#قصة جديدة
#افترقنا-منذ-الصغر
#للكاتبة رقية-ليث
.
.
.
هيثم جريتها و حضنتها حييل ظليت اشم بعطرها و بستها بخدها: مو بكيفج
نسيم ابتعدت عنه و ضربته راجدي: هيثم شكاعد تسوي استوعب اني اختك.....اختتتك حالي حال مسيم
هيثم: خطيبتي انتي خطيبتي مووو اختتي افتهمي هذذذا الشيء(ضربت ايدي بالحايط حيلل)
نسيم بخوف: هاي شبيك هيثم؟!
هيثم: تخبلت ما بقى برأسي عقل..والله مليت ملللليييت
نسيم: مااعرف شنو اكلك غير تصبح عل خير
هيثم بأستهزاء: هه يا خير الي تحجين عنه
احس وجودي بهذا البيت راح اتكون النتيجة مالته سلبية من ناحيتي و ناحية هيثم
مكاعدة اكدر انسى هيثم ولا هو يكدر ينساني
حتى النومة طارت من عيني
ظليت اتگلب بالفراش لحد ما صار الصبح كعدت
سويت الريوك..ورة شوية اجتي امي بس مااهتميت ﻻن لحد الان مااحجي وياها
حتى ابوية علاقته صارت مو كلش وياها...ﻻن كلش ضاج من السالفة الي صارت حتى وصلت للطلاك
بس كدرنه نحل المشكلة
سويت الريوك وكملته كعدوا كلهم...طبعا تفاجئوا من شافوا هيثم موجود
كللهم حبيت اسويها مفاجئة الكم
سلموا علية و كعدنه نتريك
انطاهم كل واحد هديته...بعدين كال نسيم عذريني نسيت اجيبلج هدية
كتلة عادي ماكو مشكلة
طلبت من ابوية يلكالي شغل بس هو ما قبل كلي ابقي بالبيت احسن
هيثم لكة شغل جديد....رانيا بقت نفس شغلها
قررت اسئلها اذا يحتاجون وحدة..ﻻن اريد اشتغل مااريد ابقى بالبيت وية امي
كل مااشوفها اتذكر الي صار
خابرتها وسئلتها عل الشغل كلتلي اسئلهم واردلج خبر
ظليت ادعي بلكت ارجع اشتغل وية رانيا
ورة نص ساعة خابرتني كلتلي اهلا وسهلا بيج المول يرحب بيج
فرحت من كلتلي هيج..كلت اقنع ابوية بكل الوسائل
من رجع من الشغل فاتحته بالموضوع بالبداية رفض
بس بعدين اقتنع بالموضوع..فرحت من وافق ارجع اشتغل
كمت حضنته و بوسته...حبيت هذا الشعور
من يكون الشخص وية عائلته
رجع هيثم من الشغل و كال اتغدوا مااشتهي
حسيته ضايج...مااعرف شبي
انتظرنه ميسم تجي حتى نتغدة
من اجتي سئلتها اذا تعرف هيثم شبي
بس للاسف طلعت متعرف
قررت اصعدلة للغرفة حتى اعرف شبي..بس ترددت
شفت ميسم صعدت نامت وابوية كذالك وامي كاعدة تخابر
رحت للمطبخ صبيت اكل و صعدته فوك لغرفة هيثم
دكيت الباب...كال تفضل
دخلت للغرفة و شفته لازم الموبايل و صافن علية
مااعرف شنووو كاعد يسوي
حطيت الاكل عل الميز مال الغرفة مالته وكتلة لازم تأكل
بس جان جوابة واضح وهو الرفض
رفض وكلي مااشتهي...ظليت الح علية حتى يأكل مااريد يتأذى بسببي
كعد اكل شوية وكلي شبعت مااريد بعد
كتلة ماشي تريد شيء بعد...كلي سلامتج مااريد شيء
كاعدة اطلع...اجة من ورة و حط گلادة برگبتي
وهمس بأذني هاي هديتج من الشمال ما حبيت انطيجياها كدام الاهل
ظليت جامدة بمكاني مااعرف شسوي كتلة شكرا و طلعت بسرعة
احس روحي من الخجل صرت طماطاية
حتى الهدية ما شفتها
رحت للمطبخ غسلت الماعين
من كملت شفت الگلادة...انصدمت من شفتها جانت نص گلب و مكتوب عليها اسم هيثم..
ما عرفت شسوي بذاك الوقت...نزعت الگلادة ورحت صعدت لغرفة هيثم
دخلت للغرفة وهو جان شبه نايم
اول ما شافني كعد متفاجئ
هيثم: خيرر نسيم اكو شيء...ليش هيج لونج مخطوف؟!
نسيم طلعت الگلادة و حطيتها كبالة: شنووو هاي؟؟؟..هيثم ماراح تبطل سوالفك
هيثم: شننوو هاي يعني گلادة غيرر
نسيم: ادري گلادة....بس مكتوب عليها اسمك و نص گلب
هيثم: ماراح اكلج غير بس هذا الكلام....اذا تحبيني كأخ او خطيب او حبيب أو أي شيء تعتبريني المهم قبلي الهدية مني و ظلي لابستها ومن راح يجي شريك حياتج و يسرق گلبج بذاك الوقت نزعيها...بالمناسبة النص الثاني عندي و مكتوب اسمج علية راح اظل دائما لابسة.......رجعت نمت
ظليت صافنه مااعرف شسوي اخذها لو ﻻ
اخاف اخذها و يكول لساعها تحبني..بس اني صحيح بعدني احبه وما عتبرته بيوم من الايام اخوية
بس هو كلي اخذيها حتى لو تعتبريني كأخ الج
شفته رجع نام....رجعت لبستها و كتلة قبل لا اطلع اخذتها بس ﻻني معتبرتك اخوية..لتفهمني غلط
چذبت علية بشكل علني...اخذتها ﻻني احبة و اهوى
يدگ گلبي بسرعة من اشوفة..اظل مركزة بملامحة مااكدر اوخر عيني عنه
احبة...وراح اظل احبة
ظليت لابسة الگلادة بس حطيتها جوة ملابسي حتى محد يشوفها
داومت ثاني يوم وية رانيا....فرحت من شفتها
راح اظل كل يوم اشوفها
هيثم هو الي راح يوصلني و يرجعني كل يوم
مرت الايام عادي ماكو تطور....كل واحد ملتهي بشغلة
نرجع نتغدة ونام....نادرا نلتقي
يوم من الايام اجتني ميسم كلتلي اريد احجي وياج بموضوع مهم
كتلها اوك...صعدنه فوك لغرفتنه و حجينه
نسيم: خيرر ميمه صاير شيء؟؟
ميسم بأرتباك: صراحة اي
نسيم: خير شكو خوفتيني
ميسم: ﻻ لتخافين...الشاب الي وياية بالصيدلية اليوم اعترفلي انو هو معجب بية و كلي اريد اخطبج واني صراحة ارتبكت وما عرفت شسوي رغم هو مو اول واحد يعترفلي جان اكو هواي شباب يعترفولي بالكلية و جنت ارفضهم بسهولة بس مااعرف ليش هذا الشاب ما عرفت شنو اجاوبة كتلة الله كريم اردلك خبر
نسيم بأبتسامة: تحبي؟؟
ميسم: اممم..صراحة مااعرف
'''''''''''''''''''''
اتمنى تعجبكم^^
ﻻ تنسوا التصويت و التعليق^^
احبككككم💛💛
YOU ARE READING
افترقنا منذ الصغر
Romanceفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
