قسوة عاشق

الجزء السادس والعشرين

حمزة: غانمشيو لسوبير مارشي نتقداو شيحاجات.....ياقوت حنات راسها كاتقلي الحوت: اوكي ماتعطلوش باش تلحقو العشا
اسر ابتسم بحب جرو حمزة من قرفادتو: زيد زيد وليتي كلاص كذوب دغيا.

خرجو كيضحكو ابتسمات على هباالهوم....هي عارفة اسر كيبغيها من عينيه ليكيقولوليها كلشي من افعالو ولكن هي هاذشي مناش خايفة....اي واحد كان معاها كاتنتهي حياتو كجحيم......هي ماشي لخاطرها بغات تكون هكا ضعيفة الشخصية هي ترباات على الطاعة وصخر زرع فيها الرعب.....وحدة فعمرها عشر سنين تغتااصب وفسن ربعطاااش ونص تحمل شهااذ العبث.....

كاان جاي فطريق بوااحد سرعة حرق شحال من ضو حمر كيبغيو يتبتوه كيشوفو نجمة ليفلوطو ديالو كيضربولو تحية.....الفلوس والجاه شكون ليكره يكون بلااصتو رعد اردوغان اي واحد كيضربلو الحساااب عاد يلعب معاه......عقلو مشغوول واش غايكوون قاصها ختو عزيزة عليه بززاف....مابغيش ليها ضرر.....غايندم اي واحد يقربليها..........دخل لطنجة بسرعة ليدااز من حداه كيحل فيه فمو كيطير زوااق ياختي......داز من حدا لوطو دحمزة واسر ضهشرهوم وكملو كلامهوم بخصووص حب اسر لياقوت وحمزة ليكيحاول ينسيه فيها....

سالات العشا وقاداتو فطبلة مشات دوشاات وبدلات عليها كسوة صيفية حد الفخااض وشعرها جامعاه سفنجة مع صيف كيصهدها كيوصلها تبارك الله حتى لركابيها: لبسااات بانطووفة دقنية زويونة وخرجات بعدما سداات شقة ديالها مع ضاارت تسااطحات مع جسم ضخم شوية.....رجعات لور بالخلعة وهي كتشووف فيه مصدومة شكاايدير هنا عاد تفكرااتو فاش قاليها راه ساكن هنا....شدها من درااعها: نتي مزال مامزوجة

يالله غاتهضر تاسبقها: حمزة المراابط عازب....
يصحابليك ناعس على وذني هااا راه معااك عيسى اون بيغصوون
ياقوت ردات زغيبة مور وذنيها: شوف انا بصح مزوجة  وعندي ولدي وحمزة خويا واسر تاهو خويا و...
عيسى لصقها مع الحيط  وريحة شرااب مخلطة مع ريحة الكاارو وراش ريحة زويونة زوين مبوكص ولكن مشرمل كامل مخصر: شووفي اعشيرتي.....انا ناوي الحلال
ياقوت بتوتر حناكها حومر كدفعو : انا مزوجة مزوجة
عيسى ابتسم عاد لاحظ جماالها الفتااان......قسم على ان فجماالها عمرو شااف..... وفصفااوة عينيها ووجها وحنييكاتها عمروو شافف بطبيعة الحال ماداويش على صحابات الماكيااج ليكولشي اصطنااعي نن هااذي دوريجين بدا كيقرب لشفاايفها تاهرباات منو نزلاات كتجري وعينيها عامرين دموع غاتقولها لحمزة فاش يجي بززاف على الحكرة يقنتها وقدام دارها كااع ماخصهااش تسكت على حقهاا شي نهار يدخل عليها لداار...قرمات فمها من ذكر هااذ الجملة ومشاا بالها لليلة الملعووونة غمضاات عينيها بزربة كتحاول ماتفكرش هاذشي

خرجاات لحوومة كتقلب على شي حانوت بانليها كاين حدا واحد مجموعة ددراري شي كيسكر شي كيكمي باينة فيهوم ماشي شماليين....مشاات كتمختر وتهز وتحط هاذيك مشيتها ليدازت من حدااه كيحل فمو.....جبدات تيلي كيفيبري.....جاوبات حمزة : الوو...
حمزة : ياقوت واحد.ساعتاين ونجي
ياقوت بتدمر: غايبرد العشا ودباا الحداش
حمزة: واغي تعشاي نجي ونسخنو العشا
ياقوت قطعات عليه.......وقفات على مول الحانوت : عمو عطيني قرعة دهاواي
عطاهاليها وجبدات فلوس تخلصو وقف عليها واحد شاد فيديه ميكة : تيتيز زين الفرتوت الطرف  شي درهم

ردلها مول الحانوت صرف دعشرين درهم عطاتوليه كامل بدا كيضحك يالله غايبوسها تابعداات مال هااذو بززاف على زعامة الخااوية ....تمات رااجعة وعينيها كيضوورو كتحس بقلبها كيخبط

فنفس الوقت كاانت جيب كحلا مجبدة دخلا مع الحومة موراها........مووراها نيشان داخلة بشوية عكس سرعة المفرطة ليكان جاي بيها فلول...حاني راسو مع بانلو درب طوالي مخلي لوطو تصوك بوحدها.....كيفكر......ويخمم قلبو بدا كيضرب بززاف ابتسم شحال هاذي ماحس بيه ضرب ننن هو عايش ولكن بقلب كيضرب دابا قلبو غايخرج واحسااس زوين كيرااودو.........

طلعاات فدروج بزربة بحال لاشي واحد تابعها مع سانسور مابانليهاش......تما نيت وقفات لوطو قدام العيمارة تاكد من العنوان......خرج وابتسم شحال بينو وبين هاذ الاحياء الشعبية من ياامات الابتدائي كان كيهرب ويمشي مع صحاابو فمكناس طبعا......طلع تلاتة دريجات لوالة وبانليه سانسور مقنت......دار طاج تاسع ووصل فغضون خمسة دقاايق........كان تفتح سانسور وريحتو نتاشرات فالمكااان تقدم زوج خطااوي وهو كيشوف فشي بنت من لور نفس لون شعرها وقووتو......فوورمة داكشي دكيم كارديشياان......ونفس بيوضيتها وصفاء بشرتها عنقها طويل واات دفاااااك كاتشبه ليها بززاف

فنفس الوقت يااقوت كتحاول تفتح الباب نفس ريحة اه نفس ريييحة شهااذشي قلبها غايخرج من بلاصتو خطااوي تقااال كيقربو ناحيتها يالله تفتح الباب وغادخل حساات بيد بااردة وكبيرة على كتفها العريااان انفاااس حااارة....قليها كيخبط كيخبط غااايخرج......ضارت بخطواااات بطيئة وقلبها غايسكت عينيها مغمضاااهوم بدات كتحلهووم بشوية...........

😍
ما يؤلمني حقا هو أني تألمت على يدي من تمنيت أن أتألم مكانه💔
هل أبكي وجها أم أنتظر غريبا أبوح له 💔
وجعتني يا أمي وجعني فرااقك وجعتني يا أبي وجعني بعدك وجعتني يا قلبي إختفى نبضك بسبب شخص كل ما ينتظره رأيتك مكسورا💔

تؤلمني نظرتك التي كلها حقد أكثر من حبي لك من طرف واحد💔