قسوة عاشق

الجزء السابع والثلاتين

عيات وسوفل والو قلبها كيضرها والحريق كيبدا يجهاد ويمشي هاذي شي عام وهو كيعكرها مي مؤخرا بززاف بلا عنقها ليغيكتحرك كيضرها....مكانتش باغا تگولها لحمزة تشطنو يكفي خدمتو ليصعيبة ويكفي شنو كيدير على قبلها..ماخلاات ولدها عندهوم تاعرفاتهوم قاادين عليه..طلعها لبيتها دخلها وبدليها ليها بيجامة كانت الفيلا مجهزة بكلشي الماكلة وثلاجة عامرة الويفي والحوايج باش غايقضيو......من بعد مالبسليها بيجامة خرج وخلاها ترتاح.....اشمن غاترتااح وولدها بعيد عليها ولفاتو هاذ الشهر.....بقاعند حمزة.....ليغايحماق بتقلااب  حتى عيا وشد طريق لطنجة.... وعينيه مغرغرين ومرة مرة كتنزل ليه دمعة ويمسحها بنترة......: باينة غاتكون وقعاتليها شيحاجة حتى مابانتش ياربي نلقااوها يااربي

عند سيف ليبعدما سمع هضرة سلمى عرفها وقعااتليها شيحاجة خايبة ليخلااتها تولي هكا بحال شي حمقة هي حمااقت ميهو كيقنع راسو بلي ماحماقتش كيحاول يقنع راسو بلي ماشي هي ليقتلااتو بلي مااشي هي ليغادخل الحبس  فهم تسطى.....حط يدو على وجها جامعو بين يديه وهي كترعد بدات كتبكي بالجهد كثر من لول بغا يعنقها وهو يشوف يدين تطاولو من فوق راسو جراتها من دراعها بقوة شيليخلاها تاوه بشوية كان ذاك المحقق ليغوت عليها صباح جارها بالجهد وقفات سارة بزربة وتبعااتها كتجري حتى طاحت وكتغوت: اهئ بنتيي عااايشةة بنتييي سلمممى اهئ اهئ اهئ شنو درتي اهئ اهئ
تنتراات منو بزربة ومشات جيهتها كتبكي وطاحت حداها معنقاها: ماما اهئ اهئسارة وليت مجرمة اهئ قتاااالة اماما قتتاالة اهئ ضععت شوووفي (بعدات عليها ووقفات كتضحك) وليت زوينة سيف ماغايبقاش يبغي ياقوت(كضور راسها بحال شيحمقة) سيفد الدين دياالي وامير ولدي ولدو اهئ  دم دم دم اهئ بيجامتي بيضة ولكن فيها دم اهئ اهئ
جرها المحقق بزربة وخلا سارة طايحة كتبكي وسيف ساهي جمع الوقفة وتمشى عندها بكل رجولة وقفها وهي غاتبكي هبطو لكافيتيريا وحطليها الفطور وعيط لمو وجات وهي جارة امير ليجا عندو كيجري : باابا
شافيه وابتاسم باسو فحنكو وبدا كيضحك امير شيليخلا الغمازات ديالو يبانو : بابا بيت ماما توحستا بفااف بزااف
سارة بدات كتبكي ومشا جيهتها كيجري وبدا يمسحليها دموعها: ميما لاس تاتبكي اهئ اهئ
جراتو عنقااتو وبدااو كيبكيو حتى غوت سيف داروليه كنازة فوق راسو: صااافي شتتت شوهتووونا  

