شهقاات ملي شافتو ناعس وحممر مغطي نص فيه وصدرو عريان وكيهتهت بكلام غير مفهوم وكيترعد غيبوحدو وضو القمرة ضارب فيه.....لوحة فنية مرسوومة......مشات بزربة لعندو كلسات حداه وهي كتترعد ماعرفات منين تبدا: رعد رعد فييق هانا معاك
رعد كيحل عينو ويسدهوم وصوتو مخنوق : نتي غاتخليني بحالهوم بحالهوم
نتي بحالهوم....
مافهماتوش علامن كيهضر : رجووع الله ارعد ماتخلعنيش (ملامح وجها متعبين وعينيها مغرغرين كمشات فمها كتحبس البكية اول مرة تشوفو هكا: رعد اهئ اهئ فيييق اهئ
كيحاول يهز يدو يمسحليها دموع ووالو فشلان: ما ماتبكيش
ياقوت بدات كتشهق تنفضات من بلاصتها فاش شافت عينيه مقلوبين وكيتسدو والعرق كيصب منو.....بدات كتضربليه فوجهو وهي غاتموت بالبكا هزات كاس دالما حداها رشاات منو شوية عليه ووالو...عبطات لتحت بالحفا وشعرها كيلعب موراها.....دخلات لاكويزين هزات طاسة عمراتها بالما وفوطات صغار وثلج....طالعة ومع ماعندهاش سوفل عيات فنص دروج تاهي مزاال عيانة ولكن ماشي مشكل....طلعات لعندو دخلات لبيتو عاد لاحظات بلي راه مالابس التحت والو ولا الفوق والو.....قبل بدات كتحطليه الفوطات الصغار على جبينو وكل مرة تبدل فيهوم تابدات حرارتو كتنزل تدريجيا......ابتسمات براحة فاش حسات بيه رتاح ونعس تكات على كرشو ترتاح شوية ودااها نعاس
اصبحنا واصبح الملك لله.....فايق ناشط ملي هضراات معاه وعرفها بيخير داز لبيت اسر باليه مكرشخ بالنعاس ضحك عليه وصورو وهز مصعب ليكان فايق داه دوشليه لبسليه مزيان وخرج بانليه اسر فايق خاسر شعرو زعر طايح على عينيه ليكيشبهو للون شجر الفاتح......وملامحو رجوولية ليباينة راه شريف عندو واحد وعشرين عام بلا فورمتو ليمقادة خصو غيتريني ويولي كيالغول درعد هههه.....بخلاصة القول وسيم بمعنى الكلمة.....شافيه وغمزو: شفتك فاش صورتيني
حمزة ضحك: اودي ناعس وماناعسش
ضحكليه وحمزة بغا يضور وهو يسمعو : حمزة غانكمل قرايتي
حمزة ضار عندو وهو متفاجأ وعلامات دهشة على وجهو بدا كيضحك: نكتة زوينة زيد شيوحدة معاك
وقف الضحك فاش شافو كيهضر وملامح الجدية على وجهو: بغيتي دخل لافاك
شافيه وخسر ملامح وجهو: نتا عارفني خديت الباك ب17.56 وبامكاني ندخل لاي مدرسة نتقبل فيها
تنهد : ونتا شنو باغي تبع.....كنتي كتقرا ادارة الاعمال
اسر ابتسم بحزن: اه كنت باغي نولي تانا ميلياردير وكولشي يضربلي حسااب وشركاات والفلووس ومزاال باغي نولي وغانولي حسن منو وغانقرا فواحد المدرسة زوينة بززاف فسلا
خرج فيه عينيه: سلاا واش منيتك
شافيه: اه غانرجع لمدينتي ولدارنا ولحياتي القديمة ماغانبقاش اسر ليكنت غانتبدل وغاتشوف على عينيك
ابستم: عجبني الاصرار ديالك والعزيمة تاعك وانا ماعليا غينخلص ليك....
ماخلاهش يكمل : لا لا قتليك غانتبدل غانخدم وغانقرا ومستقبلي غانضمنو
ابتسمليه : وفوقاش غاتمشي
تنهد: نتا عارف بلي القراية غاتبدا هاذ الاثنين.....وخصني نمشي وفنفس الوقت مصعب
حمزة: مصعب غانبقا نديه معايا ماسمعتيش ياقوت البارح....هي غاتعاود لرعد على ولدو.....خصك غينتا تكون راجل والراجل
اسر : هو كلمتو
عند سيف......ليكان كيشوف فمو ركبات فطيارة هي وولدو امير ومشاو...تفكرات بلي ريم بقات بوحدها ماعرفش كيفاش نساوها مي مع تلفة ماعقلو على والو تفكر سلمى فاش عنقاتو قلبو بدا كيدق بجهد تفكر بكاءها وابتساامتها كانت عندو وبين يديه هو ماقدرش يساامحها وشغل راسو بياقوت ابستم لغبائو ياقوت شكوون هي ياقوت؟؟ ماعارفش علاش ماقادرش يكرها حاس بيها غالطة ولكن برائتها ماتخليهاش تدير هكاك......عارف خوه كيبغيها وهي نفسو لذلك اختار مايضايقوش....حس بيدين سارة شدو فيه: يالله اولدي نمشيو الله يرضي عليك
ابتسم ليها وزادو سامحاتو على الماضي.....نقدرو نقولو كتحاول تناساه حيث ماعندها حد غيرو توقف عليه...ركبو فلوطو وتوجهو لمركز الشرطة دخلو وكايبانوليهوم الصحافة بداو كيصورو ويسولو شي أسئلة مثلا علاش نتوما هنا...واش بصح رجعات سلمى اردوغان.....واش مسيو صقر العلوي تقتل على يد سلمى اردوغان وشنو هي العلاقة ليبيناتهوم......
فاق رعد هو الاول وكيحس بشي حاجة تحتو....
يتبع
قريبة نهاية دقصتنا ولكن بداية لقصة اسر و(؟) كيفاش غاتكوون قصتهوم وشنو هو مجرااها خليوها مفاجأة غاتعجبكوم
YOU ARE READING
قسوة عاشق
Adventureتعذيب جنسي....هوس......اغتصابات يومية.......طفولة ضائعة...تشرد الكل في قصة قسوة عاشق بالدارجة المغربية
