#قصة جديدة
#افترقنا-منذ-الصغر
#للكاتبة رقية-ليث
.
.
.
.
ورة خمس دقايق اجاني مسج شفته طلع من هيثم
شفت الرسالة كاتب بيها ممكن نلتقي ورة منكمل شغل
استغربت من الرسالة....خابرتة حتى اشوف شيريد
نسيم: هلوو هيثم
هيثم: هلوو...
نسيم: خير ليش دزيت رسالة...اقصد يعني اكو شيء نحجي بي
هيثم: ايي اكو..اعتقد لازم نلتقي و نحجي بالموضوع لان مينحجي عل الموبايل
نسيم: اسفة مااكدر
هيثم: مرة وحدة بس وافقي عل شيء اكلجيا
نسيم: كلت مااكدر؟
هيثم: قافلة
نسيم: ايي
هيثم: مااشي يلة باي(سديت الخط بوجها)
نسيم: الوو الووو هيثم...شو هذا سد الخط
رانيا: المن جنتي تخابرين؟؟
نسيم: هيثم
رانيا: هيثم!!! ليش شيريد منج؟؟
نسيم: يريد ورة منكمل شغل نحجي سوية بموضوع مااعرف شنوة
رانيا بحماس: اييييي وانتي شنو كلتي؟
نسيم: رفضت
رانيا بخيبة امل: كبر حتى كبر....ليش هيج؟؟انتي مو تحبي؟
نسيم: ايي احبة بس مااعرف ليش رفضت مااعرف
رانيا: خابري و كليلة ميخالف موافقة نحجي
نسيم: ﻻﻻﻻ مستحيل اخابرة اصلا هو سد الخط بوجهي ومبين علية عصبي
رانيا: كلة من وراج دائما تخربين كلشي
نسيم: والحل؟؟
رانيا: تشوفين شتريدين؟ هذا الحل المناسب
نسيم: اوك من نطلع اكلة..ماراح اخابرة هسه
رانيا: بكيفج بعد
الوقت كلة واني افكر هيثم شيريد
خلص الشغل سلمت عل رانيا و كتلها راح اروح وية هيثم
نزلت للطابق الاول شفت هيثم كاعد يطلع رحت ورة حتى اصيحلة
نسيم: هيثم.....هيثم
هيثم درت وجهي اريد اشوف منو يصيحني: نسيم!!..خير اكو شيء؟
نسيم: اسفة...اسفة لاني قفلت و رفضت اطلع وياك
هيثم: عادي مصار شيء..يلة اذا ماكو شيء اني رايح
نسيم: اكو..اكو شيء بعد
هيثم: و شنووو هو؟!
نسيم: موافقة احجي وياك بالموضوع المجهول
هيثم: كاعدة تچذبين علية موو؟
نسيم بأبتسامة: اكيد لا..بس مااكدر اتأخر كلش
هيثم: ماشي...اكو هنا متنزة قريب شنو رأيج نروح نحجي بي
نسيم: ماشي
رحنه للمتنزة كعدنة عل ميز و كعدنه نحجي
هيثم: اني اريد ابدي بالموضوع بس مااعرف شلون
نسيم: ترى بديت اخاف
هيثم: اوك راح ابدي..نسيم اني (قاطعني صوت الموبايل شفت منو طلع اختي ميسم) بس دقيقة اشوف اختي شتريد واجي
نسيم: اوك اخذ راحتك
هيثم كمت و كفت عل وجهه شوية بعيد عن نسيم: خيرر شكو...دائما تتصلين بالوقت الغلط
مسيم وهي تأكل: شبيك عيني علكيفك...اكلتني و شربتني..
