قسوة عاشق

الجزء السادس والاربعين

اما ريم.....فكانت فبيت جداتها متكية حداها وكتبوسليها رااسها : حبيبتي ورووحي توحشتك
الجدة يزا وعينيها داخلين ووجها مكمش عينيها زوورق وواشمة فذقنها وبين حجباانها مراا ديال زماان شحال كافحات هي والحاج محمد تزوجو عن طريق حب تقليدي  ولكن فلخر رباات معاه زوج دالوليدات سلطان وناايف....سلطاان ليكاان هو الحنيين  فيها يعااونها ويعااون بااه عكس ناايف ليكاان مشااكس وشخصيتو قوية مكرضااش كبراات عائلة اردووغان وقدرو يكتبو اسمهوم فعالم البزنس...بداو بأسهم قلاال وفلخر قدرو يحققو نجاحاات وشركات لاتعد ولا تحصى

صدمة موت ولاادها قوية وقوية بززاف صدمااتهاهي والجد لدرجة انه هو مات بسكتة قلبي.....صعيب انه ولاادك ليهوما السند دياالك يمووتو صعيبة بززاف انك تشووف ولادك مشااو قبل منك....وديجا قلبو ضعييف ماات ضعيف ودغيا استسلم....اما الجدة ايه يا يززافين ياامات تكااشط والذهوبات بلا حسااب طااحت فنهاار وليلة ولات مشللة فيها غي الفم.....وصدمة يااقوت كثاار.....

نرجعو لقصة....شافت فيها وضحكاات بتعب: هاي هاي معدرك ياجنية سولتي فيا خليتيني مليووحة مع الخدامات ماعرفتكوم فين زدتو
باستليها كف يديها : كنت مريضة اجدة داوني لطبيب
تخلعاات والخوف بان فوجها: طبييب شنوو عندك ولااش ماعلمتونيش
ريم ضحكاات: ماتخاافيش اجدة.....عرفتي تعرفت على واحد شااب كوميسير زوين وحرش باينة فييه كايبغيني وقريب غاايطلب يدي
الجدة : هاي هاي على البوالة كبرتي ووليتي تعرفي الحب....

نرجعو لسيف ليعنق سلمى.....وعينيه مدمعين يالله رجعاات ليه ماايمكنش يخليها تفلت من بين يديه.....رعد شاف فيااقوت ليحاانية رااسها ووجها متورم بالبكا : كااين حل
بزوج شافو فيه : شكون ليمتكلف بهاذ القضية
سيف: سفياان كنااني
ضحك جنب : عطيني سااعة غاتخرجي
سلمى حلاات فمها: هاا
رعد شاف فيااقوت وهزليها يديها وبااسها: معاك آردوغان امراات خويا العزيزة

سيف ابتسم بامتناان نساا شكوون هوما ونساا الفلوس شنو يقدروو يديرو....شاف فسلمى ليشافت فيهوم : ولكن انا راه قتلتو

ياقوت هزاات عبنيها ليعاامرين حقد: نتي راااك انتقمتي اهئ اهئ لبابا اهئ اهئ اهئ
سلمى تنهداات ومسحاات دموعها  :حتى عمي سلطاان  وجدو (تنهداات) مات بالقلب
زادت فصوت بكااها وخشاات فرعد ليكرز على سنانو وطفا المكالمة مكيستحملش دموعها فزكاات ليه صدرو تابدات كترخى ووقفات بزربة: مااخصنيش نبكي حيث هوما كيشووفوني.....الله يرحمهوم رعد وقف حداها وجرها من خصرها بزوج يدين وكيشوف فعينيها....باسليها لولة وبااس تانية وشاافيها: مكنستحملش دمووعك ايااقوت....هذااك مااضي خصنا نعيشو الحاضر تعلاات وداارت يديها مور عنقو: خصنا نمشيو لعند ماما وجدة توحشتهووم بززاف

