_______________________
عندما دلفت سيليا للملجأ قابلت حنان في طريقها والتي اندفعت اليها بغضب و صرامة :
- كنتي فيين يا سيليا قعدتي فين طول الليل انتي قولتي مش هتتأخري ايه اللي حصل و كمان برن عليكي و....
قاطعتها بضحكة صغيرة :
- اهدي يا طنط هجاوب على ايه ولا ايه ، اولا انا اسفة والله الجو كان مطر و الوقت متأخر مكنش ينفع نتحرك و الشبكة معدومة عشان كده مقدرتش ارن عليكي و اقولك و ثانيا رعد عنده شقة قريبة من المصنع اللي كنا فيه و قعدنا فيها على ما....
حنان بقلق وهي تضع يدها على كتفها :
- قعدتو لوحدكو طب عملك حاجة اذاكي غلط معاكي في الكلام قوليلي عمل فيكي ايه ؟؟
هزت رأسها بنفي وهي تطمئنها :
- طنط رعد معمليش حاجة بالعكس اا...
صمتت فجأة عندما ادركت ماكانت ستفصح به احمر وجهها خجلا و اخفضت بصرها فقالت الاخرى بشك :
- كملي سكتي ليه.
تشدقت سيليا بابتسامة وهي تغير مجرى الحديث :
- سيبك من الكلام ده وقوليلي الولاد فين ؟!
ادركت تهربها فأجابتها بتفهم :
- جوا لسه بيفطرو بس زعلانين منك.
- هههه ربنا يعيني واقدر اصالحهم عن اذنك.
تجاوزتها ودخلت لغرفة الطعام وجدت الاطفال متجمعين حول السفرة فصاحت بمرح :
- الله انتو بتاكلو من غيري معقول !!
نظرت لها مريم بغضب طفولي :
- أبلة سيليا احنا مخاصمينك متكلميناش.
سيليا وهي تجلس بجانبها :
- امممم و الحلوين زعلانين و مخاصميني ليه ؟
احد الاطفال ( خالد ) :
- عشان مطلعتيش معانا المبارح و كمان مجيتيش تحكيلنا حدوتة قبل النوم ف احنا خاصمناكي.
احتضنته سيليا و تمتمت بنبرة طفولية :
- سووري كان نفسي اكون معاكم والله بس للاسف وقتي مبيفضاش خاالص ، اوعدكم ان اول ما تجيلي الفرصة هقعد والعب معاكو ونطلع نتفسح سوا ايه رايكم.
مريم :- مش هتنفذي الوعد زي عادتك انتي بتكدبي.
حنان بحدة :
- مريم عيب تقولي الكلام ده !!
ابتسمت سيليا ابتسامة صغيرة واردفت :
- مفيش مشكلة يا طنط و...
لم تكمل كلامها لأنها بدأت تعطس فقال الاطفال ببراءة :
- أبلة سيليا انتي عيانة ؟
اجابتهم وهي تنهض :
- اه شويا.
- طب روحي ارتاحي فأوضتك وانا هجيبلك دوا.
قالتها حنان باهتمام فابتسمت الاخرى و ذهبت لغرفتها غيرت ملابسها و استلقت على الفراش ، ابتسمت عندما تذكرت كلام رعد وهو يأمرها بعدم الذهاب للعمل لقد استطاعت رؤية القلق على وجهه مما يعني انها تعنيه ولو بنسبة واحد بالمائة !!
YOU ARE READING
العشق الاسود
Romanceالمقدمة. ذلك القلب اصبح كنقطه سوداء في رقعه معتمه لا يلحظ وجودها احد علي الرغم من العتامه و السواد وكل ماحولها من جنسها تسرب له الشعور باليتم...... رغم السواد الذي يغمر حياتها الا ان الشبح المخيف كان لها الحامي و العاشق.... و نسيا كلاهما ان القاتل...
