شيطان لا يعرف الرحمة

البارت السادس عشر

(شيطان لا يعرف الرحمه)

الكاتبة اسماء احمد

_________________________________________

الفصل السادس عشر :-

في فيلا رنا *******************

وضعت  حور يدها علي بطنها وقالت بهمس :
- الحمد لله اني قدرت انقذك من أبوك
ثم شردت فيما حدث

( عوده بالزمن الي الخلف )
بعد ما سمعت حور رعد وهو يتحدث الي الطبيب ويخبره أنه يريد أن يتخلص من هذا الطفل
عادت الي سريرها وجلست عليه وبدأت تفكر في حل لانقاذ ابنها
وتوصلت الي حل وهو أن تمثل انها فقدت الجنين
ولكنها فاشله في التمثيل كما قال رعد سابقا عندما مثلت عليه انها فقدت ذاكرتها
اذا فهناك حال وحيد !!! عليها ان تطلب مساعده شقيقها عمر
وهذا ما تم فعلا فبعد أن ذهب رعد لعمله في الصباح واتصال حور به
واخبارها لها بأن ترتاح لانها لا تزال مريضه استغلت حور الفرصه وذهبت الي عمر
وقصت عليه كل ما سمعته من رعد وطلبت مساعدته للحفاظ علي ابنها
استمع عمر لكل ما قالته  بدهشه وقال :
- أنا سمعتك علي الاخر وهقولك رأيي بصراحه
حور بجديه :
- اتفضل
نظر لها عمر وقال بنبره رخيمه :
- آآآآ.....اللي إنتي بتفكري فيه دا كويس      ثم تابع كلامه قائلا :
- بس مفكرتيش هتعملي ايه لم بطنك تبدأ اكبر ولا هتتصرفي ازاي وقتها
حور بتوتر  :
- هسافر
عمر بدهشه :
-  هتسافري ؟
حور بجديه :
-  هطلب الطلاق من رعد واسافر
عمر بدهشه اكبر :
-  طلاق ايه !! وسفر ايه !! إنتي اتجننتي ولا ايه ...........  ثم تابع كلامه قائلا :
-  وتفتكري رعد هيرضي يطلقك بسهوله كدا !!!
حور بجديه :
-لو مطلقنيش ههرب منه
عمر بعتاب :
- واضح انك مرتبه كل حاجه أمال جيالي ليه
حوربنبره حزن :
- ساعدني ياعمر عشان خاطري
عمر بتهنيده :
- ماشي يا حور قوليلي انتي عيزاني اعمل ايه وانا اعمله
حور بجديه :
- النهارده بما ان مفيش حد في البيت هيبقي نبدأ تنفيذ الخطه.........ثم سألته :
- هي مرتك فين ؟
عمر بجديه :
- راحت عند أنكل ابراهيم
حوربجديه :
يبقي ننفذ دلوقتي           ثم تابعت كلامها:
- أنا هنزل من علي السلم وانام علي الارض
قاطعها عمر قائلا بدهشه :
- تنامي علي الارض  .. .مش فاهم !!!!
حور بجديه :
- لما انا انام انت هتاخدني المستشفي ووتصل برعد وتقوله حور وقعت من علي السلم....
والباقي انتي عارفه
عمر بانبهار :
- جبتي الخطه دي منين
حور بمرح :
- من علي النت
عمر بجديه :
- انتي كدا رتبتي كل حاجه صح  بس في حاجه نسيتيها
حور بسرعه :
- حاجه ايه ؟
عمر بجديه اكثر  :
- لازم يبان عليكي آثار التعب والانهيار متنسيش ان دا اجهاض
حور بابتسامه :
- لأ ما انا لقيت حل
عمر بدهشه :
- كمان !!! وايه هو الحل بقي
حور :- دقيقه
ذهبت حور الي غرفتها وعادت بعد وقت قليل ومعها زجاجه صغيره جدا
تحتوي علي سائل ابيض
قالت حور بابتسامه وهي تمسك الزجاجه امام عيني عمر :
- دي الحل
عمر بتعجب :
- ايه دي !!!!!
حور وهس تشير للزجاجه :
- دي يا عمر  سم....................ثم قالت بتوضيح عندما رأت صدمته :
- حاجه شبه السم بتخلي جسم الانسان فيه خمول  ونتيجه للخمول دا بتظهر هالات سوده تحت العين
ثم تابعت كلامها :
- بس مبتأذيش وتأثيرها بيروح بعد 3 أيام
عمر بسؤال :
- جبتي السم دا منين ؟
حور بارتباك :
- جبته وخلاص يا عمر
عمر بصرامه :
- قولي يا حور جبتي الزفت دا منين
حور بجديه :
- من واحده صاحبتي ومتسألنيش مين
عمر :
- ماشي يا حور  يلا نبدأ تنفيذ الخطه
وبالفعل تم تنفيذ ما قالته حور وقام عمر بحملها واخذها الي المشفي
واتصل بشريف الذي جاء فورا قلقا علي شقيقته ولكن عمر طمأنه وقص
عليه كل ما حدث ثم اتصل عمر برعد وابلغه بسقوط حور من علي السلم