قسوة عاشق

الجزء الواحد والأربعين

الجزء الثالث والاخير :دموع اشتياق ام ندم😫💔
______________________________________

دخلو وهوما كيشوفو دنيا عامرة بوليس تنهد سيف.... ومشاو عند سيكريتيرة ليكانت كتشوفيه وتلبد عويناتها : موسيو اردوغان زارتنا البركة
سيف خنزر فيها: بغيت المحقق المكلف بقضية مراتي سلمى اردوغان
شافت فيه وابتسمات :كتقصد طليقتك
هو قلب عينيه بملل...وتاهي فهماتو وشافت موراه كاينة سارة دايرة شال نص فشعرها باين ابتسمات ليها ودوزات لابيل لمحقق ليسميتو سفيان.....قاليها تجيبهوم ليه ودخلاتهوم المكتب وقبل ماتخرج عطات لسيف نمرة مكتوبة فوريقة ابتسم باستهزاء ولاحها...شافيه المحقق سفيان وابتسم: اهلا موسيو اردوغان ولينا كانشوفوك بززاف هنا
سيف كلس هو وسارة ودار رجل على رجل: بقوة مكنتوحشكوم مكنسخااش بيكوم
سفيان ضحك: كتعجبني روحك المرحة
سيف خنزر فيه: بغيت  نشوف سلمى اردوغان
سفيان تنهد: لقيتيني غانهبط نحقق معاها.....

تبعوه بصمت وهوما مترقبين شغادير وواش بصح حماقت حركاتها البارح خلعوهوم....بقاو هابطين فواحد دريجات وليداز كيحيي سفيان دخلو لواحد الغرفة كبيرة فيها كاميرة بصوت وصورة كبيرة شادة نص فالحيط كلسو فكراسة ودخل المحقق من واحد الباب شافت فيه وحناات راسها

ابتسم كيعجبووه المتهمات بحال هكا قلب الكرسي وكلس قدامها : تهضري ولا نهضر
ماهزاتش راسها:قتلتو
شافيها ودغيا قلب الابتسامة لتخنزيرة: بهاذ البساطة كتقوليها
هزات عينيها فيه:اه بهاذ البسااطة وكون جاتني الفرصة غانعاود نقتلو  هو مايستااهلش يعيش
مد يدو لشعرها دارو مور وذنها: عاوديلي قصتك معاه
حنات راسها بخجل: قصتي بدات بكذبة وسالات بكذبة.....كذبت على راسي فلول وفلخر كذب عليا القدر....انا كنت فريسة سهلة ليه غواني. .....وخلاني نعس معاه...حملت وتزوجت بولد عمي (ابتسمات وقابلات عينيها مع عينيه)حياتي وكولشي توحشتو بززاف راجل بمعنى الكلمة.....وقف معايا رغم اهاناتو ليا حبي زاد كيكبر معاه ربا ولدي بحال ولدو وانا متأكدة بلي عمرو يخليه.....ياقوت هي اختي باختصار صقر العلوي بغا يضحك على مرات خوه

المحقق متبع معاها وكاين واحد المبتدأ معاه كيسجل كل معلومة مهمة: هي ختك ياقوت.....لحد الان كنقسم بلي فجمالها ماشفتش
سلمى:اه..ههه كان راجلي وخوه كيبغيوها او معجبين بيها رغم صغر سنها فاتنة اضطريت نتعاون انا وياه بااش نوقعو بيها كان كيهددني.....وللاسف ختي راحت ضحية الذئب....الذئب البشري ليقتل نص فعائلتي ووهم نص المتبقي بوفاتي.....ولدي كبر بلا بيا

سفيان اهتمام: وفين كنتي
ضحكاات بالم:تلت سنيين وانا ناعسة بدوايات والمهدئات.....ماعمرني دقت الماكلة هاذي تلت سنين كناكل بالمغذيات والمنشطات...اضطريت نقتلو هو مادوزش عليا القليل
شافيها :كاينين شهود....
هي ابتسمات بحزن وانكسار : الخدامات

سيف قلبو تشوا لهاذ درجة تعذبااات.. اما سارة فكتزيد تصدم بناتها ضحية لعائلة العلوي ليانتهت وخلفاات مشاكل هل يا ترى سلمى غاتخرج؟

عند رعد ليقلب ياقوت بسرعة وعينيه كيخرجو شراارة وحماارو : رعد صغير
ياقوت:تهدن باقي مرييض اه رعد صغير...(ابتسمات)ولدنا مصعب
تحمل ببززاف دالصدمات ولكن هااذي سالات معاه:عندي ولد
ياقوت ودموع فعينيها:عاماين
كلس حداها ودار يديه على رااسو هاذ الحياة بنت القحبة كل مرة تصرفقو: عامااين....
تنهدات وبدات كتعاودليه وهو كيتصنتليها بدون ملل ماذكراتش الاغتصاب.....ابتسم بحزن وهي تبدا تبكي تتشهق:مات خلينيش اهئئ اهئ مااشي لخاطري خبيت عليك

عنقها بزربة وهو كيطبطب عليها وعينيه مغرغرين: ششتتت صافي....علاش  ماجيتيش عندي وواجهتيني
ياقووت قابلات وجها مع وجهو الحمر وعينيها حومر: اهئ المواجهة هي مناش خايفة
عاد تفكر سمية مصعب :مصعب ولدي عندي ولد ههه ولد هههه
بدا  كيضحك ابتسمات لهبالو باسها فجبينها...وتاهي بااستلو كفو تنهدو براحة ووقفات : دبا مع حمزة يالله نمشيو نجيبوه
هو : ولكن قبل....وقف وتقابل معاها

هاذوك لي....
بلعاات ريقها وبدات كضور فعينيها: مافهمتش
جرها عندو : هاذوك لي....ذيك ليلة
عينيها غرغرو تاني : مالوم
رعد تنهد:تبغي تعاقبيهوم نتي ولا انا
تنفساات بغل : فينهوما

ابتسم بشر وجبد تيلي صونا لكارد ديالو وعاطوليه لادريس....خرجو من الحبس بسباب العفو الملكي وغايدخلو لتحت جناح اردوغان هههه (ضحك بشر)

يتبع