قسوة عاشق

الجزء الثاني عشر

رعد عض على سنانو وعطاه ببونية حتى تزدح مع الحيط : سير حتى تسحى اجي نهضر معاك
سيف بشرارة: سااحي وساحي مزيان
قرب ليه رعد حتى تقادو فالطول ومشا لوذنيه:نسيتي بلي ماكنتيش تعيش بلا بيا انا انا ليعاونتك حتى بعدتي على ذيك البلية..انا لينسيتك فذيك القحبة ودبا ماطلبت منك والو بعد على ياقوت ياقوت خط حمر

سيف بدا كيتحقن بالنفس ووجهو زراق دفعو من صدرو وبدا كيهضر بحال شي حمق: يااقوت مامبعدش عليها انا لول شفتها

أن ا ما شي لعبة بين يدي كوم

عند صقر ليكان كالس على سرير حدا سرجم وكيدوز فتصاور خوه وحدة بوحدة ومرة يضحك ومرة عينيه يغرغرو...حتى حبس عند واحد صورة كان صخر كالس وياقوت كالسة جنبو حاطة وجها على كتفو وشعرها نازل على وجها وهو بلا مايحس كيشوف فيها بنظرات كلها حب وغفلهوم صقر وصورهوم

شد ذيك تصويرة وقطعها على زوج وهو كيتمتم بكلمات غير مفهومة....رما تصويرة دخوه فالارض وجبد بريكة وشعل العافية فتصويرة.....بدا كيضحك ولكن جات ريح قوية دخلات لبيت طفات ذيك العافية...بقا ساهي وضار بلا مايحس جيهة سرجم بحال لابانليه خيال ابتسم بلا مايحس : خوويا

فبلاصة خرى مختلفة نهائيا على مجرى القصة....فسلا بالضبط القرية أخطر بلاصة فذيك المدينة ليكتعتبر من أخطر المدن المغربية كالس كلسة القرفصاء فيديه جوان واليد لوخرى قرعة دشراب الغالي وكيغني وكيمشي ويجي حتى كيسمع صوت دطونوبيل قوي وقفات حداه حط ذاكشي ووقف كايضحك تحل الباب القدامي وخرج منها ولد زوين لحية والفورمة  لابس لبس  محترم مشا حداه ووقف : شنو دبا ماغايهديكش الله
الشمكار : شغانديرو اخويا الله يهدينا

جرو من شعرو طويل زعر ليدايرلو ليميش وعينيه الخوضر غيكايضورو فبلاصتهوم مع طويل عليه حكمو : زيد تقاود قدامي ناس كيسكرو بليل ونتا بنهار خلطتي كولشي

آسر بدا كيضور عينيه وسحا : خوك صغير انا
حمزة كيضحك : زيد العذاب زيد
ركبو فلوطو وعطاه قرعة دالما غسل وجهو ويديه حتى بدا كيسحى تدريجيا تكا حتى وصلو لدربهوم ونزل غي نزلو ليعندها شي صدر خرجات وشي رجلين عراتهوم وشي ترمة بنداتها بقا آسر غي كيشوف : والاكانت الفورمة وماكانش الوجه غي قودي ودخل غايضحك

هاذو الابطال جداد ليغايغيرو حياة ياقوت....حمزة ذو قوام مثالي ورجولة ياختشي العوينات عسليين والفم حمر وفيه شويا دالزروقية بالكارو شعر ماطويلش بززاف لبسو محترم عميد شرطة  وخا عندو الفلوس واللوطو كيدايرا قرر يبقى فحومتو الاصلية ليهي القرية  فيها تربى وشاف شلا جرائم حتى قرر يكون شرطي وبذلك بمهاراتو وقدراتو العالية قدر يترقى لعميد شرطة.....فعمرو 26 عام

آسر  ذو 18 العام هو من ذوك البراهش ليكتشدهوم المراهقة المتأخرة مبلي بجميع انواع البلية طويل تاهو ومبودر شويا شعر طويل ياختي وداير ليميش فالكحل وزعر وعويناتو خضرين توتوز لباس غي هو وخوه عايشين بوحدهوم حيث واليديهوم دارو اكسيدون هاذي تلت سنين شي ليخلا آسر يتبلا ويعمر فراغهوم بالبلية وعاد تربية خوه ليرباه ومامخصصو من تاحاجة.....

عند ياقوت كانو بزوج كيشوفو فيها رعدوتقابل معاها وعينيه كيلمعو: ياقووت هضرتي؟؟؟؟ ولا خاني سمعي
ياقوت : اا ااه كنه ضر....بدات كضحك هو يعنقها بالجهد وتاهي كرزات عليه سيف رجع حمر وفهم بلي غي يضرك زلافتو تم هابط وهو يضور شاف فيهوم بحزن عميق وهبط تعرى وتلاح فلابيسين هو كيبغيها وفواحد اللحظة نسا بلي هو مزوج وبلي خوه باغي سينغل يعني ماخاصوش يتعاند معاه كان فواحد لحظة غايسخر خوه على قبل بنت بدا ضميرو كيأنبو وماقدرش يزيد يفكر فهاذشي انانيتو كغات عليه خرج من الما وهو كايسمعهوم كيهضرو مع نايف وكيخبروه بالخبر درجوع صوت ياقوت هاذ الخطرة رعد مابعدش عليها بالعكس بقا حداها شي ليخلا سمية تفهم راسها طلبات من ياقوت سماحة وتسامحو بيناتهوم وسديم هازة فخاطرها من جسهة رعد ليكولشي حاس بيه حاط العين عليها باين من عينيه ليكولهوم حب وسلمى ليكالسة وغيكتشوف وكتفكر فالخطة دصقر واش بصح بغا غي يشوفهوم ولا كاينة شي حاجة خرى

كيجاكوم البارت وعطيوني توقعات سينون نلوحها فلفايس ونمسحها من هنا فيقو معايا راه العطلة هذي ليقرا يخلي فوط ماخاسر والو