رواية : نَفسـي عَـزِيـزة مَـن جَفانـي جَفِّـيته لـو صَـعب عَلـى القَلـب فَرقـاه

11

تنهدت بصبر .. هذي أولتها ما كنت ابي اسوي كذا بس ..
جبرتني اجل انا بنت فقر اووووف ..
مشيت و انــا رافعة راسي
مستحيل اوطيه بسبب هالاشكال
كله بسببك ي فهد كله بسببك .. تحسبني معرف وش تبي..
هه لو حجت البقرة على قرونها ..
طالعت للسماء الله يرحمك يبه
ما ألومك يوم هربت من هالعايلة الـ .. استغفرت ربي قبل لا اسب
مهما كان باسمي
تحت اسمهم اووووف ..
يا شقاي بحياتي وراي مشوار طوييييل
و ابي اضمن كل شي ..
بتشوف ي فهـد ان قدرت تأخذ شي من الورث بنشوف من يغلب الثاني ..

~~

كيــان..

طلعت من الحمام الله يكرمكم و باقي ليانووه بالحمام الثاني
هذا لو ولادة هههه ..
جففت شعري و خليته كذا طلعت للصالة
و ما لقيت خلود وين طست هاذي ..
حسيت بجوع و مسكت بطني من كثر ما قرقر علي لعنه ..
صار لي من الفطور ما كليت حتى خفايف منى خذيت بس حبه ..
اووف طفشت
و انا انتظر ليان و قررت بعد مشاورات عديدة ان اطس تحت ..

والله اني مقتدية بالنبي عليه الصلاة و السلام
شوفوا كيف  اعمل بالشورى و كذا ..
استغفرالله انا وش اقول
طلعت من الغرفة و شفت الخدامات
يمشون سردادي مردادي..

وش سالفة جدي مع هالخدامات جايب جيش
و يا ليت ننادي الكل ننادي وحده و أكثرهم سعاد و داليا و ليلى
اوف صح توني انتبه مو داليا اسمها نفس اسم داليا زوجة خالد ولد عمي خلف
ههه وش جاب القمر لذيك اقسم بالله داليا هاذي
توجنن على قولت روان

.. الا على طاري خالد ذا صدق وش في ابوه عمي خلف ذا نفسيه بااااارد مره
من زينك عاد جيت باسولف معه قبل اسبوع  يوم جاء لجدي
و سحب علي
يعني انا اللي ميته عليك وع
يا زين عمي سلطعون  "سلطان"و عمي حمود "محمد" و عمي نسر "صقر و عمي نصوص "ناصر" عسل مره
<<واضح من ألاسماء ..

يوووه ما كأني طولت بالتفكير وعيت على نفسي و انا بداخل مجلس الحريم و منى تناديني : هلا مناوي
منى بقهر : كيان كم صار لي ادعيك !

قلت لها بضحكة: اسفه سرحت شوي
و حسام جالس جنبها
وش فيه ذا لاصق فيها بعدته
و جلست بينهم و انا اقول له: دونت احتكاك حساموه روح لجدتك هاذي ام براطم
صفقتني منى براسي : عيب تقولين كذا و حسام بكيفه يقعد

قلت بالم ذي يد ولا مطرقة : مناوي ما قلت الا الصدق طالعي بس

قال لي حسام : هييي والله اقول لجدتي

طالعته وش عنده ذا البزر اللصقه : انقلع و انت ساكت!
و ضميت منى فقدتها خذاها ذا البزر حسبي الله مع اني راحمته عشان امه خله مدري مخلل << خولة