#قصة جديدة
#افترقنا-منذ-الصغر
#للكاتبة رقية-ليث
.
.
.
سعيد بعصبية: كللللللة بسبك انت...انت السبب الي وصلها لهاي الحالة قبل متتعرف عليك جان كلشي ما بيها بس من تعرفت عليك صار بيها هيج انت سبب كل مشاكلها
هيثم بعصبية: ما اسمحلك تحجي هيج عل خطيبتي بعدين اني ما سببتلها اي مشكلة وانت مالك دخل بيها....بصفتك شنوووو كاعد تحجي
سعيد ضربته بوكس عل وجهه اريد اطلع نار حبي لنسيم بي
ظلينه نتعارك اني وية و رانيا و اخته يحاولون يفاكوكونة
بعدينق ابوية صاح صوت خلانه نحس عل نفسنه
كعدنه واحد بعيد عن الثاني....
ظلينه ٣ ايام بالمستشفى و نسيم فاقدة الوعي
خوفي كل يوم يزيد اكثر و اكثر
كتلة للدكتور اريد اشوفها بعد مااتحمل
قبل ادخل بس كال لتطول مو زين عل المريضة
دخلت و شفتها نايمة..وجعني گلبي عليها
كعدت يمها ولزمت ايدها و ظليت ابجي عل حالها
ظليت ادعي ربي يكومها بالسلامة
شفت ايدها تحركت رفعت رأسي شفتها كاعدة تفتح عيونها شوية شوية
ابتسمت من شفتها كعدت سمعتها صاحت هيثم بس بتعب
لزمت ايدها و ظليت ابوس بيها ما مصدك واخيرا كعدت
سألتني وين هي و ايدها شبيها؟
كتلها انتي بالمستشفى و ايدج انكسرت لان ضربتج سيارة
شفتها عيونها دمعت وكامت تبجي
هيثم بخوف:شبيج يا بعد روحي ليش تبجين؟
نسيم وهي تبجي: هيثم لتعيفني وحدي...لتعيفني وحدي ما عندي احد غيرك هيثم احبك ومااكدر اعيش بدونك لتتركني
هيثم: حبيبتي ليش تحجين هيج..اكيد ماراح اعيفج ولا مفكر اعيفج
نسيم: يعني احنه هسه مخطوبين...ما نفصخت خطوبتنه
هيثم: لا حياتي لتخافين احنه مخطوبين و انشالله بس تصيرين زينه نتزوج..حياتي بس سؤال ليش طلعتي من بيت اهلي وانتي بهاي الحالة؟؟؟؟؟؟
نسيم: لتذكرني بذاك اليوم...لتذكرني
هيثم: ليش شنوووو صار؟احجيلي
نسيم حجيتله كلشي صار بذاك اليوم و ماضميت علية شيء
هيثم ضحكت من سمعت الي كاعد تحجي: نسيم شكاعدة تكولين انتي؟؟
نسيم: هذا كل الي صار بذاك اليوم واني ما چذبت عليك بشيء
هيثم: يعني انتي بنت خالتي ايمان؟؟
نسيم: مااعرف...مااعرف شيء عنها اصلا ومااعرف اذا جانت امي او لا
هيثم: لازم نتأكد من هذا الشيء...انتي كومي بالسلامة والباقي كلة سهل
نسيم: حاسة امك تعرف السالفة بس متقبل تحجي...هيثم اذا جنت تحبني حاول تعرف منها السالفة
هيثم: ماشي حياتي هسه اعرف السالفة...راح اطلع اصيح الدكتور حتى يفحصج و يشوف حالتج
طلعت و كتلهم نسيم كعدت كلهم فرحوا من سمعوا الخبر صحت الدكتور و اجة فحصها و كال الحمدلله صحتها زينه ما بيها شيء بس ناخذلها شوية فحوصات حتى نشوف اذا راسها متضرر او بي شيء احنه عالجنه بس لازم نتأكد
ردت ادخل اشوفها بس الدكتور ما قبل كال خلوها ترتاح ميصير تضغطون عليها هوواي
كعدت وية امي عل جهه لان ردت اسئلها عل هذا الموضوع
ام هيثم: خيرر يمة هيثم رايد شيء؟؟
هيثم: ليش طردتي نسيم من البيت؟؟
ام هيثم ما عرفت شنو اكلة: سد الموضوع بعدين نسولف الوقت مو مناسب
هيثم: لا يمة هسه اريد اعرف السالفة كلها گلبي ميرتاح اذا مااعرف شنو السالفة؟؟ نسيم شنو علاقتها بخالتي؟
ام هيثم: يعني نسيم حجتلك شنوو صار؟؟
هيثم: ايي حجتلي كلشي..جاوبيني عل سؤالي هسه!
