قسوة عاشق

الجزء الثامن

طلعات سلمى لبيتها وكل واحد وفين تشغل......طلعات ياقوت لبيت بمساعدة الخدامة.....دخلات وماحققاتش فديكور الانوثي ولا ااغرفة ليلحلم ديال كل بنت تكات فوق سرير وعنقات مخذة وكتكلم فنفسها : كانو غايكونو عندي توأم......كنت غانتعرف على عائلتي فوضع احسن وضروف زوينة....كنت غانحاول نبدل صخر مور الولادة ديالي وغايبدا يحن فيا....كنت غانبزز على راسي حبو ونحاول نبادلو نفس الاحساس....حياتي ولات زوينة ولكن تخربقات ابتداءا من ذيك ليلة....علاش اصخر اغتصبتني.....كاعما كنت غانهرب ولا كنتي غاتبعني كاعما كنت غانفقد بنتي...كاعما كنت غانتشرد...علاش اصخر حرمتيني من فرحتي(زيرات على كرشها والدموع فعينيها) كنت غانكون ام.....كنت غانكون ربة بيت كنت غانسامحك على كولشي علاش تسرعتي اصخر......

بدات كتبكي بصمت وهي كتخيل شكلها مع وليداتها كتزيد تزير على كرشها بضفارها حتى جرحات راسها......بلا ماتحس غمضات عينيها وهي كاتحس براسها ماشي بيخير ندمات لاش هربات وندمات حيث تسرعات

عند الدراري ليخرجو ومشاو لشركة درعد الجديدة بدا كيخدم وسيف كالس حتى سالا وكل واحد فاش ساهي تكلم رعد بهدوء مخيف: سيف علاش تحملتي غلطة ماشي ديالك وولد ماشي من صلبك
سيف بصدمة: منين عرفتي هاذشي...بديتي كتخلعني
رعد : انا ماشي مكلخ......انا عارف بلي كنتي مصاحب مع سلمى وناوي الحلال ولكن غضراتك مع صاحبك وعارف بلي هي طلباتك تسترها حيث كانت حاملة منو
سيف جبد كارو كيكمي ويتذكر فاش وصلو ميساج حلو ولقا تصاور ديال سلمى عريانة وفبززاف دالبوزات دسيكس ومعاها صاحبو عشيرو عرفتو شكون؟؟؟

كان تعرف على ذاك الدري رغم انهو كان كبير على سيف باعوام.....كانو معاشرين وصاحبو كيعاود ليه على خوه ومراتو....تصاحب سيف مع سلمى حيث كان حاط عليها العين رغم انها ماشي زوينة ولكن كان كيحسبها بريئة ومستحيل تغضرو.....عرفها على صاحبو وبقاو كيتلاقاو بثلاتة حتى لنهار ليعرف اسمو الكامل(صقر العلوي) واجهو وتعايرو وتضاربو حيث بين واليديهوم عداوة كبيرة.....وهنا صقر بغا يرد الصرف واستخدم سلمى كوسيلة......بقا كيغويها وبفلوسو طمعها وهي كي البهلة خدا شرفها وصورها وسيفطهوم لسيف.....هنا سيف صعر عارفو كيبغيها ضربها وشمتها وهي كطلبو باش مايفرشهاش داز الوقت وحملات فاش قالتها لصقر رفض الفكرة غير مقتنع بولدو.....وهي وحلات ومشات كطلب وترغب فسيف وشغايدير كتبقا بنت عمو شرفو من شرفها وسمعتو من سمعتها تزوجها وبعد شهر علنو حملها  وقالو بلي ولدا ليكانت ت بكري باش يغطيو شوهتها هو وسارة سارة كتسمع لكولشي صخفات ومرضات بسباب بنتها وفالاخير شنو دير كتبقا بنتها

في مكان اخر بعيد شويا بالضبط في فرنسا العاصمة باريس.... كالس قفازي وحاط يديه على تراب القبر باقي جديد....كيتكلم بحدة : نتا اناني نتا مكتسوااش انا كنكرهك نتا جبان دغيا استسلمتي للموت هااا كولشي بسبابها كنت كنعتابرها ختي وكنحامي عليها منك  وفتالي تكون سبب موت الاخ ديالي كنواعدك غانتاقم غي صبر عليا شويا سمعتي غي شويا نكمل شي صفقات وغاناخذ ثأرك اخويا كاع ماغانخليك ضيع هباءا