ابتسم وجرها :زيدي نشبع من ولدي ونتي كلمة زوج طيحي
دلات شناايفها وجرها منهوم بداو كيضحكو وخرجو مشااو لبيت ليحدااهوم حلووه بانتليهوم الخدامة كتلعب مع مصعب وهوكيفركل وقفاات بزربة ودارليها رعد بيديه حركة باش تخرج......مشات يااقوت هزااتو كتبووس فيه : ولديي تووحشتك حبيب ماماه توحشتيني نتا
: غغررر ما مه مهه ماا مهما ما
ضحكاات وعنقااتو شافت جيهة رعد ليمتوتر : اجي مصعب هاابابا
بدا رعد كيقرب عطاتووليه وهزو قربو ليه وعنقوو احسااس شحاال زوين احسااس الابوة وحب كيحس بواحد الاحسااس عمرو حس بييه بااسو فحنكووو وبدا مصعب كيفركل عجبوو  الحاال بززاف وهو كيحس بوولدو كلمة ولديشحاال زوينة  بدا كيلعب بيه ومصعب كيضحك ويفركل كيهزو تالفوق ويعاود يرميه ويااقوت كضحك.....

بقاو شوية مع ولدهووم.....طلعاات ليهوم الخدامة الفطور فطرو وشربووه البيبغوون ووكلووه شوية دبطاطة والفرماج......خرج هو البالكون وجبد تيلي دوز نمرة وبقا كيتسناا مكااملاش عشرين تانية جاوبو: اهلا سي اردوغان
رعد كيحك ذقنو بطريقة مثيرة: سي الإيسماعيلي
بدا كيترعد : غي الاسمااعيلي بلااش سي
رعد ضحك شي ليخلا العميد يزيد يتخلع: بغيت منك واحد البليزير
الايسماعيلي بدا لون كيرجع لوجهو: اله اودي خيرك ساابق ومغرقنا
رعد: المحقق سفياان ليفسنطراال دسلا
الايسمااعيلي كيفكر  : اه عرفتو يكماا ارتكب شيغلط اسيدي
رعد: تكلف بملف مراات خوويا ونتا عاارف....بلا مانكمل ليك
الايسمااعيلي جبهتو عرقاات: سلمى اردوغان ليقتلات صقر العلوي.....صعيبة شوية
رعد: نفهم منك انك رفضتي طلبي
الايسمااعيلي كان غايطيح بالخلعة : حااشا حااشا مووسيو دباا تسد القضية......

قطع علييه......اما سيف فكاان مقابل مع سفيان: غاتندم
سفيان ضحك بالجهد: وااش غيليمساالي لقبو يجي عندي القضية ماغاتدش مرتك قتااالة وخصها تعااقب
سمع صووت الفيكس  دالمكتب جااوب : الو
العميد: معاك العميد  سمير الايسماعيلي
وقف بحال لاكايشووف فين وتدارك الموقف عاود كلس : نعام اشاف يكما درت شيحاجة ماشي هي هاذيك
العميد: دبا قضية سلمى اردووغان تسد ديرها باسم مجهول وغبر الملف وشووف قضية الجرائد والمجلاات.....راه لامادرتيش هااذشي ليقتليك يغبرو لينا الشقف
سفياان وجهو تحقن بالدم: ولكن هاذي خدمتنا
العميد: مكااين بو ولكن كترد عليا الهضرةة دبااا تخررج دباا
سفيان تنهد وقطع تيلي خلااه كيتحلف عليه خنزر فسيف:  وشااف فالبوليسي ليواقف حداه: جيبلي مدام سلمى
سيف دوز يدو على ذقنو كيفقص. فيه.......وقداامو ساارة ليمافاهمة واالو.......دازو بعض الدقاائق ودخلات غيشافت مها طارت عليها كتعنق وتبووس عاماين ماشي سااهلة.......سفياان تنهد وسد القضية طوا الملف على زوج وقطعو وعطاه لشرطي يحرقوو....

اما اسر....فكان فالكار ساهي كيخمم فحيااتو وشنو غايوقع......غايعتاامد على رااسو........غاينسى شيحاجة سميتها التكااسل.......وقف الكار فمحطة دفاس وركبو بعض الركااب سمع اسمو وضاار وهو يتصدم.....يتبع