الفصل العشرون : صدمات !!
_______________
صغيراً تجرعت مرارة الحرمان والكتمان، وكأنما تكوّنت روحي وشُكّلت لتنسجم مع بيئتيهما وقسوتيهما، لم أتحسس ملمس الطفولة التي عاشها أقراني، فالظروف جعلتني أحرق المراحل التي تفصل بين الطفل والرجل، وأرمي طفولتي جانباً وأتقمص صورة الرجل في سن مبكرة، لتطبع السنين بصمتها على ملامح وجهي...
بدا الجو كنقلة زمنية تعود بك لأحد الحروب في الماضي لكن هذه الحرب ليست لاسباب دينية او سياسية بل بسبب العقل و صراعه الدائم مع القلب...!!
اتسعت حدقتيها بفزع ورعب وقلق و دقات قلبها بدأت بالتضارب فيما بينها ، و رغم صدمتها الا انها لم تشعر بنفسها وهي تقول بعدم فهم مصطنع :
- ااا ج جلال ممم...مين و جوزي مين ده ااااه.
صاحت بألم عندما وجدته يقبض على ذراعيها بعنف شديد و يقربها منه ليغمغم بحدة :
- دور البنت البريئة مش بينفع معايا يا هانم انا مش زي اياد اللي استغليتي حبه ليكي...ايه انتي فاكرة ان لعبة غبية زي ديه ممكن تعدي عليا.
اخذت نفسا عميقا و في لمح البصر عادت لطبيعتها رسمت الجمود على وجهها و تشدقت ب :
- انت عرفت ازاي مين اللي قالك.
ابتسم بسخرية و استحقار ليتحدث بصلابة :
- مش انتي اللي تسألي انا بس اللي بسأل و التانيين يجاوبو وغصبا عنهم كمان.
لمعت عيناها فجأة و نظرت له بحزن :
- عايز تسألني على ايه مالحكاية واضحة انا مرات جلال و جاسوسته بعتني لشركتك عشان اعرف اخد المعلومات عن اي حاجة تخصك و لما عرفته على مشاعر اياد ليا قالي اني لازم استغل الموضوع لصالحي.
جز على اسنانه و احتبس الدماء في عروقه حتى اصبح وجهه احمر قبض على يده ليرفعها فجأة و يلكم الحائط صارخا بانفعال :
- تصدقي انا مش عارف اذا لازم اتنرفز او اضحك على غباء حبيبك من كل عقله فاكر انك هتعرفي تخدعيني انا كاشفك من اول مرة شوفتك فيها ف الشركة و الورق اللي كنت بتوديهوله كان بيوصله بمزاجي انا و اوقعه في الفخ يا غبية.
فتحت فمها بذهول وهي تحدق به :
- ومدام انت عارف الحقيقة ليه مفضحتنيش وليه واجهتني دلوقتي.
وضع يده في جيب بنطاله واقارب منها ببرود مردفا :
- عشان اللعبة الوسخة ديه زادت عن حدها ولا انتي عايشة الدور و بتعيطي و يغمى عليكي كأن ملكيش دعوة باللي حصل لا شابوه برفعلك القبعة على تمثيليك.
لين باستغراب :
- انت تقصد ايه انا مش فاهمة حاجة.
زمجر بها بعصبية بعدما فقد اعصابه :
- بتمثلي تاني يا و**** انتي فاهمة كويس انا بقصد ايه اتفقتي مع الكلب اياه عشان تلعبو معايا بواسطة حياة صاحبي انتي ايه يا شيخة خعندكيش ذرة كرامة او شفقة حاولتي تقتلي اللي بيحبك و بتمثلي حزنك قدامنا.
YOU ARE READING
العشق الاسود
Romanceالمقدمة. ذلك القلب اصبح كنقطه سوداء في رقعه معتمه لا يلحظ وجودها احد علي الرغم من العتامه و السواد وكل ماحولها من جنسها تسرب له الشعور باليتم...... رغم السواد الذي يغمر حياتها الا ان الشبح المخيف كان لها الحامي و العاشق.... و نسيا كلاهما ان القاتل...
