شيطان لا يعرف الرحمة

الفصل الاول ❤

وامتلكها الشيطان
الجزء الثاني من ( شيطان لا يعرف الرحمه )

الفصل الاول :

في فيلا رنا ،،،،،،،،
دخل عمر إلي الفيلا وكاد أن يصعد الدرج ولكنه وجد شريف جالسا علي الاريكه
ويبدو عليه الشرود ولم ينتبه له
فقال بصوت عالي :
- السلام عليكم
أفاق شريف من شروده علي صوت عمر فنظر له وقال بهدوء :
- وعليكم السلام
عندما شاهد عمر وجه شريف قال بلهفه :
- مالك يا شريف !!! ايه اللي حصل
نظر له شريف وقال بجديه :
- آآآآ..... مفيش خناقه عاديه
قال عمر بجديه :
- خناقه عاديه !!! من امتي وانت بتتخانق
نظر له شريف وقال بهدوء :
- غصب عني مقدرتش أمسك نفسي
عمر بجديه :
- ويتري بقي اتخانقت مع مين
نظر له شريف وقال متظاهرا بالبرود :
- آآآ ........مع جوز أختك
عمر بدهشه :
- رعد !!!!!
شريف بجديه :
- أيوه هو ال...........................
وقبل أن يكمل شريف كلامه استمع كلاهما إلي صوت صرخات قادمه من الاعلي
فتوقف شريف عن الكلام بينما قال عمر :
- ايه الصوت دا
شريف بضيق :
- شكل الزفت رعد عمل مصيبه
عمر بتعجب :
- هو هنا !!!!
شريف بسرعه :
- تعالي نشوف في ايه ليكون عمل حاجه
صعدا عمر وشريف إلي الاعلي وتوجها
ناحيه مصدر الصوت القادم من غرفه رنا
وشعرا بالصدمه عندما شاهدا رعد وهو يمسك
رنا من رقبتها ويحاول خنقها وهي تتنفس بصعوبه
فاقترب عمر من رعد وأبعده عنها بينما أحضر شريف
لرنا كوب ماء وساعدها في الشرب
..............................
(عوده بالزمن للخلف )
بعد أن تعبا رعد وشريف من كثره الشجار نظر رعد إلي شريف وقال بضيق :
- بردوا مش هتقول راحت فين
نظر له شريف بابتسامه مستفزه وقال :
- لأ
رعد ببرود :
- براحتك
ثم توجه إلي الدرج وكاد أن يصعد ولكن أوقفه صوت شريف وهو يقول بجديه :
- مش هتلاقيها فوق
لم يهتم رعد لكلام شريف وأكمل صعود الدرج
وتوجه إلي غرفه رنا ودخل عليها من دون أن يستأذن
.............................
كانت رنا جالسه علي السرير ويبدوا عليها الشرود وتفاجأت بمن يقطحم الغرفه عليها
فنظرت لباب الغرفه وعندما شاهدت رعد قامت بسرعه وتوجهت ناحيته وقالت بلهفه :
- رعد حبيبي
نظر لها رعد وقال ببرود :
- حبيبك !!!! ولما أنا حبيبك عملتي فيا اللي عملتيه ليه
رنا بصدق :
- صدقني يا بني  كان غصب عني
ثم تابعت كلامها قائله :
- بس أنا مستعده أعمل أي حاجه عشان تسامحني
سألها رعد قائلا بجديه :
- فين حور
رنا بعدم فهم :
- مش فاهمه !!!
نظر لها رعد بضيق وقال :
- لو عايزه تختبري صبري متحاوليش
رنا بتعجب من كلامه :
- صدقني يابني أنا مش فاهمه قصدك
نظر لها رعد وقال بغضب :
- حور عملت نفس اللي عملتيه من سنين يا.......مدام
رنا بصدمه :
- سابتك !!!!!
نظر لها رعد ثم توجه ناحيتها وأمسكها من رقبتها وقال بغضب :
- إنتي ايه !!!! شيطانه !! مش مكفيكي اللي عملتيه زمان لما هربتي !!!!
ثم تابع كلامه قائلا :
- وجايه كمان تعلمي  بنتك تبقي زيك
رنا بصوت متقطع :
- ه...م...و...ت
(عوده للوقت الحالي )
وجه عمر لرعد لكمه قويه في وجه ونظر له وقال بغضب :
- انت اتجننت !!!! عايز تموت أمك
رد عليه رعد قائلا بعصبيه :
- اسألها فين مراتي
تدخل شريف في الحوار قائلا :
- معدتش مراتك 
ثم تابع كلامه قائلا :
- أنت هطلقها
نظر كلا من عمر ورنا التي كانت تضع يدها علي رقبتها إلي شريف بصدمه
بينما أكمل شريف كلامه قائلا :
