شيطان لا يعرف الرحمة

البارت الاول

شيطان لا يعرف الرحمه

الكاتبه اسماء احمد
-----------------------------------------------------------
في فيلا صغيره الحجم من الداخل وتحديدا في أحد حجرات الفيلا تجلس فتاه
منهاره في البكاء في حضن والدتها
وتقول بانهيار :- مش عايزه اتجوزه يا ماما عشان خاطري
والدتها رنا :- غصب عني يا بنتي سامحيني
رفعت الفتاه وجهها ونظرت الي والدتها وقالت بدموع:- عارفه يا ماما
ثم اردفت قائله:- نفسي اعرف ايه اللي رجعه دلوقتي مش كان سابنا ومشي
لأ وكمان عايز يجوزني غصب عني
رنا بدموع:- صدقيني يا بنتي لو بإيدي حاجه كنت عملتها بس انتي
قاطعتها الفتاه قائله وهي تمسح دموعها بأطراف أصابعها:- خلاص يا ماما
الكلام معدش نافع انا هتجوزه ويحصل اللي يحصل
رنا :- يمكن يا حبيبتي يطلع كويس وتحبيه
الفتاه بابتسامه حزن :- ان شاء الله
ثم أردفت قائله :- انتي بردو مصره متحضريش فرحي
رنا:- مش هقدر احضر فرحك وانا عارفه انك مغصوبه
الفتاه:- عشان خاطري يا ماما
رنا:- يا حبيبتي صدقيني كده احسن
الفتاه:-
وقبل ان تتحدث الفتاه قاطعتها والدتها :- لواعرف انك مبسوطه كنت هبقي اول واحده ابقي جنبك
ثم أردفت قائله:- بس متقلقيش يا حبيبتي انا هقف اتفرج عليكي من بعيد
احتضنت الفتاه والدتها وقالت  بدموع :- بحبك اووي يا ماما
رنا بدموع وهي تحتويها بين يديها :- وانا كمان بحبك يا عيون ماما
ثم رفعت وجهها ونظرت اليها ومسحت لها دموعها بحنان
وقالت :- يلا يا حور قومي اغسلي وشك قبل ما ابوكي يجي ويهبدلك
حور بابتسامه :- حاضر يا ماما 
ستووووووب
حور محمد البحيري:- هي فتاه في منتصف العشرينات تخرجت من  كليه
الهندسه قسم برمجيات  بشرتها بيضاء نقيه كالحليب التي تتناسب مع شعرها الذهبي
وعينيها مزيج من اللونين الاخضر والعسلي بريئه الملامح طيبه القلب محبوبه من الجميع

في شقه  بمنطقه التجمع الخامس

يجلس شاب علي السرير عاري الصدر وخلفه فتاه تدلك له ظهره
لتقول الفتاه بدلال :- انا سمعت خبر كده وعاوزه اسألك عليه
الشاب ببرود:- خير
الفتاه بدلال :- يعني انا مصدقتش الخبر ده
الشاب :- خلصي خبر ايه ده
الفتاه :- انك هتتجوز
الشاب ببرود:- ايوه هتجوز
الفتاه :- ازاي يعني هتتجوز طب وانا
الشاب بقسوه :- إنتي ايه
الفتاه :- أنا بحبك وعمري ما رفضتلك طلب وفي الاخر هتتجوز وتسيبيني
الشاب برود :- حب ايه ده اللي بتكلمي عليه
ثم أردف قائلا :-وبعدين مين قالك اني هسيبك
الفتاه وقد توقفت عن التدليك:- بجد يعني هفضل زي ما انا
قام الشاب فأجأه ونظر لها بأعين قاسيه :- ايوه هتفضلي هنا لحد ما ازهق منك

ستوووووووب

رعد ابراهيم الصاوي :- شاب في اوائل الثلاثينات تخرج من كليه هندسه
البرمجيات وكان دائما الاول علي دفعته ويمتلك سلسله شركات البرمجه وهناك مقر رئيسي للشركات
ويمتاز بالبشره القمحيه والشعر الاسود المائل للبنه وعينيه لونهما بني بهما لمعه تجعل الجميع يسحرون بها
ووجه صارم جامد الملامح يخشاه الجميع ويتعاملون معه بحذر