هيثم: الغي بسرعة شتريدين
مسيم: خابرتك علمود اكلك اريد نوتلا و شامية و جبس ليز هذا الجبير مو تقشمرني بالصغير و اريد بعد..اوكف دقيقة نسيت...اها تذكرت اريد بيبسي وية بيتزا بس شنو اريدها حجم عائلي
هيثم: شنو كاعد اربي هايشة واني ماادري هسه هم ياريت يبين عليج شوماكو جنج سلبوج
ميسم: ديلة كملت حجي....جيبلي الاكل كلة مو تنسى
هيثم: اوامر ثانية بعد؟
ميسم: لا حياتي ماكو..فوددديتك احبك يا احلى اخ بالكون
هيثم: اتي بقيتي حب بالموضوع...ديلة ولي وكافي لغوة
هيثم رجعت لنسيم: اسف تأخرت عليج
نسيم: لا عادي...تفضل كمل الموضوع الي اجينه علمودة
هيثم: ايي راح اكمل...نسيم اني معجب بيج من زمان و ناوي اتزوجج
نسيم بصدمة مااعرف شسوي بوقتها من نطق الكلمات: هيثم متأكد من الي كاعد تكولة؟!!
هيثم بأبتسامة: اكيد واثق من نفسي اني احبج مو بس احبج اعشقج بجنون احب كلشي بيج كلامج لبسج مشيتج تصرفاتج عنادج كلشي بيج حلو
نسيم ابتسمت بدون مااحس عل نفسي لاني من زمان جنت منتظرة هذا اليوم: هيثم اعتقد تأخرت ولازم ارجع
هيثم: يعني ماراح نسمع جواب منج؟
نسيم: موافقة اتزوجك...يلة لازم ارجع تأخرت
هيثم بحماس: احبج....مو تتدللين هسه اوصلج
ركبنه بالسيارة و طول الطريق هيثم مشغل اغاني حب و غزل
واني اباوع عل الجامة وابتسم
وصلنة للشقة قبل ماانزل كلي..
هيثم: شنو رأيج اني كل يومية اوديج واجيبج؟
نسيم: لا اسفة مااكدر اقبل هذا الشيء وبعدين ماكو شيء رسمي بينه والناس راح تأكلنة بحجيها..
هيثم: ليش دائما تفكرين بحجي الناس..فكري بنفسج ولتفكرين بكلام الناس
نسيم بحزن: هيثم اني بنية يتيمة يعني اذا احد حجة علية ماكو احد يدافع عني وماعندي سند بهل الحياة يوكفلي و يدافع عني ضد الناس اني الي ادافع عن نفسي لهذا دائما بكلام الناس..
هيثم: حقج والله الناس صدك مترحم
نسيم: يلة اني رايحة...باي
هيثم: باي.....احبببببببببج
نسيم ابتسمت ورحت
هيثم....مرحبا اني هيثم عمري ٢٤ سنه خريج ادارة و اقتصاد صارلي ٣ سنوات اشتغل بهذا المول عندي اخت وحدة اسمها ميسم واني وياها نصير توأم بس ابد منتشابهه و طبعا هي المدللة مالتي اني وياها الوحيدين لاهلنا امي ربة بيت بس ابوية مهندس نفط بس شخص كلش عصبي و قاسي محد يكدرلة
نفس السنة الي اشتغلت بيها نسيم اجت اشتغلت و اول ما شفتها دخلت گلبي بنية هادئة و مرتبة و متحجي وية الولد و مبين عليها ماعدها سوالف مكسرة تعجبني البنية الي مثلها جنت معجب بيها بس ما بينت هذا الشيء و كلت مو من اول سنه اعترفلها بحبي ظليت أجل الموضوع لحد مصارت ٣ سنوات قررت اعترفلها لان كلت خاف تضيع من ايدي ومن اعترفتلها الحمدلله طلعت تبادلني نفس الشعور....
ميسم: امممم احس اكو نقص...
~~~~~~~~~
اتمنى تعجبكم^^
لا تنسوا التعليق و التصويت^^
احبكمممم💛💛
KAMU SEDANG MEMBACA
افترقنا منذ الصغر
Romansaفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
