هيثم: خير؟؟
نسيم: لهل الدرجة كارهه تحجي وياية
هيثم: نسيم كاعد اقرة كتاب كلش مهم اذا ماعدج شيء مهم طلعي واذا اكو كولي و طلعي
نسيم: غير يكعد راح شكسبير زمانه
هيثم وهو يعيب عل نسيم: ديلة سكتي سكتي..جاية تشوفين روحج علية
نسيم: المهم..اجيت اكلك ليش متحجي وياية؟..
هيثم: هو هذا السؤال الي اجيتي علمودة
نسيم: ايي..سؤال مهم جدا
هيثم: واو مهم..اسخف سؤال مر علية
نسيم: مو صوجك صوج الي يحجي وياك (فتحت الباب كاعدة اطلع من غرفته)
هيثم كمت من الجرباية: اوووكفي وين رايحة
نسيم: اروح احجي وية سعيد شوية يسمعني احسن منك
هيثم: لتخليني هسه اسحلج سحل والله و اصلا انتوا بعدكم ما مخطوبين رسمي لهذا هاي فيكاتج خليها عل جهه ماشي ست نسيم او نسومة عل كولت سعودي
نسيم متت من الضحك عل حجية بس طبعا ما بينت هذا الشيء كدامة: وانت ليش ضايج من نسومة و سعودي
هيثم: ومنو كال اني ضايج مجرد مثال لا اكثر ولا اقل
نسيم: صدك انت من وكتيش صرت تقرة كتب؟؟
هيثم: والله من انخطبتي صرت العاشق الحزين
نسيم: ايبااا العاشق الحزين...لعد اني شنو
هيثم: نسومة المخطوبة لا والمن مخطوبة لسعودي ههههه
نسيم ضجت من كلامة كلش: هيثثم كاافي سد الموضوع
هيثم: اوك..راح اسكت لان الظاهر كلامي صاير يضوجج
نسيم: ارجع لطبيعتك بذاك الوقت ماراح اضوج منك(عفته و طلعت)
انخطبنه اني و سعيد رسمي اقترح سعيد هو يوصلني للشغل بس كتلة ماكو داعي تحير بية انت كاعد تودي رانيا للشغل و اني توديني وعود تروح لشغلك
كتلة ماكو داعي تتأخر عل شغلك هيثم بطريقة يوديني
اقتنع بكلامي...كل يوم بليل يخابرني بس مااحس شيء تجاه
يعني يتغزل بية و يحجيلي اشعار بس اني اظل ساكته مااعرف شنو اجاوبة
دائما اسئل نفسي نفس السؤال يا ترى راح يجي يوم واحبة مثل هيثم؟؟
بس مكاعدة اكدر جواب لهذا السؤال
ماعدا جوابة بسيط يا اما نعم او لا...بس حيرني ما عرفت شنو اختار
نطلع للمطعم او نروح سينما او نتمشى شوية واني ماكو أي مشاعر
حاولت اتعود و اتأقلم وية..ما حبيت ابين لسعيد اني مااحبة ومااريدة
اما بالنسبة لهيثم يرجع من الشغل يدخل لغرفة و يبدي عالمه الانعزالي عالم الكتب
يمكن بس الكتب تفهم همومه وجعه..حتى وية اصدقاء ميطلع
حتى اني بعد ما حجيت وية حاولت ابتعد..كلت بلكت ينساني
مرة طلع من الغرفة يشرب مي..جنت بالمطبخ بوقتها
انتبهت عل اصبعه مابي حلقة...ظل سؤال يدور برأسي ليش نزع الحلقة
قبل ميطلع من المطبخ سألته...
نسيم: هيثم
هيثم: نعم
نسيم: ليش نازع الحلقة؟؟
هيثم باوعت عل اصبعي الي جنت لابس بي الحلقة: اعتقد بعد مالها داعي لبستها او ما لبستها النتيجة وحدة
طلع و عافني من المطبخ بدون ميسمع جوابي
حالته جانت مدهورة يسهر باليل يكعد يقرة و الصبح بالشغل حتى اكل مو كلش يأكل..
...............
اتمنى تعجبكم^^
لا تنسوا التصويت والتعليق^^
كتبتها بخط عريض حتى تشوفوها ومتنسون تصوتون^^
احبكمممم💛
YOU ARE READING
افترقنا منذ الصغر
Romanceفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
