#قصة جديدة
#افترقنا-منذ-الصغر
#للكاتبة رقية-ليث
.
.
.
.
.
هيثم: نسيم قبل متنزلين اريد احاجيج بموضوع
نسيم: اي حياتي كول..اسمعك
هيثم: شنو رأيج نزوج بسرعة ما مرتاح تكعدين وحدج بالشقة
نسيم: حياتي لتخاف علية والله امان ماكو شيء...من يوم ما كعدت لحد هسه محد ضايقني او سوالي شيء
هيثم: حياتي احنه شعدنه قابل...ليش منتزوج حتى تكونين يمي و أمن عليج
نسيم: حياتي مصارلنه اسبوع من مخطوبين يعني احس كلشي كاعد يصير بسرعة حابة اتعرف عليك اكثر وعل عائلتك
هيثم: يا عمري انتي نتزوج وتعرفي عل اهلي و شبعي بيهم
نسيم: مااعرف اكو شيء بداخلي يمنعني اوافق
هيثم: اوووف منج والله موتيني..يلة امشي نزلي تأخرت الظاهر لو منا لباجر ماراح تقتنعين
نسيم: شبيك هيثم ليش هيج تحجي...شحجيت اني هسه
هيثم بعصبية وهو يضرب السترين مال السيارة بيدة: ﻻﻻ ابد مابية شيء ست نسيم شنو عدنه حتى منتزوج هااااا شنوووو عدنه بلا هاي السوالف مال نتعارف وما ااعرف شنو صارلنه ٣ سنوات سوة اعتقد هاي كافية حتى تعرفنه عل بعض
نسيم: بس هاي ٣ سنوات جانت شغل واني وياك مو نفس القسم...يعني هذا ميعتبر تعارف..وبعدين اذا معاجبك لتبقى وياية ما مجبور
هيثم: انتي شكاعدة تحجين شنووو عيفني شنو بطيخ لج اني احبج صارلي ٣ سنوات وهسه من خطبتج تريديني اعيفيج...دمشي انزلي لا هسه اكفر بيج والله...عود قفلي الشقة زين و فكري زين بموضوع الزواج و بطلي هاي السوالف مال التعارف ومااعرف شنو
نسيم نزلت من السيارة عصبية لان ما عجبني كلامة وياية
حبيت اتعرف علية اكثر واني مغلطانه بهذا الشيء
يعني مصارلي غير بس اسبوع وية...
شلون نتزوج بهل السرعة
مو قصة مااثق بي بس اريد اتعرف علية اكثرر واتعلق بي اكثر اريد احب بي كلشي وهو كذلك
خابرت رانيا و حجيتلها كلشي كلتلي ميخالف تحملي عصبيته
هو الرجال عل ساعة ينگلب شخص ثاني من يصير عصبي
كلتلي انتي هم حاولي لتخلي يصير عصبي و هدئي
صراحة ريحني كلامها..دائما من احجي وياها ارتااح
ظليت سهرانه طول الليل ما اجاني نوم افكر بالكلام الي كالة هيثم
ظليت حايرة نتزوج هسة لو لا...مااعرف ظليت حايرة
مااريد اخسرة لهذا الانسان لان هو اجاني هدية من رب العالمين
مااكدر افرط بي
نمت ساعة وحدة و دگ المنبه...حسيت روحي تعبانه
ما بية حيل اكوم ما حسيت عل روحي غير رانيا تخابرني
نسيم بتعب: الوو
رانيا: الوو هلو نسومة شو وينج صارلنه ساعة ندگ هورن
نسيم: ليش هسه بيش الساعة؟.؟
رانيا: يااا نسيم هاي شبيج شو حتى صوتج معاجبني..راح اصعدلج للشقة
نسيم كمت من الفراش فتحت الباب لرانيا
رانيا: ولج شو لساعج ما مبدلة!
نسيم: مااعرف احس روحي تعبانه
رانيا شفت وجهه مصخنه: ولج حرارتج مرتفعة
نسيم: ايي..مااعرف شبية كعدت الصبح ما بية اكوم و ما حسيت عل نفسي من رجعت نمت
رانيا: دلبسي أي شيء خلي نوديج اني و سعيد للمستشفى
نسيم: ﻻ ماكو داعي هسه اسوي كمادات و اشرب حليب دافيء اصير زينه
رانيا: لج يمعودة هي مال حليب..دمشي امشي
نسيم: رانيا والله مااريد اروح..بعدين مااريد اعطلكم عل شغلكم بس كليلة للمدير نسيم تعبانه حتى لو يخصم من راتبي مو مشكلة
رانيا: اووف منج شكد عنيدة..شلون اعيفج وحدج...زين امشي يم امي احسن
نسيم: بس ارتاح و انام اصير زينه لتخافين علية..يلة امشي ترة تأخرتي عل الشغل..مااريد تترزلين من وراية
رانيا: اووف والله مينطيني گلبي اعيفج وحدج..اذا تحتاجين شيء خابريني
نسيم: ماشي حياتي..يلة باي
راحت رانيا واني رجعت نمت لان احس روحي كلش دايخة
نمت وما حسيت الا باب تندگ حيل
كمت مستغربة هاي منو هيج يدگها شفت الساعة جانت بالوحدة الظهر
من ورة الباب كلت منوو...سمعت صوت هيثم
اول ما فتحتها حضني حيل احس عظامي تكسرت
هيثم: ليششش ما خابرتيني و كتيلي مريضة هاا ليش؟؟؟!
نسيم: حياتي ما بية شيء لتخاف..ما خذة برد لا اكثر ولا اقل
هيثم: شلون ما بيج شيء!! وهاي حرارتج شنوو تفسيرها
نسيم: كتلك ماخذة برد شبيك...رجعت حضنته..انت وجودك يمي كافي
هيثم بستها بخدها: احبج..بس مرة الثانية لتعيديها اي شيء يصير وياج تكليلي ماشي
نسيم بأبتسامه: تدلل
هيثم: يمةة فديت هاي الابتسامة اني...يلة روحي بدلي بسرعة
نسيم: ليش وين راح نروح؟
هيثم: راح اخذج لبيت اهلي امي موجوة هناك
نسيم: لا حياتي مااريد اروح
هيثم: نسيم لتعانديني امشي لبسي بسرعة..لان اريد ارجع للشغل
نسيم: صدك انت مو عندك شغل شلون اجيت لهنا!!
هيثم: اذا انتي حضرة جنابج اخابرج عل الموبايل ماكو متردين
نسيم: يااا هاي نسيته صامت لان من طفيت المنبة سويته صامت و نسيته واني جنت نايمة اسفة حياتي ما سمعته
هيثم: والباب يمكن بالربع ساعة اني مصلوب بالباب ادگ ومحد يفتحها..شنو نوم اهل الكهف...اصلا من شفتج ما رديتي خفت عليج ومن صارت استراحة الغدة كتلة للمدير خطيبتي مريضة اريد اروح اشوفها خلال الاستراحة وهو قبل بس گلي من تخلص استراحة الغدة لازم تجي واني وافقت
نسيم: و شلون ماراح تلحگ خلال ساعة توصل
هيثم: شسوي لعد اذا اتي اخرتيني..ديلة بسرعة روحي بدلي علمود اوصلج وارجع للشغل..
نسيم: ماشي..دقايق مااتأخر
..............
اتمنى تعجبكم^^^
YOU ARE READING
افترقنا منذ الصغر
Romanceفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
