قسوة عاشق

الجزء الثالت والعشرين

صقر بقا كيشوف فيها وحنا راسو مالقا مايقول: هي عذبها خوك وعذبتيها نتا شنو بغيتو كثر هاا صافي اولدي  وحتا ذيك البنت سلمى ليمرمية الفوق بالدواايات كتنعسووها شنو ذنبها انك تضحك عليها وخا هي غالطة ولكن ولدكوم ليمربيه راجلها مابقاش فيكوم  ؟؟؟؟
صقر وقف: الواليدة على سلامتك
ومشا وخلاها...بلعات الغصة وجبداات تيلي وقفات لاوديو ليكان كيسجل هاذشي ليضار بيناتهوم.... وابتسمات بحزن وهي كتفكر :
😍 فلاش باك
كالسين كاملين ناضت ياقوت كتجري لطواليط وترد ابتسم صخر وبانو غمازاتو....تكلمات سليمة بكراهية: دبا هي حاملة
صخر : الواليدة هاذيك مرااتي وروحي وحيااتي عمرني نبعد عليها حتى نموتو بزوج ومانسمح لتاحاجة تاذيها
بقات كضور فعينيها

😍فلاش بااك ثاني :
لالة سليمة.....صحتك كانت على احسن مايرام وفجأة بداو كيبانو عليك شي اعرااض
سليمة بخوف وعينيها مدمعين مزيرة على يد صقر : ديالاش
الدكتورة تنهداات: بعدما خديناليك الدم ودرنا عدة تحاليل لقينا عندك سرطان الدم وانتشر بسرعة خصك تبداي حصص تصفية الدم وتبعي هاذ طخيطمون ليغانعطيك وغاتولي بيخير

عند يااقوت ليدخلو لعند المديرة وهوما  بالهوم مع ذاك الوليد تفكرات ياقوت فاش جات المربية ونتراتو وغادة وكاتخاصم وهو كيشوف فيها بعينيه مدمعين....تبسمات ليهوم المديرة ليكانت مرة كبيرة فسن......كلسو وتكلم اسر : السلام
المديرة: وعليكم السلام.......واقيلا عرفتكوم لاش جيتو
ياقوت تقادات فالكلسة: لا موحال....حنا جينا لهنا باش (بتوتر شدليها اسر يديها وبرك عليهوم) هاذي عاماين تخطف لينا واحد الوليد فكازا 
المديرة ربعات يديها : هاذي عاماين وصلونا بززاف ديال دراري اكثر من عشرة دالولاد باش غانعرفو اينا واحد فيهوم
ياقوت بخوف والدموع فعينيها: هو بيض بززاف وفيه خالات بززاف فصدرو وظهرو وشعرو شهب شويا
المديرة وقفات : كتهضري على مصعب.....تعرف فهاذ الخيرية البسيطة منين جابوه لقيناه فالباب كان صغير بززاف وطالعاليه سخانة......مكايبغيش يرضع ولا يسكت من البكا حتى لقبناه بمصعب.....هو كان قوي فاش دار عام مابقاش كيبكي قليل قليل بززاف... (عيطات فتيلي وخمسة دقايق دخلات واحد المربية ومعاها مصعب وقفات ياقوت كترعد...خرجات المربية والمديرة حطات مصعب بين يديها بقات ياقوت كتبكي طاحت بالصدمة وهو بين يديها بحال لاحس بيها بدا كيبكي بالجهد وهي كثر منو عنقاتو كتشم فريحتو ليفقداتها عاماين هاذي  ماشافشتووش من غير فاش ولدوه وغسلوه حداها كانت كتكابر باش تحل عينيها......تمخشش فيها وعنقها بديه صغيرة بحال لاكايقولها علااش وماتخلينيش....اسر طاحت دمعة يتيمة من عينيه وهو كيشوفيها كتبكي ومعنقاه......ابتسمات المديرة وهي كتشوفيها ضار عندها اسر : وفين الاب ديالو واش نتا

ماعرف مايقول : لا باباه ميت حاليا كاين غيخالو.وحتى مو باقا قاصر بقاليها شهر عاد تكمل 18 مقادة....
المديرة ابتسمات بحرج: اصلا اللهم يكون مع مو ولاهاذ الخيرية الموسخة......عيط لخالو يجي دبا نبداو