- زي ما دخلنا بالمعروف نخرج بالمعروف
رعد بعصبيه :
- مش بمزاجها هي ملكي وهتفضل ملكي
شريف بدهشه :
- أنت مجنون !!!
ثم تابع كلامه قائلا بسخريه :
- هستني ايه من واحد حاول يقتل أمه !!!!!!
شعر رعد بغضب شديد من كلام شريف ورفع يده ليوجه له لكمه في وجه
ولكنه أمسك يده وقال ببرود :
- الخناق مش حل للمشكله
تدخل عمر في الحوار قائلا بصدمه :
- أنا مش فاهم !!!!
ثم تابع كلامه قائلا :
- حور فين ياشريف
نظر شريف لعمر وقال بهدوء :
- هربت من جوزها
عمر بسخريه :
- ومالك مبسوط أووي إنها هربت
شريف بجديه :
- مش حكايه كدا بس....................
قاطعه عمر قائلا بصرامه :
- راحت فين
نظر شريف الي عمر ورأي ملامحه جاده لا تتحمل النقاش فقال بجديه :
- نيويورك
ثم وجه حديثه قائلا بسخريه :
- وخد الكبيره بقي الجنين لسه عايش
نظرا رنا ورعد إلي شريف بصدمه وقال الاخير بصدمه :
- لسه عايش !!!! طب ازاي
شريف بجديه :
- لسه عايش ومش لازم تسأل عايش ازاي لان دي إراده ربنا
ثم تابع كلامه قائلا بجديه :
- ولو سمحت امشي من هنا بقي لاني زهقت
نظر له رعد وقال ببرود :
- همشي دلوقتي بس راجعلك تاني
.....................
خرج رعد من الغرفه وتركا عمر ورنا وهم ما زالوا يشعرون بالصدمه من
حديث شريف ولكن صدمه رنا كانت أشد فعمر كان علي علم بموضوع الجنين
توجه شريف ناحيه رنا وجلس أمامها وقال بهدوء :
- أنا آسف يا ماما إني خبيت عليكي بس.........
قاطعته رنا قائله بجديه :
- سيبني لواحدي ياشريف ونبقي نتكلم في الموضوع دا بعدين
أومأ شريف رأسه بالإيجاب وقام من أمامها وخرج برفقه عمر من الغرفه
وتركا رنا وحدها وهي تشعر بالحزن الشديد بسبب ما فعله ابنها الوحيد
فقد رأت في عينيه الحقد الشديد بسبب ما فعلته قديما ولم يكتفي عند هذا الحد
بل إنه يتهمها أنها السبب في هروب حور...
في التجمع السياحي بشرم الشيخ
كانت فريده جالسه علي الاريكه وهي تشعر بسعاده بالغه بسبب مقابلتها لحور
فهي لم ترفض مساعدتها كما كانت تتوقع
لقد شعرت بطيبه تلك الفتاه رغم ردودها البارده عليها فهي تبدو بريئه ليس كما
أخبرها زوجها
شعرت بغصه في حلقها عندما وصل تفكيرها لتلك النقطه
نعم ماذا لو علم محمود بما فعلت ؟ !!!!
مؤكد أنه سيؤذيها !!!!!
فهي تعودت منه علي الضرب والذل ومع ذلك تحبه !!!!!
غريب أمرك أيها القلب
تحب من يقسو عليك
وضعت يدها علي قلبها وقالت بصوت هامس :
- ماذا أفعل بقلبي ان كان حبك يسكنه
...................
علي متن الطائره ،،،،،،،
كانت حور جالسه بجانب النافذه وشردت في مستقبلها وحياتها القادمه
فهي تركت كل شيئ خلفها ورحلت دون سابق إنذار رحلت من أجل إنقاذ
طفلها من بين براثن الشيطان زوجها
وضعت يدها علي بطنها وقالت بهمس :
- سأحميكي يا صغيري ولن أسمح لأحد بأن يؤذيكي مهما كلفني الثمن
.......................................
في سياره رعد ،،،،،،،،
كان رعد يقود السياره ليلا وهو يشعر بعصبيه شديده من نفسه فهو الذي فكر
في التخلص من طفله وهذا ما دفعها للهروب منه لكي تحمي طفلها
نعم !! تحميه من أبيه
عندما وصل تفكيره لتلك النقطه أوقف السياره بحركه مفاجئه
وضرب المقود بيده وأطلق صرخه عاليه  :
- آآآ...   ليه هربتي زيها!!!!.......................
...............................................................يتبع

حنزل الفصل التاني النهارده بليل لو لقيت تفاعل 😘