ام هيثم: ابني هاي قصة طويلة مااعتقد هسه الوقت مناسب حتى احجيها
هيثم: يوم ليش كاعدة تلعبين بأعصابي احجيلي السالفة مو راح اموت
ام هيثم: اذا احجيها راح ندمر اول ثنين راح يدمرون انت و نسيم
هيثم: يوم ترة نفذ صبري...شلون يعني السالفة راح تأثر علينه اني و نسيم
ام هيثم: يعني راح تنفصلون
هيثم بعصبية: شنووووو؟؟! لو يجي اكبر واحد هسه مااعيفها لنسيم شكاعد تحجين انتي
ام هيثم: كتلك مو وقتها هسه خليها من نسيم تصير زينه راح تعرفون كلشي(عفته و رحت)
احس نفسي دخت راسي داخ من التفكير..شنو هو الشيء الي راح يخلينه نفترق
شنوو هو الشيء الي ضامته امي من ١٥ سنه
ظليت حاير مااعرف شسوي...ظليت افكر بالسالفة
بعدين اجتي ميسم كعدت يمي
ميسم: لتخاف نسيم راح تكوم بالسلامة..انشالله ما بيها شيء
كاعدة احجي بس احس هيثم مو يمي و مكاعد يرد علية
هيثم شبيك حياتي وين صافن
هيثم وهو يجر حسرة طويلة: والله مااعرف شنو اكلج..احس كلشي مخربط بحياتي
ميسم: ليش شنوو صاير؟؟
هيثم: السالفة مال خالتي خربطت كلشي علية
ميسم: يعني عرفت شنووو صار ذاك اليوم؟
هيثم: ايي عرفت و ياريتني ما عرفت...سالفة ادوخ
ميسم: انشالله خيرر..كلشي واكو الة حل
هيثم: انشالله تنحل بسرعة
نسيم...صاروا ياخذولي فحوصات هواي..
جنت خايفة خاف صار بية شيء مو زين
بس اطمنت من كالت الممرضة لتخافين مجرد فحوصات ما بيج شيء لتخافين
وراها حسيت نفسي دايخة..نمت و ما حسيت عل شيء بعد
كعدت من النوم شفت رانيا و نسيم موجودات بالغرفة
سئلني شلون صرت كتلهن الحمدلله احسن بس ايدي شوية تأذيني
كالن اي هي ايدج اكثر شيء متاذية صارت الضربة عليها
يلة بأيدج ولا شيء ثاني...
كالن اليوم راح تطلعين..لان الاطباء شافوا الفحوصات و كالوا الحمدلله ما بيج شيء...
اجة هيثم شافني و تحمدلي بالسلامة طلع هو و ميسم هم طلعت و رانيا كالت جبتلج ملابس تعاي....
----------
اتمنى تعجبكم^^
♡♡♡♡♡
YOU ARE READING
افترقنا منذ الصغر
Romanceفتاة يتيمة منذ الصغر وهي تعيش في الميتم أمراة مجهولة و صورة مجهولة و فتاة تبحث عن اهلها تغرم بشاب سوف يغير مسار حياتها فلنرى هل ستتغير حياتها الى الاحسن ام الاسوء؟؟