اما واحد اسر كيشوف فمصعب كيلعب ويضحك بواحد نونوس فوق سرير. وهو حداه لابس شورط ووجهو حمر وكيقيص تحت فمو مع وجهو رطب ماعندوش لحية  ومواتيه وجهو وشكلو بحال روسين بشعر زعر.وعينيه الخوضر ...كيلعب بوجهو وعينيه على مصعب كيشوف فيه : دبا ترجع ماماك غاترجع وغانعتارف ليها ونعيشو بزوج خصها ترجع  خصهاا ترجع (وبلا مايحس هبطولو دموع حشا وجهو فوسط المخاذ كيتنخصص) انا كنبغيها بززاف كنبغيها بززاف مانقدرش نعيش بلا بيها هي رووحي وقلبي هي بدلااتني من واحد طايش لواحد بعقلو هي غيراات فيا بززاف دالحوايج هي عاوناتني نتجاهل الاحساس دالوحدة وعلماتني نخرج من العزلة ديالي هي عطاتني امل انه مهما وقع لي ماخصنيش نيأس واخا هي يأسات كانت كتعاوني واخا انا دخلتها لمستنقع البلية هي خرجااتني من مستنقع واحد اخر يااربي نلقااوها يااربي
مصعب بدا كيحبو تاقربليه وحط يديه على شعرو كيلعب بيه ويضحك وبلا مايحس نطق : غغرررر مه ماا مه ممه مااا ممها
بسرعة اسر هز وجهو جيهتو وعينيه مغرغرين ودموع دايرين طريق فوجهو عنقو.......وغفااو مع بعضياتهوم........

شوية ودخل حمزة ولقاهوم هكاك ابتسم بحزن على منظرهوم الطيف ومشا تحشا حداهوم عياان بسفر ماشافش نعااس هاذ نهار

بدا كيطيح ليل.......عند ريم  لينسيناها.....كالسة كتبكي بوحدها وظلاام سيد المكان...فغرفتها ليفلمستشفى : اهئ نهااار كااامل وانا كنتسنى يجي ومااجاش خوى بيا اهئ اهئ وحتى ماما وخوتي اهئ وخالتي اهئ تاواحد مكيبغيني ياااربي علاااش اهئ اهئ ائ انا مجرد عبئ تااواحد مامفكرني ديما محروومة من حيااتي ومحروومة من الحناان  محرومة من الاهتمااام من الحب اهئ اهئ يااربي عييت عييييت بزززاااااااااف اهئ اهئ
حطاات يديها على وجها وشعرها القصير كيلعب فكتيفاتها العرياانين : بغيت نرجع صغيرة بغيييت نولي كيف كنت اهئ اهئ مرااهقة كل همها الماكياج والحواايج علاااش كبببرت علااااااااش اهئ اهئ اهئ

بقات كتبكي تاصخفاات بالبكا وجات الممرضة دليل فيقاتها وعطاتليها تشرب  ومسحاتليها وجها...عطاتها مهدئ ونعساات..... 

طلع رعد عند ياقوت لقاها غارقة فنعاسها مشا حداها وتكا كيشوفيها ويلمس شعرها ويخطط ويخمم تاايه فافكاارو واش غاتساامحليه ولا غيكيكب الما فرملة وااش هو ليغلط ولا هي ابتسم على تفكيرو الحاامض بيان سير هو ليغاالط هي شداارت......زير على شعرها ونتفها فاش جا فبالو الاغتصااب غوتات وقفزات: شعري اايي طلق
حس على راسو وطلق من شعرها ودوز يدو على شعرو بتوت: سمحيلي قصتك
شافت فيه وقلباات وجها: خرج عليا مابااغاش نشووف كماارتك كنعيييفك
حل عينو : شنوو
هو ليكاع البنات كيموتو عليه وكلشي دايرلو هيبة تجي هاذي وتقولهالو ويسكت ليها لحد الان بااقي معجب فراسو انه ماقتلهااش  ولا دار فيها شيعجب تنرفز فاش قالتليه راني عايفاك بقا غيكيشووف تاحركاتو بعنف : هيييهووو نووض من حدااايا نووووض
شافيها بحزن وكيحاول يغطي ملامحو ليشبه ضعفانين: انا نايض تصبحي على خير
هي قلبات عينيها: شمن خير وانا عاايشة معااك
قلب وجهو وكيطرطق فعنقوو باقي مصبر راسو مدليها كاس دالما شداتو بنترة شرباتو كامل بالفقصة دانها غاتبقى تشووفو ديما  وصل لباب وهو يسمع صوتها ليكيبورشو: فوقاش غاتخليني نمشي بحاالي
صاافي هاذا حدو ضار عنها وهو مخنزر: تانسبقك ولا تسبقيني
شيراات عليه بالكاس بلا ماتحس جاه فدرااعو ماحرك فيه والو : نجيبليك شي فردي
بدات كتبكي بالفقصة وتجنن بوحدها: خرججج عللللياا خرجججج

يتبع