اسر بدا غيكيضور فعينيه وحلة هاذي جبد ايفونو وصونا لحمزة ليكان قدام البحر سااهي وكيشوف هنا فين  تلاقاها سمع تيلي كيفيبري  : الو شنو بغيتي مصدعلي كري
اسر بصوت فيه شوية دالخوف:  حنا لقينا ولد ياقوت وخصك تجي
حمزة بصدمة : دغياا كيدرتوليها...... اناجاي اولد القحبة...فين بعدا
اسر : الخيرية ليموراا حي السكور
حمزة: انا جاي

بعد نصف ساعة..كانت كالسة ومصعب بين يديها كيبجغط ويلعب وهي كتشوف فيه وضحك واسر كيضحك عليهوم والمديرة مشات تكلم....دخل حمزة وغيشافها بدا كيضحك  شافت فيه: حمزة انا لقيت ولدي اهئ اهئ سميتو مصعب....اهئ اهئ ومختن اهئ اهئ اهئ........(حطاات يديها على وجها كتبكي) حمزة تحزا على مصعب وباسو : احح على البطل  شحال بوكوص
وباس راس ياقوت ومشا لوذنها: ماتبكيش قدامو اياقوت نتي لقيتيه وهذا هو الاهم...دخلات المديرة : سلام نتا هو خال مصعب على ما اظن

حمزة : هو انا الكوميسير حمزة المرابط
المديرة تخلعات:مشرفيين موسيو المرابط
حمزة كلس ودار رجل على رجل :ماغاتصعبيهاش علينا ياك......
المديرة حركات راسها بنفي...وابتسمو بثلاتة : الولد غانديوه معانا والوراق غانصايبوهوم يااك
هي بالخلعة دارت ليهوم اه براسها كتبليها شيك وخرج خلاها هيمصدومة وتبعوه هوما غادة ومعنقااه خايفة لايخذووه ليها ......ركبو فلوطو ديالو حطاتو فوق رجليها كان نعس وداتو عينيه شحال كيحمق
اسر كيلعب ليه بيديه وشعرو ليقوي.....

وحمزة الصمت سيد المكان وصلو لدار خرج حمزة وسد الباب دلوطو هز مصعب وتبعوه هوما طلعو فدروج حتى لشقة ديالهوم حلوها مشا وحطو فبيت ياقوت وغطااه ولحقهووم لصالون فين كانو كالسين....كلس قدامهوم مربع يديه ومخنزر : ياك قلنا خليوني انا نتكلف
ماجاوبوهش وبدل الموضوع: الولد غايتقيد بسمية باه

هي بلعات الغصة  وحنات راسها :ااينا واحد فيهووم وطاحو دمووعها......كتبكي تشهق  عنقها اسر وكلس قدامها حمزة شا يديها :ياقووت صافي.....ماتنسايش بلي نهار عرفنا بلي نتي حاملة كانت بعشرين يوم والحاذتة (الاغتصاب) كانت ب16 اليوم يعني ولد عمك هو بابات مصعب.....هاذ المر ساهل بالنسبة ليا انا فقل من سيمانة نطلعليك وراق ولدك كاملين بسميتك نتي وباه....من حقوو باش تالا رجع بااباه ولا....

قاطعاتو وهي كترعد :مااغايرجعش هو نسااني هو كرهني وتا انا كرهتوو مستحيل نرجع معاااه هو دمرني
حمزة زيرليها على يديها : سمعي.....الغلط الوحيد ليدار ولد عمك رعد هو ماسمعليكش وانا برااسي كون نلقى مراتي ولا حبيبتي فذاك الوضع راه نقتلها

ياقوت كتبكي وتشير براسها لا : لاا كون كان كيبغيني غايعرفني مادرت واالو غايفهمني من عيني هو مشا وخلااني خلااوني كاملين اهئ اهئ انا مابقيتش بغيتهوم فحياتي اهئ اهئ

اسر : صافي غاتبقااي معانا ماغاتمشي مع حد
حمزة : شنو بغيتي نسميو ولدك
ياقوت بابتساامة حزينة : مصعب هه

ضحكو كاملين كملو هضرتهوم كيخططو لحيااتهوم مع حمزة وهوما ماعارفينش شنو غايوقع.....يتبع