#قصة جديدة
#افترقنا-منذ-الصغر
#للكاتبة رقية-ليث
.
.
.
لان هسه قبل شوية اجيت حتى اشوف حالتها و جانت بوضع مااعرف شلون اشرحلكيا...
انطيتها ابرة منوم يلة كدرت اسيطر عليها..
هيثم: اشكرج دكتورة ما قصرتي ويانه..ممكن اظل اني يمها؟
الدكتورة: انت شنوو تقربلها؟خطيبها؟
هيثم: اخوها..
الدكتورة: اهاا لعد اني جنت متوقعتك خطيبها لان هي ذيج المرة كلتلي صيحيلي خطيبي و من اجيتكم و كلت منوو خطيبها انت كتلي اني
هيثم: صار سوء تفاهم جوز لان هستوها كاعدة من الغيبوبة...لان نسيم ما مخطوبة
الدكتورة: اهاا...ماشي لعد تكدر تظل يمها بس مااريد اي شخص تشوفة و تكون بسببة متعرضة للصدمة
هيثم: ماشي دكتورة..
دكتورة: انشالله تكوم بالسلامة ما عندها غير العافية..يلة اني اترخص
ظليت افتر بالغرفة مااعرف شسوي فكرة تجيبني و فكرة تاخذني
وراها تعبت من التفكير كعدت عل الكرسي و غمضت عيوني
لان اريد ارتاح من التفكير مااعرف شنوو اسوي بعد
ما حسيت عل نفسي من نمت...
كعدت عل صوت الموبايل شفتها رانيا
حاجيتها و جانت كاعدة تطمن عل نسيم لان هي ما كدرت تأخذ اجازة من الشغل لهذا راحت
و كلتلي المدير يكول اذا ميداومون خلال ٤ ايام اعتبرهم مبطلين
كتلها انتي كليلة بطلوا...لان احنه بيا حال والشغل بيا حال
ورة شوية بدت نسيم تكعد..بس جانت كاعدة تهلوس و تحجي حجي ما مفهوم
رحت يمها حتى اشوف شبيها...
هيثم: نسيم حياتي شبيج؟!.
نسيم بتعب: وينها...وينها؟؟
هيثم: منوو هي؟؟ حياتي نسيم احجيلي شنوو شفتي
نسيم: المرة وينها؟
هيثم: يا مرة!!
نسيم: هسه قبل شوية اجتني مرة و كلتلي نسيم اني و ياج لتخافين محد راح يأذيج..كلتلي تعاي وياية بس اني ما قبلت وبعدين اختفت
هيثم: عمري اكيد حلمانه لتخافين اني يمج ماراح اعيفج
نسيم: ماراح تعيفني موو؟
هيثم: اكيد ماراح اعيفج راح اظل يمج دائما
نسيم: هيثم
هيثم: عيونة
نسيم: احبك
هيثم: واني اعشقج يعمري
نسيم: هيثم صحيح احنه اخوان؟؟
هيثم: حياتي لتفكرين بهذا الموضوع هسه انسي السالفة
نسيم وهي تبجي: مستعدة هسه نتزوج..بطلت مااريد فترة الخطوبة تطول بس مااريد نطلع اخوان مااريد يطلع هذا الكلام صحيح هيثم اني احبك شلون راح افكر بيك كأخ الية مااكدر هيثم مااكدر
هيثم لزمت ايدها: اششش..مااريدج تفكرين بهذا الموضوع انسي كلشي ماكو بهاي الحياة بس اني و انتي..ارتاحي و لتعبين نفسج بهذا التفكير انتي بس كومي بسلامات و بخير و كلشي الا حل..
ظلت نسيم عل هاي الحالة لمدة شهر و هي متقبل تشوف أي احد بس اني تقبل تشوفني
امي و ابوية حاولوا يشوفوها بس اني مااقبل لان حالتها متساعد تشوف أي احد
تظل تشوف احلام و تكعد بنص الليل مرعوبة و خايفة
خايف عليها كلش..مااعرف شسوي عجرت عن أي شيء
كالوا الدكاترة اذا تريدون اطلعوها طلعوها ماكو مشكلة
طلعناها من المستشفى و اخذناها ويانه للبيت هي جانت رافضة الفكرة بس حاولت اقنعها...
خليتها بغرفتي و هي جانت نايمة رحت للصيدلية حتى اجيبلها الدواء مالتها
ام هيثم دخلت لغرفة هيثم حتى اشوف نسيم
نسيم سمعت صوت بالغرفة فتحت عيوني حتى اشوف منو: مااريد اشوفج طلعي برة مااريد اشوفج...هيثم وين هيثم..اريد هيثم
ام هيثم وهي تبجي: بتي الله يرضة عليج بس سمعيني...مرة وحدة سمعيني
نسيم: و شنوو راح استفيد؟
ام هيثم: راح احجيلج الحقيقة كلها..
نسيم: خايفة من الحقيقة..خايفة
ام هيثم: اول ما تزوجت جنت خايفة من كلشي لان مثل متعرفين ابوكم عصبي و ميتحمل شيء..امه كل يوم تسئلة ليش مرتك مصارت حامل من رحنه للدكتور طلع السبب مني مااكدر اجيب جهال بس كال اكو امل تتعالجين تعالجت و صرت حامل و ابوج كلي اذا ما طلع ولد اطلكج اني جنت خايفة خاف ميطلع ولد جنت اخاف اخذ سونار و خاف تطلع بنية
بس بعدين ابوج جبرني اخذ سونار حتى اشوف ولد او بنية رحت وية اختي ايمان اخذت سونار و طلع ٣ توأم كلتلي الدكتورة ٢ بنات ولد واحد اهنا ارتاح گلبي بس خفت خاف من يسمع بنات ثنين يأذيهن لهذا اتفقت وية اختي ايمان الي هي دكتورة قسم ولادة اتفقت وياها هي الي تجيبني و تأخذ بنية و تخليها بالميتم لان كلت اذا ابوكم يعرف بس بنية ولد راح يتقبل الموضوع..بالبداية اختي رفضت بس بعدين قنعتها كتله لابوكم حامل بتوأم ولد و بنية فرح من سمع حامل بولد مااهتم بالبنية..صرت بشهر التاسع و جبتكم انتوا ال٣ من ايمان كاعدة تاخذج كتلها سميها نسيم اخذتج للميتم بأسم نسيم و قررت اسمي اختج الثانية ميسم و الولد هيثم
اتفقت وية ايمان كل اسبوع تروح للميتم و تشوفج و جنت كلما اشتري لميسم ملابس اشتريلج الج نفسهن وانطيهن لايمان حتى من تزورج تأخذهن الج ظلت كل اسبوع تشوفج واطمني عليج..بيوم من الايام اجتني و كالت اكو عائلة ميصير عندهم جهال و يريدون يتبنون بنية اقترحت علية يتبنوج من الميتم و كلتلي همه يريدون يسافرون لامريكا..كلتلي هذا الشيء احسن الها تعيش حياتها مرتاحة واني وافقت عل هذا الشيء و للاسف ورة اسبوع اختي توفت بحادث سيارة واني جنت موصيتها عل صورة الج تبقى ذكرة و باليوم الي جابتها سوت حادث...اني اخذت الصورة واحتفظت بيها وجنت مطمنه....
-------------
اتمنى تعجبكم^^^^
YOU ARE READING
افترقنا منذ الصغر
Romanceفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
