#قصة جديدة
#افترقنا-منذ-الصغر
#للكاتبة رقية-ليث
.
.
.
نسيم: خلي نرجع نأكل لان الاكل راح يبرد
ميسم: ماشي
كعدنه نأكل ورة شوية غسلنا ماعين ورحنه نمنه
اني و نايمة سمعت صوت موبايلي
رحت شفت هيثم كاعد يدگ
احتاريت اذا ارد او لا....بعدين عفته ورجعت نمت
مااعرف ليش مااريد ارد علية
كعدنه الساعة بال٥
كعدنه نسولف وراها كالت ميسم لازم اروح مااكدر ابقى اكثر
راحت واني كعدت عل الموبايل ساعة ادخل عل للفيس ساعة عل الانستا
ماكو شيء ضوجة
طلعت فلم وسويت شامية وكعدت اباوع
ورة ساعة الباب اندگت بس بصوت قوي
خفت وما ردت افتحها...بس من سمعت صوت هيثم فتحت الباب
اول ما فتحتها حضني حيل
نسيم ابتعدت عنه: هيثم شكاعد تسوي؟!
هيثم: ما شايف هيج استقبال!
نسيم: ﻻ مااقصد شيء...بس انت فاجئتني بتصرفك
هيثم بعصبية: تعررفين ليش هييج سويت؟؟؟؟....لان عسبالي صار بيييج شيء..ﻻن متردين عل مكالماتي...ليش متردين؟؟
نسيم: مااعرف...اني نفسي مااعرف جواب هذا السؤال....بس انت لازم متسوي الشيء الي سويته هسه مرة ثانية
هيثم: ليش اني شسويت...بس حضنتج
نسيم: بس.....
هيثم قاطعتها: ادري انتي اختي مو خطيبتي...بس عادي يحضن اخته
نسيم: اني ما كلت حرام او عيب...بس لتسوي هذا الشيء مرة ثانية...راعي مشاعري رجاءا
هيثم: اتونستي وية ميسم اليوم؟؟
نسيم بأبتسامة: ايي تونست
هيثم: مبين من ابتسامتج...نسيم
نسيم: نعمم
هيثم: مااريدج تبقين هنا...رجعي وياية للبيت
نسيم: هيثم اعتقد حجينه بخصوص هذا الموضوع..لتفتح هذا الموضوع مرة ثانية
هيثم: انتي ليش هيج عنادية ومتسمعين لاحد....ترجعين يعني ترجعين فاااااهمممة
نسيم بعصبية: ماارجع يعني ماااارجع...فااااهم
هيثم: لتخليني اصير عصبي اتروحين هسه مثل الشاطرة اجيبين ملابسج وتجين وياية....يلة بسرعة
نسيم: مااجي وشراح تسوي قابل
هيثم: ماراح تجين مووو؟؟...ماشي اني الج
طلع و سد الباب حييل بدون ميسمع جوابي
ظليت صافنه عل كلامه...شنوو شراح يسوي مثلا
مااعرف ظليت حايرة و خايفة بنفس الوقت
حسيت انگلب شخص ثاني...مو هيثم الي اعرفة
بس اني هم ثولة لو رايحة وية...چاا ما صار كل هذا
بس اني مااريد ارجع كل ما اشوف امه مااعرف شيصير بية
.
.
.
مر اسبوع كامل اسبوع عادي كئيب وممل مابي شيء جديد
رانيا تمر علية بين فترة و فترة مرات سعيد يجي وياها وامها هم
ميسم وابوها يتصلون و يسئلون علية
حتى ابوية يجيبلي كلشي محتاجته..تعلقت بي رغم مصارلي فترة من متعرفة علية..كل يوم يخابرني و يطمن علية
بس هيثم ماله اثر لا اتصل و لا اجه..من سئلت ميسم علية كلتلي سافر هو واصدقائة للشمال
تفاجئت من كلتلي هيج...ابوية فتح وياية الموضوع مال ارجع ويه للبيت
وميسم هم قنعتني فكرت بالموضوع
وقررت ارجع وياهم...رجعت للبيت اول ما شفت امي مااعرف شنو صار بية
تذكرت كلشي صار وياية ما سلمت عليها بسرعة دخلت
كلتلي ميسم تعاي بغرفتي دخلت لغرفتها..كلتلي راح تصير غرفتنه من الان فصاعدا
ابتسمت ما حجيت شيء...هي حست بية ضايجة حاولت تضحكني
وخليني انسى كلشي صار وياية بالماضي
كعدت اسولف وياها....من تعرفت عليها اكثر حسيت اكو تشابه هواي بينه
كلتلي باجر راح يرجع هيثم..مااعرف ليش توترت من كلتلي هيج
ظليت افكر اذا شافني شنو راح تكون ردة فعلة...راح يتفاجئ لو ﻻ
سئلتني ميسم اذا بية شيء او لا...بس اني كتلها ماكو شيء لتخافين علية
نمت بلكاع علما يشترولي سرير انام علية
كعدت الساعة بال٤ اشرب مي سمعت صوت حركة بالبيت
خفت ما عرفت شسوي....اتبعت الصوت جان الصوت جاي من الطابق الثاني
جنت متوقعة ميسم كعدت من اني نزلت
دخلت للغرفة شفتها نايمة...كاعدة ارجع انام حسيت واحد
اجة جرني وخلة ايدة عل حلگي....حاولت ابتعد عنه بس ما كدرت
سحبني و دخلني عل غرفة ثانية...جانت الغرفة ظلمة
هيثم وهو لازم نسيم: ليش رجعتي للبيت؟؟؟
نسيم من سمعت صوته تفاجئت هذا شجابة هنا وخر ايدة عني وحاولت اتنفس شغل الضوة مال الغرفة الي هي جانت غرفته: انت؟؟ شجابك هنا؟؟
هيثم: ليش هو مو بيتي لو اني غلطان؟؟
نسيم: واني اعتقد هو بيتي هم...لو اني غلطانه؟؟
هيثم: فاجئتيني صراحة ما جنت متوقع راح تعتبرين هذا البيت بيتج بيوم من الايام
نسيم: للاسف طلع توقعك غلط...كاعدة افتح الباب واطلع
هيثم جريتها من ايدها: تعاي وين رايحة؟
نسيم: اريد اروح انام؟؟وين رايحة مثلا
هيثم: لعد قابل متروحين تنامين تعاي انطيني بوسة
نسيم:شكاعد تحجي انت؟؟!
هيثم: كلت شيء غلط اخ كاعد يطلب بوسة من اخته...واعتقد اني جنت مسافر يعني لازم تستقبليني..بحضن او بوسة او ثنينهن ما عندي مشكلة
نسيم: لا هاي ولا هاي..يلة اني رايحة
هيثم جريتها و حضنتها حييل ظليت اشم بعطرها و بستها بخدها: مو...
................
اتمنى تعجبكم^^
لا تنسوا التصويت والتعليق^^
احبكممممم💙💙
YOU ARE READING
افترقنا منذ الصغر
Romanceفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
