افترقنا منذ الصغر

البارت(11)

#قصة جديدة
#افترقنا-منذ-الصغر
#للكاتبة رقية-ليث
.
.
.
نسيم: ماشي..دقايق مااتأخر
هيثم: ديلة خلي نشوف هاي الدقايق مالتج شكد تصير

رحت بدلت بسرعة و طلعنه اني و هيثم
و صلني لبيتهم وهو راح للشغل
خطية امه جانت مقهورة علية
استقبلتني استقبال ماكو مثلة
كلساع تجيني و تگلي محتاجة شيء
حتى معدتي انترست من ورة الاكل
كلساع توكلني شغلة شكل
ورة شوية سمعت الباب انطبگت
سمعت صوت ميسم..رجعت من الصيدلية
الصيدلية مالتهم مسويها شفتين واحد صباحي واحد مسائي
هي بالشفت الصباحي وترجع بال٢ الظهر
رجعت تصيح جوعانه صبولي اكل راح اموت من الجوع
اهم شيء عدها الاكل...
متدري اني موجودة بيتهم من شافتني تفاجئت

ميسم بفرح: حيااااتي نسسومة
نسيم بتعب: هلو حبي شونج
ميسم: هو اني الي لازم اسئلج انتي شونج مو انتي تسئليني..مبين عليج تعبانه
نسيم: مجرد ماخذة برد لا اكثر ولا اقل
ام هيثم:هاا واخيرا اجيتي ام عطوب
ميسم: يوم مو جم مرة كايلتلج لتصيحيني بهذا الاسم اني كبرت
ام هيثم: ديلة احنه شگلنه عيني ام عطوب
ميسم: اريد غدة...ميتةةة جووووع
ام هيثم: اتي حايرة بكرشج بس
ميسم: ليش هو اكو احسن من الكرش ...خلي يولي الحب دشوفي هاي نسيم شوفي الحب شنو سوة بيها..خلاها تنام بالفراش
نسيم وهي تضحك: الحب شعلية..ههههه
ميسم: غلسي غلسي..بس اريد اقنعهم لان مااريد اتزوج
نسيم: وليش متريدين تتزوجين؟؟
ميسم: اريد اعيش حياتي وحدي حرة اسافر اطلع اطب محد يكلي وين ليش منو...احب اكون مستقلة محد يتحكم بية
نسيم: راح تبقين هيج طول العمر
ميسم: اييي..ليش وين المشكلة؟
نسيم: راح يجي يوم ويتغير بي كلشي من تلتقين بالشخص المناسب
ميسم: اوووو نسيم خانوم صايرة تبدعين..شنو اخوية هيج مأثر عليج(غمزتلها)
نسيم بخجل: اووف منج ولا تكعدين براحة
ام هيثم: الاكل صار جاهز..
ميسم: ابدل واجي...ماراح تاكلين ويانه
نسيم: مالي نفس اكل..اكلي انتي بالعافية
ميسم: ولج خاف حاامل...من وراية يخونه..
نسيم وهي تضحك: لا من وراج ولا من كدامج امشي اكلي احسلج..لتخافين مو حامل
ميسم: هااا عسبالي
نسيم: شعسبالج؟
ميسم: لا هيج ماكو شيء..

راحت ميسم تبدل واني ظليت كاعدة
رغم اكو تشابهه بالشكل بينه اني و ميسم بس تصرفاتنه و طريقة تفكيرنه تختلف
بس تنحب و تدخل عل الگلب طيبة و ماعدها حقد بگلبها
بسرعة تنحب...حبيتها من اول مرة شفتها اتمنى تبقى علاقتنه هيج قوية حتى بعد منتزوج اني وهيثم
خابرتني رانيا و اطمنت علية كلتلي خابرتج الصبح ما رديتي
كتلها الموبايل جان صامت
ضلينه نسولف شوية وبعدين كالت عدي شغل وراحت
هيثم دزلي رسالة سألني شلون صرت
كتله احسن..الحمدلله
ظليت اگلب بالتلفزيون شفت مسلسل مبينه حلوة كعدت اباوعها
ورة ساعة اجة عمي ابو هيثم
سلم علية و سئلني اذا محتاجة اروح للطبيب او لا
بعدين دخل جوة تغدة ونام
اجت ميسم يمي كعدنه نسولف كتلها اذا تعبانه روحي نامي
بس هي كالت اني متعودة ماانام الظهر دائما اظل كاعدة
كعدت تسولف عن طفولتها هي و هيثم و شلون جانوا يخبثون عل جيرانهم
صراحة ضحكتني..لان حتى وهمه صغار مخابيل ههههه
بعدين كلتلي راح اروح اجيبلج البوم الصور مالتنه
جابت ثنين كالت واحد صورنه اني و هيثم جان البوم صغير واحد جبير كالت هذا مال العائلة
راوتني صورها هي و هيثم جانت صورهم حلوة و تضحك
خاصة صور مال هيثم من كاعد يبجي من كاعد يطهرو
ضحكت عل صورة لان هو و صغير جان شكلة كيوت
بعدين راوتني صور العائلة وكعدت تعرفني عليهم واحد واحد
و طبعا اني دخت..بس لفت انتباهي شغلة وحدة اكو مرية تصير خالتها
حسيت شكلها مألوف
سئلتها شنو اسمها كالت ايمان..وهي دكتورة
كملت الصور وجان اكو بنهاية اللبوم صورة صغيرة
جانت الصورة ما واضحة لان حاطيها ورة صورة خالتها

نسيم: شنووو هاي الصورة الي ورة صورة خالتج؟؟؟
ميسم وهي كاعدة تطلع الصورة: مااعرف صورة مجهولة محد يعرف منو الي بالصورة
نسيم وهي تشوف الصورة وهي مصدومة: شجاب هاي الصورة يمكم...منو صاحبة هاي الصورة...ميسم كليلي منووو؟؟منوووو؟ جاب هاي الصورة؟
ميسم وهي خايفة: شبيج نسيم ليش هيج كمتي تصيحين...شنو تعرفين الي بالصورة منو؟
نسيم وهي تبجي: مكتوب ورة الصورة الله يحفظج مو؟
ميسم دارت الصورة حتى تشوف اذا جان مكتوب شيء او لا: ايي..ايي مكتوب عليها الله يحفظج شلون عرفتي؟
نسيم وهي تبجي اكثر: دخيلج ميسم كليلي منو الي جاب هاي الصورة منو هي صاحبة هاي الصورة سولفيلي قصتها
ميسم: ماشي راح اسولفلج بس هدئي شوية..هدئي...القصة صارت قبل ١٥ سنه اني جان عمري ١٠ سنوات مجنت اعرف أي شيء بس بعدين عرفت القصة من كبرت..خالتي هسه الي راويتج صورتها هي دكتورة و توفت قبل ١٥ سنه يعني من جان عمري ١٠ سنوات اثر حادث سيارة هي و كاعدة تسوق صار الحادث وللاسف توفت الله يرحمها..و بعدين شافو هاي الصورة بجنطتها بس محد يعرف منو هاي البنية الي بالصورة لان هي جان عدها بس ولد ثنين يعني ماعدها بنات لهذا كلها تفاجئت بالاخص من شافوا الكتابة الي وراها والي هي الله يحفظج طبعا صار الناس أطلع حجي عليها كل يوم شكل ساعة يكولون جوز جانت عل علاقة
...............
اتمنى تعجبكم^^

لا تنسوا التعليق و التصويت^^

احبكممم❤❤