#قصة جديدة
#افترقنا-منذ-الصغر
#للكاتبة رقية-ليث
.
.
هيثم وهو بالسيارة: الوو نسيم انتي وين هسه؟؟
نسيم بأستغراب: اني وية سعيد ليش امي صار بيها شيء؟؟!
هيثم: ادري وية سعيد بس وين بالضبط
نسيم: هيثم امي بيها شيء؟
هيثم: لتخافين مابيها شيء..هسه كليلي انتي وين؟
نسيم: بالحديقة مال المطعم كاعدين نشرب عصير
هيثم: اوك جايج اني بالطريق لتتحركين من مكانج..
نسيم: هيثم شكو؟؟..احجيلي
هيثم: من اجي راح تعرفين كلشي
سألني سعيد شكو شصاير كتلة ماادري يجي ونفتهم السالفة
ظليت انتظرة عل نار مااعرف شسوي
اريد افتهم شنو السالفة
سعيد كاعد ويهدي بية.....حتى العصير ما شربته
اجة هيثم يركض اني كمت من مكاني و مشيت بتجاهه
نسيم: هيثم كلي شنو السالفة والله راح اموت من الخوف صاير شيء
هيثم حضنتها حييل: احبببببببببببببببببببج
نسيم دفعته حيل: هيثم شكاعد تسوي..شبيك تخبلت
هيثم: حبج خبلني...نسيم انتي ملكي محد يكدر يأخذج
سعيد: هيثم ترة نسيم اختك و اني خطيبها لتنسى هذا الشيء
هيثم نزعت الحلقة من ايد نسيم و حطيتها بأيد سعيد: اعتبر كلشي انتهى بيناتكم يلة نسيم تعاي نروح
نسيم: هيثم شكاعد تحجي و بأي حق تجي تسوي هيج
هيثم: بصفتي اخوج الغي خطبتج من سعيد يلة امشي بسرعة للسيارة(جريتها من ايدها و صعدتها بالسيارة سعيد حاول يمنعني بس ما تراجعت)
نسيم بعصبية: ليييششش سويت هيج فهمني لييشش؟؟؟...لازم تستوعب احنه اخوان..والله تعبت كاافي دخيلك كافي
هيثم: واني هسه يلة تأكدت احنة اخوان..اكو موضوع انتي عرفتي بس مو كامل الحقيقة ناقصة...الشيء الي راح تعرفي راح يغير حياتنا كلنه مو بس انتي
نسيم: وشنو هذا الشيء؟؟...احجي شنو هذا الشيء؟
هيثم: نوصل للبيت وراح تعرفين كلشي
وصلنه للبيت و شفت امي كاعدة تبجي
ركضت عليها حتى اشوف شبيها
نسيم: يوم شبيج ليش كاعدة تبجين؟؟
ام هيثم: مااكدر اضم اكثر..لازم تعرفين بكلشي
نسيم: خير يمة كولي شكو؟
ام هيثم: انتي وهيثم مو اخوان
نسيم بصدمة: شنووووووو؟؟!!!
ام هيثم: القصة الي حجيتها الكم جانت ناقصها شيء
نسيم وهي تبجي: وشنوو هذا الشيء؟!
ام هيثم: اني ماجنت حامل ب٣ توأم جنت حامل بس بيج و بميسم...ومن ابوج هددني يطلگني و عرفت حامل بنات اتفقت وية خالتج ايمان ادبرلي ولد حتى من اجيب تبدل بنية بدال الولد و كتلة لابوكم حامل بولد و بنية و انتي الي جنتي الضحية و هيثم هو جان بالميتم بس انتي الي صرتي بمكانه اخذنا من الميتم بدالج و الباقي كلة نفسة اقصد قصة خالتج ايمان
نسيم ظليت صافنه مااعرف شسوي تجمدت بمكاني مااعرف شحجي: انتي شنوو من ام هم عندج گلب....گلبج قاسي للاسف (طلعت و عفتها)
هيثم: نسسسيم انتظري نسيم
نسيم: وديني للشقة مااريد ابقى هنا اكثر طلعت عايشة بجذبة جبيرة واني ماادري
هيثم: اوك تعاي اوديج للشقة..بس ترجعين متبقين هواي ماشي بليل ارجع عليج
نسيم: خليني ليوم واحد وحدي خليني استوعب شنو الي صار
هيثم: مااشي..يلة امشي بس لتنسين شيء واحد اني وياج راح ننخطب من جديد ماشي
نسيم بأبتسامة: ماشي..
VOCÊ ESTÁ LENDO
افترقنا منذ الصغر
Romanceفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
