TPOGWD Series 7: ROSEDE H. GRACIANO byCallmeAngge(COMPLETED)

Chapter 2

Mariin na inapakan ni Vincent ang selinyador ng kotse na minamaneho niya dahil sa taas ng bugso ng galit na nararamdaman niya. Balot siya ng galit at dismaya habang nagmamaneho sa gitna ng daan ng mga oras na iyun ay malakas din ang buhos ng ulan. Hindi niya inaasahan na magagawa siyang traydurin ng kaibigan niya at paglaruan ng babae na tinuturing niyang espesyal sa puso niya. Si Samantha,his childhood friend na kailan lang ay sinubukan nilang lagpasan ang pagkakaibigan nila pero pasamantala lang dahiL nalaman niyang pinagsasabay pala sila ng kaibigan niya at ang gago niyang kaibigan walang sinasabi sa kanya!

Marahil naging abala siya sa pagmamanage niya sa pag-aaari niyang Hotel & Restaurant at sa iba pang branch kung kaya wala siyang kamalay-malay sa nangyayari hanggang sa mahuli na lamang niya ang mga ito!

Muli nagpuyos sa galit ang dibdib ni Vincent ng maalala ang mga ito hanggang sa namalayan na lamang niya wala na sa control ang pagmamaneho niya hanggang mahuli na ang lahat. Namalayan na lamang niya na namamanhid sa sakit ang buo niyang katawan lalo na ang bandang ibabang bahagi ng katawan niya na alam niyang lubhang nasaktan mula sa pagkakaipit niyun. Malakas na bumangga siya sa isang malaking poste. Isang aksidente na nagpabago sa buhay niya.

Kasulukuyan,pawisan at panay ang biling ni Vincent sa kinahihigaan nito habang napapanaginipan ang bangungot na yun.

Malakas na bumukas ang pintuan at puno ng pag-aalala na ginising ng isang ginang ang binata.