قسوة عاشق

الجزء الخامس

دخل دوش بزربة لبس عليه كوستيم اسود وقاميحة بيضة الصديفات لولين محلولين واي واي كيهبل..   عيط ليكارد ديالو وقادوليه طيارة خاصة والوجهة #مكناس

وصل فساعات....خرج وضرباتو ريحة البلاد.....كان فالمطار بالضبط فواحد البلاصة خاصة بيه غي هو لقا قدامو لوطو بورش كحلا مجبدة محلولة من جيهة سقف وهابطة ركب وشاف فتيلي ديالو لادريس وكسيرا حتى بقاو آثار العجلات فالارض....فنصف ساعة كان قدام قصر آردوغان بقا كيكلاكصوني حتى حلوليه الحراس دخل وفرانا بالجهد تاتسمع صوت فران سيك....جبد الفردي ديالو قادو فيديه وخرج من نظراتو باينة فيه قوي وشخصيتو مستحيل تهزم....كانو فجردة كيف عادتهوم وصل حداهوم وهز ذاك الفردي لسما وطلق ثلاتة درصاصات فالسما حتى قفزو وقفو كاملين البنات تخلعو....نطق بصوت بحال فحيح الأفاعي مبحوح ورجولي فنفس الوقت : فين ياقوت

سارة نقزات: فين كتعرف بنتي عفاك فيناهي نتا هو ولد محمد ياك جيبلي بنتي عارفاها معاك
شاف فنايف:سكتو عليا هاذي....هيه فينها ياقوت
نايف باستغراب: ياك نتا راجلها
صخر لوا عنقو بحال شي حمق وبدا كيترعد: مكايناش......good ضار باش يمشي حتى سمع صوت رجولي ياختيشي البحة والهدوء : هربات ياك؟
صخر بلا مايضور: هرباااات(نطقها بصوت مفقوص )
سارة صخفات ونايف كيحاول يفيقها خرج هو وتبعو رعد وسيف اما سلطان والجد فكانو فالمكتب...دازت ساعتاين رعد نشر صورت السنسلة ليشراليها عند جميع الذهايبية حيث عارفها ضروري ماغاتحتاج لفلوس وغاتلجأ ليها. وسيفط ليكارد ديالو فجميع انحاء مكناس

اما صخر فنشر فالجرائد بلي ليلقاها غايعطيه تعويض يعيشو طول حياتو
... .. بقات ذيك البنت كتحاول معاها ووالو حتى فقدات الأمل منها عطاتها ميات درهم ومشات.....بقات ياقوت فذاك البرد كتترعد لابسة كسوة خضرا حد الفخاض ديال المصحة وحفيانة شعرها طايح على وجها وعينيها حمرين يديها على كرشها حسات بحركة من موراها ضارت وبانوليها زوج شماكريا بدات كتترعد وقفات تهرب وجرها واحد كلسها بجهد تاتقصحات

وقف عليه لاخر  داير ميكة فنيفو كيشم سيلسيون: طللق من البنت اصاحبي
الشمكار شاد قرعة دشراب وكيقيص فيها فشعرها ووجها: الزوينة(باس صباعو) هاكي جغمي معايا
الولد: ياء مابانتليش قبيلة....هانتي جغيمة وشميمة وبيسة لواحد وسيري
الشمكار كيميل : اه اه درنا معاك مت المزيان بلا ماتصعرينا هاكي شربي

بدات كتترعد جمعات يديها عندها والدموع تحجرو فعينيها شداات القرعة وهي كتشوف فيهوم هرساتها بزربة وهزاتها عندهوم: اهئ اهئ حيدو بعدو من طريقي
هوما خافو وكحزو وهي بقات غادة مع هرسات زاج رجليها تجرحو وبقات غادة حتى بعدات وضارت جاها البرد تكمشات وربعات يديها عندها غادة حفيانة وكرشها قدامها حتى وصلات لمدينة.....وليداز كيشوف فيها جاها جوع وحتى الفلوس نساتهوم فالجردة شافت قدامها محل ديال الذهب.... فعنقها كانت دايرا سنسلة ديال رعد ليعطاهاليها تجمعات ليها البكية هي ليبقات ليها ولكن خاصها تبيعها شافت قدامها دخلات وشافيها الراجل باستحقار: الله يسهل