Just If (What If It's Love, Published Under Summit Media)

Chapter Twenty One

TWENTY ONE

 Copyright © Marco Jose (SiMarcoJoseAko)

Kinabahan ako sa biglaang tanong sa akin ni Din. Hindi ko alam ang dapat kong isagot at tila ba napipe ako dahil sa tanong na 'yon. Maraming bagay ang pumasok sa isipan ko pero lubos na nangingibabaw doon si Axcel.

Mahal ko nga ba talaga si Axcel?

Sa loob ng mahabang panahon nakilala ko na si Axcel dahil sabay halos kaming lumaki. Alam ko na ang takbo nang isipan n'ya at alam ko na lahat ng mga galawan n'ya. Tanggap ko kung sino siya at wala akong pakielam sa mga imperfections n'ya dahil siya lang ang mahalaga sa akin. Yes, he's a jerk, asshole or else. But despite of those imperfections, I'll still accept him no matter what. Dahil mahalaga siya sa akin at dahil—I shook my head. Damn this, I don't know the answer!

Biglang nagsalita si Din kaya naputol ang pag-iisip ko tungkol kay Axcel.

"You don't need to answer it, Heena. I already knew the answer. It is written all over your face." Seryoso at diretsong sabi ni Din. Nakatingin lang siya sa akin sa may rear view mirror. Katabi n'ya sa may driver's seat si Felice at ako naman sa may likuran.

Nag-usap na lang sila ni Felice at ako naman ay hindi pa rin mapakali. Nasa mall din silang dalawa at hinihiling ko sana ay hindi kami magkita-kita dahil paniguradong magkakagulo. Pero lahat ng 'yon ay nabalewala nang mismong pagka-park naming ng sasakyan ay naroroon din ang BMW ni Axcel.

"Axcel's here?" Agad na tanong ni Travis pagkababa nito sa sasakyan niya. Katabi n'ya ngayon si Jeorge na nakakunot-noo lang.

Lumipad naman ang kanilang mga mata sa direksyon ko at tila ba naghihintay ng kasagutan sa tanong ni Jeorge.

"H—Hindi ko alam na nandito siya." Nauutal kong sagot. Pero duda akong paniniwalaan nila iyon. Tanda nila ang sasakyan ni Axcel pati na rin ang plate number nito.

"Let's go, don't mind him." Mariing sabi ni Symon at nauna nang pumasok sa entrada ng mall. Sinabayan naman siya ni Xander na panay ang mura kay Travis dahil sa gutom na ito.

Wala nang nagsalita sa amin kaya pumasok na kami sa loob ng mall. Ala-sais y media na ng gabi kaya paniguradong dito na kami mag-didinner. Pare-pareho na rin kasi kaming mga gutom.

"Ano? Manonood ba tayo ng movie ngayon?" Tanong ni Felice sa amin. Nagkibit-balikat lang ako. Ayos lang naman sa akin kung manonood o hindi.

"Nandito na raw si Rissa sa mall." Saad ni Xander habang nakatingin sa cellphone nito na tila ba may binabasa.

"Pasunurin mo na lang dito at kakain muna tayo bago manood ng sine. Kanina pa kami nagugutom." Sabi ni Din. Tumango lamang si Xander at agad na tinawagan si Rissa.

"May balak ka bang bilhin?" Bigla akong napalingon kay Felice na ngayon ay tinatanong ako.

"Baka makahanap ako ng ireregalo kay Axcel at Aivan dito." Sagot ko naman sa kanya.

"Tang ina mo, Ravis! Dumating lang 'yang si Jeorge, nag-iinarte ka na!" Napalingon naman kami kay Xander na minumura si Travis. Gusto kasing masolo ni Travis si Jeorge pero ayaw pumayag ni Din kaya nainis na si Xander.

"Mag-behave ka nga lang kasi." Sabi naman ni Jeorge kay Travis na nagpakalma dito.

"Oh, ayan na pala si Rissa. Tara na! Kanina pa ako nagugutom." Sabi naman agad ni Xander pagkakita kay Rissa. Kasama nito ngayon si Alex.

"Oh? Bakit kasama ka?" Tanong naman agad ni Travis kay Alex pagkalapit nila. Agad namang lumapit si Rissa kay Jeorge at nakipagbeso-beso at nagkamustahan na rin.