#قصة جديدة
#افترقنا-منذ-الصغر
#للكاتبة رقية-ليث
.
.
ابو هيثم: ليش اكو شيء؟؟
نسيم: ها..ﻻ ماكو شيء هاهية لعد باجر اكللها يجون وانشالله خير
ابو هيثم: خوش واني هسه اكلها ﻻمج...يعني راح تروحين مني واني بعدني من شبعان بيج وميسم هم راح تروح
نسيم حضنته حيييل وكعدت ابجي: مااريد اسمع هذا الكلام مرة ثانية اني راح ابقى يمكم دائما
ابو هيثم: هاي الدموع غالية علية مااريد اشوفهن مرة ثانية ماشي
نسيم مسحت دموعي: ماشي ماراح ابجي مرة ثانية
رجعت للغرفة و شفت ميسم كاعدة تحجي وية خطيبها
جابولي جرباية جديدة للغرفة قبل يومين
مددت عل الجرباية و ظليت افكر بهيثم شكاعد يسوي هسه
اكيد مقهور جوز يعتبرني خيانه لان خنت الحب الي بينه
اكيد راح يصير يكرهني بعد مااتزوج سعيد
كملت ميسم حجي وية خطيبها سدت الفون و دارت وجه علية
ميسم: نسيم خانوم ماراح تكليلي شنو صاير؟؟
نسيم: مااعرف من وين ابدي بالحجي
ميسم: السالفة مو هينه الظاهر
نسيم: كل السالفة هي راح اتزوج
ميسم فتحت حلكي من الصدمة: شنووو!!!!!
نسيم: هههه هاي شبيج؟
ميسم: صدك تحجين؟
نسيم: ايي والله باجر يجوني خطابة واني موافقة
ميسم: و هيثم؟؟
نسيم: شبي هيثم؟
ميسم: يعني اقصد حبكم وانتي تدرين بي هو لسة يحبج و ما معتبرج اخته بيوم من الايام...ولو اني ملازم احجي هيج لان انتوا اخوان ومن حقج تتزوجين
نسيم: اني اعرف هيثم يحبني بس مجبورة اتزوج حتى اخلي ينساني و يصحى عل نفسة و يعرف اني اخته مو خطيبته
ميسم: تعرفين شنوو..احس حتى انتي بعدج تحبي؟!
نسيم ظليت صافنه مااعرف شنو اجاوبها
ميسم: سكوتج خلاني اعرف الجواب
نسيم اجتني رسالة من هيثم كاتبلي تعاي بسرعة اريد اشوفج..تعاي لغرفتي
ظليت حايرة اروح لو لا..خايفة خاف يسوي شيء لان ادري بي طگة ونص
اني راح اروح اشرب مي تريدين اجيبلج؟
ميسم: ﻻ حبي مااريد اني اصلا راح انام
رحت لغرفة هيثم لكيته كاعد يفتر بالغرفة و مبين علية عصبي
هنا زاد خوفي اكثر...كلت بس لا يسوي شيء يخلي يتندم بعدين
هيثم: اهلا نسيم خانوم واخيرا شرفتي
نسيم: خير رايد مني شيء؟
هيثم: ليش هذا البرود بحجيج..نسيم من وكتيش تحجين وياية بهذا البرود ليش متكونين عل طبيعتج وتحجين وياية مثل قبل
نسيم: هيثم اذا جبتني علمود تكلي هل الكلمتين..فأحب اكلك مراح تستفاد شيء وبعدين اني هاي طبيعتي مكاعدة اتصنع
هيثم: سؤال اخير..
نسيم: تفضل أسال!
هيثم: صحيح انتي راح تزوجين سعيد بس علمود تخليني انسى حبج واعتبرج اختي...متوقعة بهذا زواجج راح تخليني انساج وانسى حبج للاسف غلطانه ست نسيم حتى لو تزوجتي عشرة مراح انساج و لا راح تروحين من بالي فاهمه هذا الشيء..بس حبيت اوضحلج هذا الشيء
نسيم: منو كلك هذا الشيء..خطأ ماكو هيج شيء اني احب سعيد و هو شاب مؤدب و خلوق ماكو احسن منه
هيثم: هسه صار سعيد بي خير و خوش رجال....بس هاي مال تحبين سعيد شيليها من قاموسج ماشي
نسيم: وليش حتى مااحبة انطيني سبب واحد يخليني مااحبة
هيثم: انطيج سبب ليش لا...السبب هو تحبيني و مستحيل تفكرين بغيري هذا هو السبب
نسيم: قصدك احبك كأخ
هيثم: انتي تنطقيها كأخ بس عيونج تنطقها كحبيب و خطيب
نسيم: هيثم..كافي رجاءا كافي مااكدر اتحمل اكثر
هيثم: لتخافين هسه يجي سعيد و تنسين كل همومج والامج
نسيم: كملت حجي...حتى اطلع لان ضاگ خلكي كلش
هيثم: اسفين عيني لان ضوجناج
نسيم: ارجع هيثم القديم لتبقى عل هذا الوجه ميلوكلك..يلة اني طالعة
هيثم: نرجع للوجه القديم بالوقت المناسب..الله وياج
نسيم: صدك نسيت اسئلك منو كلك اني اريد اتزوج سعيد حتى اخليك تنساني؟
هيثم: سمعت حجيكم انتي و ميسم بالصدفة كاعد اطلع من الغرفة و سمعت الحجي
نسيم: يلة رايحة رايد شيء
هيثم: سلامتج
رحت ثاني يوم للشغل و كتلها لرانيا اني موافقة واهلا بيكم بأي وقت
حسيتها فرحت و حزنت بنفس الوقت
كلتلي اذا تحبين هيثم ما مجبورة توافقين عل سعيد
بس اني كتلها لتخافين موافقة بأرادتي محد جبرني عل سعيد
كلتلي اليوم راح نجيكم..كتلها اهلا و سهلا بيكم
كملنه شغل طلعنه اني ورانيا و شفنه سعيد و هيثم كاعدين يحجون سوية
كلت الله اليستر من الحوار الي كاعد يدور بيناتهم
رحت بسرعة لهيثم خفت خاف يسوي مشكلة او يضربة
نسيم: مرحبا سعيد..شونك؟.
سعيد بأبتسامة: اهلا نسومة..بخير اذا انتي بخير
هيثم بصوت ناصي: بدينه هاي عود بعدهم ما مخطوبين..استغفرالله
سعيد: عفوا هيثم كلت شيء؟؟
هيثم: ﻻ ماكو شيء..بس فكر بالكلام الي كلته الك
سعيد: انشالله
هيثم: يلة نسيم امشي
صعدنه بالسيارة واني ظليت افكر
شنوو الكلام الي كالة هيثم لسعيد حتى يظل يفكر بالموضوع
قررت اسأل هيثم واكلة شنوو حجوا بيناتهم
نسيم بتردد: هيثثم
هيثم: نعم
نسيم: شنو الموضوع الي حجيته وية سعيد؟
هيثم: وليش هذا السؤال؟
نسيم: هيثم سئلتك سؤال جاوبني بدون لف و دوران
هيثم: واذا جان معاجبني اجاوب؟
نسيم: ماشي لتكول اني اخابر سعيد واكلة
هيثم بعصبية: شنووو عيني شنووو...دخلي اسمع مخابرته والله يا نسيم ماراح تخلصين مني....اني حذرتج بعد
نسيم: لعد كول شنو الموضوع؟؟
............
اتمنى تعجبكم^^
لا تنسوا التصويت والتعليق^^
احبكممم😻😻
YOU ARE READING
افترقنا منذ الصغر
Romanceفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
