رواية : نَفسـي عَـزِيـزة مَـن جَفانـي جَفِّـيته لـو صَـعب عَلـى القَلـب فَرقـاه

28

بطريقة ما اقتنع الجد بسالفتهم و تغاضى عنها بسبب وجود احمد
اتصل راكان على روابي اللي ردت بابتسامه: هلا
رد بهدوء:(.. روابي ريماس وينها؟)
استغربت روابي نبرته و قالت: ما ادري طلعت وقت الغداء فوق و ناديناها و ماردت ولا عاد نزلت
رد راكان :( تكفين دوري لها ابيها ضروري)
استغربت و قالت: راكان تستهبل؟ كيف اقول لها انك تبيها؟
رد بهدوء:( انتي بس شوفي اذا هي موجوده او لا و انا بتصرف
ردت : اوك خل اشوف و ارد لك
طلعت روابي مع الدرج وهي مستغربه منه
ليش ما يدق على امه او على ريماس؟
ما اهتمت و اتجهت لغرفة ريماس و ريناد
دقت الباب بهدوء و سمعت صوت من وراه: هلا
قالت بصوت مرتفع شوي: ريناد وين ريماس؟
فتحت ريناد الباب و طالعت بروابي بهدوء و قالت: ريماس رجعت الرياض .. وش تبين فيها؟
استغربت روابي بس رجعت تقول: لا بس امها سألت عنها و قالت لي اروح اشوفها لانها كانت قلقانه عليها
ردت ريناد بعد صمت: قولي لها ان ريماس بالغرفه ما ترد
و سكرت الباب
روابي استغربت و شكت بالوضع شوي بس ما علقت
و هي وش دخلها فيهم هي بشموخ ولا بريماس و راكان
تنهدت و رجعت دقت على راكان اللي كان منتظر مكالمتها
: راكان تقول ريناد انها رجعت الرياض.. صاير شيء؟؟
قال راكان بسرعه: (لا لا بس كنت ابيها خلاص بكلمك بعدين...)
قفل منها و رجع لريان اللي كان جالس مهموم و متكي على سيارته
ريان ناظر لراكان اللي جاء جهته و قال: ريماس رجعت للرياض يا ريان..!
ريان اتسعت عيونه: وش قوة الوجه ذي؟ تحسب انها بتهرب كذا؟
راكان قال وهو يهديه: وش نسوي عاد .. انت تعرف ان ما بيدنا شي حتى لو مسكناها ابوي ما بيخلينا نقول لها شيء او نتعرض لها حتى لو انها غلطانه ميه بالميه!
و كمل بهدوء: و  ابوي عنده الضغط ولا هو ناقص يكفي سالفة رياض و بعد ما انتهى كل شيء ترجع ريماس؟ ما نبي ابوي يتأثر اكثر.. انا اقول نقعد الى بكره و نطلع كلنا و بنواجهها ولا اننا نخلي ابوي يشك بالوضع اذا اختفينا كلنا فجأه
ريان تنهد و قال: والله انك صادق.. بس اخاف تروح مكان  ولا تهرب..
رد راكان : انت تعرف ان ريماس مستحيل تروح مكان هي ما تعرف شلون تتصرف بدوننا فكيف انها تتصرف لحالها؟ وهي ما تبي تفضح نفسها اصلاً

....

طلع الاعمام و كان احمد و الجد جالسين لحالهم
التفت الجد باتجاه احمد و قال: احمد يا ولدي
رد احمد بسرعه: سم يا عم
ابتسم له الجد و قال: سم الله عدوك بس بغيت اقول لك شيء..
كمل الجد بهدوء: انت تدري انك كانك واحد من اولادي يا احمد و انك ولد الغالي الله يرحمه و يغفر له و بغيتك دايم حولي
رد احمد : امين الله يرحمه معليك يا عم يقعد ازورك دايم ..
قال الجد : لا يا احمد انا قصدي شيء ثاني انا اعزك يا ولدي و بغيتك تأخذ وحده من بنات ولدي والله ما قلته الا من معزتك و انت تدري ان المثل يقول" اخطب لبنتك ولا تخطب لابنك" و طبعًا الشيء ذا راجع لك ولا بضغط عليك فيه
احمد انصدم من كلام الجد ولا توقعه و اول ما طرى على باله البنت اللي دخلت جناحه بالغلط و صدم فيها بالممر
صحى من خياله على صوت الجد: مثل ما قلت لك ترى ما بضغط عليك خذ راحتك و فكر
اومئ احمد و قال: تسلم يا عم تمام برد لك