قسوة عاشق

الجزء الواحد والعشرين

بقاو ساعات وهوما كيهضرو حتى بدا الصباح كيصبح حسو براسهوم معارفين شحال هاذي عاد نعسو.....فاق حمزة بكري لقا ياقوت فايقة اصلا مانعساتش كانت كيتفكر فحياتها الجديدة وجداتلو الفطور فطر ومشا لخدمتو طل على الملفات ليغايخدم عليهوم وصلات العشرة صوناتليه ريم كانت وصلات لطنجة باقا ماقايلاليهش بلي هي من عائلة اردوغان وساكنين فتطوان......تلاقا مدليها يديه وسلمات عليه بليبيز : صباحو
حمزة بابتسامة: صباح نور كيصبحتي
ريم والقلوبا خارجين من عينيها : الحمد الله ونتا؟
هو : الحمد الله.... يالله هاواحد الكافي غيهنا كانت قبالت الكوميسارية
هي : نتا بوليسي
حمزة: وي كوميسير يالله تحولت لهنا

مشاو طلبات هي الفطور اما هو كان شبعان....طلب كافي كخيم...كيشوف فيها كيفاش كتهضر وتعبر حتى لواحد دقيقة سكتاات وسهاات وشافت ليه فعينيه ونطقات: ياقوت بنت عمي

عند رعد ليفاق صباح بكري خرج دار سبور ورجع تطوان ماعندو لاخدمة فيها لاستة حمص...عندو شركة فطنجة وناظور كازا مكناس وخارج المغرب...اعمالو لقات نجاح كبير كيصنع السيارات والاآلات الحربية بلا الماركات العالمية بحال الكوتشي النايك.....سمعتو معروفة والبنات غايتسطاو عليه وهو مكيحملش حسهوم فينما تشوف فيه شي بنت يدفل فالارض عايفهووم عايفهووم......بدل عليه وخرج بلوطو.........ركب وكسيرا بالجهد ساهي كيصوك بيد ومخرج يد من السرجم فيها سيكار مرة مرة كيكمي منو.......دخل لطنجة ومشا لشركة ديالو ما ان وقف حتى كولشي خرج عزيز عليهوم بززاف شحال من مرة عاونهوم وخا مكايشوفوهش الا واعمالو كتحذث عن قلبو الصافي ليكيبين انه بارد بداو كيسلمو عليه من بعيد وهو مبتاسم سرعان ماجمعها مشا جيهة البيرو ديالو ليكان فطابق معزول الفوق بوحدو وحداه السيكريتيرة.....ليغيشافتو عينيها حوالو.....دخل للبيرو وتابعو اليد اليمنى ديالو عمر : عمر بغيت نشوف الملفات دالحسابات طول هاذ تلت سنين ولائحة المستوردات والشركات ليتعاملنا معاهوم بغيت كولشي واول حاجة بغيت كافي نواغ كيالعادة
عمر كيترعد: اوكي موسيو

يالله غايضور حتى داز واحد الكاس من حداه وتهرس فالحيط ليكان قدامو : اخر مرة تبقا ترعد عليا
عمر ضار عندو بالزربة ونزل راسو كيحاول يتكالما ما إن خرج حتى طلق تنهيدة......هو عارفو علاش قادر واي غلط منو يقضي عليه يمحيه.....

عند ياقوت ليباتت ليل كامل كتفكر فولدها كيف غايكون وخافت سناء تعلم صقر بلي رحلو ويجي ياخذو ليها ماقدراتش تسنى حمزة تايعاونها دخلات على اسر.....ليكان متكي كيلعب فالبيسي جابت ورقة وستيلو وهي لابسة كسوة ددار قصيرة حمزة مامخصصها من تاحاجة......جلسات قدامو واسر متبعها شكادير......ربعات رجليها وخدات ليه البيسي دخلات لغوشيغش قلبات على جميع الخيريات ليكاينين فطنجة........مالقاتش بززاف شافت اكثر الخيريات ليسمعتهوم خايبة........ابتاسمات بنصر وشافت فاسر قيدات العنوان كانت وحدة قريبة لهوم

اسر : نوضي تلبسي
ياقوت بفرح: بصح بصح
اسر : مالي كنضحك......انا غاندوش ونلحق عليك

ابتسمات ليه وخرجات كتجري خلاتو كيضحك على هبالها ناض دوش. وخرج لبس تيشورط فالكري وسروال تجين وسبرديلة فالكري رد شعرو لور ودار كاسكيط قالها جا زوين حيث هو اصلا زوين سمعتوني اه زوين هههه كيبان كبر من عمرو لاخلا اللحية غاتجيه خايبة ذاكشي لاش مكيخليهاش.....هز الفلوس وخرج لقاها باقا تنهد وجبد تيلي ديالو ليشرالو حمزة كيلعب فيه حتى سمع صوت الخطوات هز عينو وعينيه خرجو من ذاكشي ليلابسة زفر بالجهد : كون غيتعريتو
هي تقلقات: انا غانطلع نبدل

ابتسم : غيكنضحك جيتي زوينة
كانت جامعة شعرها الفوق سفنجة جاتها كبيرة بززاف مع دورة وجها واعرة....وطلعات رموشها بماسكارا وخا مامحتاجينش ودارت عكر مارون وحناكها حومر اصلا ولابسة تيشورطة فايتة سوتيانات بشبر وسالوبيط ديال دجين قصير بززاف حد الفخاض مرخوف وسبرديلة وتقاشر طالعين و ساكاضو.......وخرجو بعدما سدو الباب شدو طاكسي لذيك الخيرية وخا قريبة......وقف طاكسي ونزلو ليشافها ريوكو كايطيحو كتبان بحال شي كاورية شاف اسر هنا ولهيه فالشركة ليكانت مكتوبة بخط عريض : آردوغان.........يتبع