قسوة عاشق

الجزء الثاني

بدات كترعد وهي فوسط يديه وكتشوف فعينيه ليحمارو وعروق يديه برزو وصدرو طالع هابط....زلقات ليه وطلعات كتجري وكتبكي هو ضور راسو بطريقة كدل على اضرابو التفسي وطلع تابعها دخلات الباب دأقرب بيت لقاتو وسدات سمعاتو كيدق مشات لجنب وتكمشات كتويل وكتبكي

صخر كيدق بالجهد: حللي ابنت القحبة رديتيني زااامل يااااك يالله حلي صحابليك تخبيتي
طراااااخ. ....هز رجليه تالسما وفرع ذاك الباب جا طايح...دخل وشافها مكمشة توجه لجيهتها وهو كيسمع شهقاتها ماحس براسو حتى هز رجليه تالسما وعطاها لجنب غوتات لربي ليخلقها......هزها من شعرها وبقا غادي بيها جارها منو حتى دخلها لبيتهوم لاحها فالأرض  وبقا غادي جاي ماباغيش يشوف جيهتها حتى بدا كيتهدن تدريجيا حل واحد المجر وجبد واحد دوى شرب منو زوج حبات وردو ومشا جيهتها هزها وهي كتنخصص حطها فوق سرير.......

دخل لدوش دوش عليه وخرج غي بفوطة لبس سروال سيرفيط ونعس حداها على كرشو وطلع يديه  مع بيجامتها حطها على كرشها وكيدوزها بشوية وغمض عينيه....بقاات كتنخصص تانعسات مافيقهوم غي صوت الخدامة كتدق باش يهبطو يتغداو نزلو وهي كتمشى بزز وجنبها كيضرها وصلو لتحت ودخلو لصالون وشافو مرا كالسة وحداها ولد غي صخر محطوط غي هو سمر شويا

ناضت المرا تعلقات فصخر عنقاتو وهو باسها على راسها وطلقات منو وسلمات على ياقوت سلام ناقص وجا ذاك الولد عنق خوه عناق رجولي وجا يسلم عليها وخبطو صخر لراس بداو كيضحكو مشاو كلسو

سليمة : ايوا اولدي لما طليناش حنا ماتبانش نتا
صخر: راك عارفة الميمة الخدمة وذاكشي
قيصر : لا آلواليدة ولدك هبلو الحب(وغمز لياقوت)
سليمة: شوفي ابنتي مكتاكلي والو غاترقاقي مايبقا فيك مايتشاف خصك تهلاي لي فحفيذي وريث عائلة العلوي
صخر:  الواليدة
ياقوت : بصحتكوم

ومشات لكوزينة....شافت سليمة فولدها: قليلة الترابي
صخر تنهد ماباغيش يخصر مع مو : باقي ماولفاتش الواليدة
شافت فيه بمعنى منيتك:خمس سنين دزواج اولدي وربع سنين وهي معانا يعني تسع سنين  ومزال ماولفاتنا...عمرو حبا ونهار حبا طاح فالبير البنت مزال ماوصلات تاالديزويطون اولدي
قيصر : صافي الواليدة هو كيبغيها عادي جدا وفخاطر ذاك زين كولشي يهون
صخر شاف فيه بنص عين ودار عين ميكة......دخلات ياقوت لكوزينة غاطرطق : لاش يضربني لاش اهئ مادرتليه والو اهئ الحكار ايي(شدات فجنبها حلات الثلاجة الكبيرة وجبدات نوتيلا وخرجات لجردا )

في المغرب......مجموعة العائلة فالجردة كيشربو قهوة .....تكلم الجد:خصنا نعلنو الخطوبة ديالكوم اولدي رعد نتا وسديم
رعد كيخنشش فتيلي: اوكي
سديم شدات ليه فيديه وهو ينثرها شافت كولشي كيشوف فيهوم بلعات الغصة ...وقف هو وسيف : هاحنا غاديين نخرجو شويا 
الجدة: الله يرضي عليكوم اولدي....تمو خارجين وهي تنزل سلمى من لوطو كانت غاتسخف وهي كتشوفهوم جايين كيتمخترو عن الرجولة اتحدث....ناري نفس القلدة غايطرطقو بصدر مشدود طوال وعراض وشعر مهزوز الفوق بطريقة واعرة...رعد 25 سنة رجل أعمال معروف في عالم البورصا والبزنز داير مجموعة شركات دأنواع الملابس الرياضية سوبريم ونايك....وشركة سيارات معروفة  بلق وحروفو عسليين لحية مارون ضايرا على الفيم الحميمر والعوينات مجبدين كوحل فاش كتشوف فيه كتحس بيه حدودي الهضرة بالحساب ويلا هضر كولشي كيسكت....وسامتو مفرطة وهو من نوع ليكل ليلة وحدة معروف بالقلب القاسي رغم صغر سنو