سليمة من لور كتمسح دموعها : صقر.....انا بغيتها تشرد انا بغيت عائلتها تنكرها بغيتها تجرب.....شنو دارليها ولدي ياك بغاها من قلبو كان كيفضلها علينا حنا ليعائلتو وفتالي هرباتليه ولقات عائلتها وهو هو يموت ولدي انا يموت مصعور....ايلا مانتاقمتيش منها ما انا مك مانتا ولدي
صقر بجدية واضحة : الواليدة.....كنواعدك غانتاقم غي صبري عليا غانتاقم منها عندي خطة غانخليها قحبة بين يدين الشمكارة ديال الزنقة غاسايني الواليدة مابقا والو عندي شي تصاور غاينفعوني مزيان
كانت فبالو فكرة شيطانية ضحيتها ياقوت وليغايعاونو غايكون فرد من عائلتها سيف ولا سلمى غايهدهوم بتصاورها ليمزالين عندو.....

وصل وقت الغداء وطلعات سارة لعند ياقوت لقاتها ناعسة بقات فيها باستها فحنكها وبدات كتفيق فيها بهدوء: حبيبتي ياقوتة ديالي فيقي احبيبة تغداي
فاقت كتحك عينيها كلسات وشافت فسارة عنقاتها وباستها فحنكها عاوناتها دوشات وشعرها نشفاتوليها غي بفوطة بقا مبلول على طولتو.....لبساتليها بيجامة عبارة عن شورط فوق ركبة وتيشورط ديالو ايكسا وسندالة تصبع وهبطاتها فرحانة بيها ضور ضور وتبوسها دخلو لصالة وكانو غي الدراري اما الرجال فبقاو فالشركة....كلساتها مقابلة مع سيف ورعد حداها سيف كيشوف فيها شحال زوينة بلا ماكياج كتهبل تمنا كون كان فبلاصة صخر زير على يديه تابياضت...اما رعد فهز فيها عينيه كانت غي كتلعب بالفورشيط وحانية راسها هضر بشوية : ماغاتاكليش

شافت فيه عن قرب كيبانو ملامحو....كيحمل جميع مقاييس الرجولة والوسامة ماحسات غي بيديه حيداتليها الفورشيط وبدا كيوكلها تحت نظرات الاستغراب ديال الكل بالاخص سديم ليغاطرطق......حتى شداتليه يديه زعما شبعات هو مسحليها فمها بطرف صبعو ومصو وهبط راسو كياكل.....هاذ الحركات صدمو البقية عرفوه سخن وسارة بدات غاكاضور فعينيها شافت سديم كتسرط البكية بقات فيها.....تاهي بنتها ولكن المشكل فيها هي ليختارتو

سيف بقا كيشوف فخوه بنظرات غيرة بحال لاقاصليه شي حاجة ديالو ياقوت ماهتماتش حدها شافت فسلمى وابتسمت حتى سلمى بادلاتها الابتسامة بلا ماتحس ياقوت بقات كتشوف فأمير ليكيرضع البيبغون شافت فيها

سلمى : تهزيه
ياقوت بسرعة كدير براسها اه وقفات وقربات ليها تا سلمى وقفات حطاتوليها بين يديها ياقوت فرحات بززاف باستو فوجهو وتاهو بدا كيضحك مشات كلسات فصالون ربعات رجليها وكتلعب معاه فرحانة بيه

سارة شافت فسلمى : شكرا
سلمى باستغرااب: بوغكوا
سارة : حيث فرحتيها
سديم كتشوف فسلمى : ياك ماكنتيش حاملاها
سلمى : يدلت رأيي كتبقا ختي صغيرة ومادارتلي تاحاجة
سديم ضورات راسها جيهة رعد بانليها وقف ومشا كلس حدا ياقوت وحتى سيف نفس شي.......

شافت فسمية : خالتي شوفي كيف تبعوها
سمية : عادي ابنتي بحال ختهوم

عند ياقوت ليكالسة وكتلعب معاه وقادمها دراري مقابلين معاها كيناقشو مواضيع على الخدمة... وبين يديها أمير كيضحك كتبوسو ففمو ويبدا كيفرنس

سيف : اييه فرنس اسي نتا ليجات معاك
رعد نغزو وعطاه نظرة حادة يتبع